Víkurfréttir - 11.12.2014, Blaðsíða 37
37VÍKURFRÉTTIR • fimmtudagurinn 11. desember 2014
Nú er ég búin með efri skáp-
ana, nú er ég búin með neðri
skápana
Jólakortin voru opnuð jafnóðum
og þau bárust og þá mátti að sögn
Gísla heyra Fjólu segja „heyrðu
já þessi, sendum við þessum? Þá
þurfti að senda honum og athuga
bókhaldið. „Mamma þreif allt hátt
og lágt fyrir jólin og skipulagið var
svipað og með jólakortin. Hún var
byrjuð löngu fyrir jól og í dag skilur
maður það ekki, að þrífa í mesta
myrkrinu. Þá heyrðist í mömmu:
„nú er ég búin með efri skápana, nú
er ég búin með neðri skápana, nú er
ég búin að fægja silfrið“.
En sendir Gísli jólakort?
„það hefur minnkað með árunum,
í dag er ég hættur að senda jólakort.
Ég var farinn að senda svo fá kort
og fékk það á tilfinninguna að fólk
væri að senda mér jólakort af því
að ég væri að senda þeim. Þannig
að fyrir einum eða tveimur árum
hugsaði ég með mér: æ ég er ekkert
að þessu. Ég sendi einstaka nem-
endum sem ég kenni og þá sendi ég
jólakort í póstkassann í skólanum“.
Gísli hefur starfað sem kennari í
Myllubakkaskóla í bráðum 10 ár.
Hann er félagslyndur eins og for-
eldrarnir, syngur í kór og tekur
þátt í starfi leikfélagsins, nú síðast í
revíunni Með ryk í auga eftir nokk-
urt hlé. „Ég hélt að ég fengi þessa
þörf að koma fram og halda tölur
frá pabba en seinna fann ég það út
að það er komið frá mömmu. Hún
var hátt í áttrætt þegar hún stóð
upp á Faxa fundi þegar konunum
var boðið og flutti Gunnarshólma
utan að.
Elsta kortið frá 1931
Ekki var hægt að sýna öll kortin og
því ákvað Gísli að setja þau niður
í sex flokka. Þeir eru: jólasveinar,
kirkjur, María og barnið, María og
Jósef með barninu, englar og jóla-
tré. Elsta kortið er frá 1933 og telja
þau til dagsins í dag.
Sjá má í kortunum að jólakveðjan
hefur lítið breyst í tímans rás, þar
má finna hina stöðluðu kveðju:
“Gleðileg jól og farsælt komandi ár,
þökkum liðið”.
„Það sem mér finnst skemmtilegt
við kortin er að maður sér að fyrst
eru það bara hjón sem rita undir,
næst eru það hjónin og eitt barn,
þá þrjú eða fjögur og svo fækkar
því aftur og kortin enda svo aftur
á hjónunum einum“. Að sögn Gísla
er hending ef tvö kort eru eins og
finna má ótrúlega margar útgáfur
þótt mörg kortin séu lík.
Á yngri árum Fjólu prýða myndir
af leikurum kortin s.s. Shirley
Temple, Ingrid Bergman og fleiri
þekktar kvikmyndastjörnur. Í safn-
inu má finna bæði heimagerð kort
og prentuð, fallegar teikningar og
seinna ljósmyndir. Elsta jólakortið
í safninu er frá árinu 1931 þótt
ekki megi finna það í sýningunni
núna. Í því er svohljóðandi ára-
mótakveðja:
„Sauðárkróki 1931. Elsku litla
frænka mín! Guð gefi þér gott og
gleðilegt nýtt ár. Þess biður þín
frænka, Bubba”.
Í safninu má jafnframt finna fá-
gætan dýrgrip sem er jólakort
hljómsveitarinnar Hljóma, með
mynd af þeim félögum og eftir-
farandi kveðju: Okkar beztu jóla-
og nýársóskir. Þökkum liðin ár.
Hljómar Keflavík og í kortinu eru
áritanir þeirra. Kortið er komið
til af því að Erlingur og kona
hans leigðu í kjallaranum hjá for-
eldrum Gísla á tímabilinu 1967 –
69. „Maður heyrði aðeins þegar
Hljómar tóku létta æfingu í kjallar-
anum“.
Gísli segist alveg eiga efni í sýn-
ingar næstu árin þar sem kortin
eru mörg. „Ég gæti haft aðra flokka
næst, t.d. heilan flokk frá Ísafirði
eða verslun O Ellingsen. Ég ætlaði
að hafa einn flokk kerti en það
kemur kannski næst”.
Við hvetjum sem flesta til þess að
skoða sýningu Gísla í Kirkjulundi
en hún verður opin á aðventunni
og fram yfir áramót.
ó – Jesúbarn, þú kemur nú í nótt,
og nálægð þína ég í hjarta finn.
Þú kemur enn, þú kemur undur-
hljótt
í kotin jafnt og hallir fer þú inn.
J. J. SM
Val á ljósahúsi Reykjanesbæjar 2014 fer fram á vef Víkurfrétta en kosning um ljósa-húsið hefst í dag, 11. desember kl. 18:00 og stendur til sunnudagsins 14. desember kl.
24:00. Það verður því viðhaft íbúalýðræði við val á ljósahúsinu í ár eins og í fyrra.
Jólanefnd hefur valið 10 hús í bæjarfélaginu og myndir af þeim öllum birtast hér og á vf.is.
Bæjarbúar kjósa svo með netkosningu á vef Víkurfrétta. Hver og einn velur eitt hús. Niður-
staða kosninganna verður kynnt mánudaginn 15. desember kl. 18:00 í Duushúsum og eru allir
bæjarbúar velkomnir að vera viðstaddir. Húsið sem fær flest atkvæði verður útnefnt ljósahús
Reykjanesbæjar og næstu tvö fá einnig viðurkenningu.
Húsin sem eru tilnefnd í ár eru: Borgarvegur 20, Freyjuvellir 7, Heiðarból 19, Heiðarbrún 4,
Melavegur 9, Miðgarður 2, Steinás 18, Túngata 14, Týsvellir 1 og Þverholt 18.
Kjósið ljósahúsið á vf.is
ÞÚ VELUR LJÓSAHÚS
REYKJANESBÆJAR
Heiðarból 19 í Keflavík.
Melavegur 9 í Njarðvík.
Heiðarbrún 4 í Keflavík.
Týsvellir 1 í Keflavík.
Steinás 18 í Njarðvík.
Miðgarður 2 í Keflavík.
Borgarvegur 20 í Njarðvík.
Túngata 14 í Keflavík1.
Þverholt 18 í Keflavík.
Freyjuvellir 7 í Keflavík.