Víkurfréttir - 11.12.2014, Blaðsíða 36

36 fimmtudagurinn 11. desember 2014 • VÍKURFRÉTTIR
-viðtal pósturu hilmar@vf.is
Nú stendur yfir sérstæð sýn-ing í Kirkjulundi í Reykja-
nesbæ þar sem gefur að líta safn
jólakorta í 80 ár.
Kortin voru í eigu Fjólu Sigur-
björnsdóttur sem að sögn Gísla
B. Gunnarssonar sonar hennar
henti aldrei jólakortum sem hún
og eiginmaður hennar Gunnar
Sveinsson fengu en fyrir hver jól
sendu þau hátt í 70 kort til vina og
ættingja.
Kortin söfnuðust upp í kössum, á
geymslulofti, í skápum og komm-
óðuskúffum og þegar móðir Gísla
lést árið 2011 voru kortin orðin um
3.600 talsins.
Móðir Gísla hafði haft orð á því
fyrir nokkrum árum að gaman
gæti verið að sýna kortin á Ljósa-
nótt. Henni gafst ekki tími til þess
en Gísli kom hugmyndinni í fram-
kvæmd. Leitaði hann til Kefla-
víkurkirkju og óskaði eftir því að
setja sýninguna þar upp, vel var
tekið í erindið og verður hægt að
skoða brot af jólakortunum á að-
ventunni í Kirkjulundi. Sýninguna
tileinkar Gísli minningu móður
sinnar.
Fjóla, móðir Gísla, var fædd 6.
febrúar árið 1930 og eru elstu
kortin send til hennar á barnsaldri.
Hún var næstyngst fimm systkina
en ólst upp hjá Ragnheiði Jósefs-
dóttur móðursystur sinni í Hlíð
í Garðahverfi og manni hennar
Gísla Guðjónssyni sem Gísli er
nefndur eftir. Upphaflega var hún
send í fóstur á Hlíð í nokkra mán-
uði vegna veikinda móður hennar
en hún ílengdist þar.
„Þegar hún átti að fara heim þá vildi
hún bara vera áfram og hún fékk
það“, sagði Gísli. „Hún ólst upp í
Hlíð en átti alla tíð í góðu sam-
bandi við foreldra sína og systkini.
Átti þarna tvær fjölskyldur eins og
sjá má í gömlu afmæliskorti þar
sem Ragnheiður skrifar: Hjartan-
lega óska ég þér til hamingju með
afmælisdaginn þinn Fjóla mín,
frá mömmu í Hlíð. Svo eru þarna
önnur kort frá foreldrum hennar
og syskinum“.
Ungur kaupfélagsstjóri
á balli í Ungó
Þegar Fjóla fer að vinna fyrir sér
flytur hún til Reykjavíkur 17 ára og
leigir þar ásamt vinkonum sínum.
Hún vann m.a. í kexverksmiðjunni
Esju í eigu hins fræga Sæmundar
sem sparikexið er kennt við, og í
Ölgerðinni Sanitas. Það var svo ör-
lagaríkt kvöld þegar hún og vin-
konur hennar ákváðu að skella sér
á ball í Ungó í Keflavík. Þar var
ungur kaupfélagsstjóri á balli og
þau dönsuðu saman allt kvöldið
og mæltu sér svo mót í Reykjavík
helgina á eftir. Eftir það var ekki
aftur snúið og Fjóla flutti búferlum
til Keflavíkur en lengst af bjuggu
þau hjónin á Brekkubraut 5 sem
þau byggðu.
Gísli er yngstur fimm barna Fjólu
og Gunnars. Systkini hans eru
Magnús, Ragnheiður, Sveinn, og
Sigurbjörn. Magnús og Sveinn eru
látnir.
Að sögn Gísla var móðir hans mjög
skipulögð og vildi hafa hlutina á
hreinu.
„Hún gat samt verið snögg að
taka ákvarðanir og var ekkert að
bíða með hlutina. Það gat tekið
pabba þrjú ár að kaupa stól og svo
loksins þegar hann lét verða af því
þá var hann hundóánægður með
hann. Mamma dreif hins vegar í
hlutunum og framkvæmdi. Ég er
eins og hún. Þegar ég tek eitthvað
að mér vil ég bara klára það sem
fyrst. Eins og með þetta verkefni,
þá fór ég bara í það og vann þangað
til ég var búinn. Ég lagði íbúðina
undir þetta og tók svo lokahnykk-
inn þegar ég ákvað að sýna hér í
Kirkjulundi. Starfsfólkið í kirkj-
unni tók vel í hugmyndina, þetta
var samþykkt og nú er sýningin
komin upp“.
Móðir Gísla sá alfarið um jóla-
kortin á heimilinu og hélt um þau
á skipulegan hátt.
„Hún skrifaði hjá sér nákvæmlega
hverjir sendu kort, næsta ár var
svo farið yfir hver sendi okkur kort
og sent út samvæmt því. Þau voru
bæði mjög félagslynd, við þekktum
svo margt fólk bæði þar sem pabbi
var kaupfélagsstjóri og mikið í fé-
lagsmálum en hún líka. Pabbi er
svo af stórri ætt og þekkir marga
fyrir vestan sem skýrir af hverju
þau sendu milli 60 og 70 jólakort
um hver jól. Ég veit ekki hvort
þetta var óalgengt á sínum tíma.
Mamma lét pabba skrifa kort ef við-
takendur voru háttsettir karlar eða
menn sem tengdust vinnunni hans.
Eðlilega lenti þessi vinna mikið á
henni sem og undirbúningur fyrir
jólin enda voru þau annasamur
tími í Kaupfélaginu. Mamma var
þá heimavinnandi en hún vann
seinna hlutastarf í kaupfélaginu
á Faxabraut, þegar við systkinin
vorum öll flutt að heiman“.
Gleðileg jól og farsælt
komandi ár
Jólakort í 80 ár