Víkurfréttir - 18.12.2014, Blaðsíða 18

18 fimmtudagurinn 18. desember 2014 • VÍKURFRÉTTIR
Jólin eru í júlí og ágúst
Aðspurður hvort það séu toppar
í starfsemi Flugukofans, þá segir
Júlíus að jólin séu í júlí og ágúst ár
hvert í veiðinni. Þá sé mesta fjörið
í stangveiðinni, flestir að veiða og
í nógu að snúast. Þá er silungur og
lax og í enda þess tímabils kemur
svo sjóbirtingur. Það eru svo
sannarlega líka að koma jól núna
í Flugukofanum því Júlíus hefur
verið að fylla búðina af gjafavöru
ýmiskonar fyrir veiðimenn síðustu
daga. Veiðiáhugafólk þarf jú líka
að fá í skóinn eða veiðipakka undir
jólatréð.
– Og hvað fá veiðimenn í skóinn
eða jólapakkann?
„Það er alltaf hefðbundið að gefa
hanska og húfur. Á hverju ári
■■ Veiðisögurnar verða til í Flugukofanum:
Opnaði eldsnemma
og fyllti búðina af
ferðamönnum
Flugukofinn að Hafnargötu 21 í Keflavík er eina sérverslun Suður-nesja með sportveiðivörur. Júlíus Gunnlaugsson ræður ríkjum í
Flugukofanum en hann er sjálfur forfallinn veiðimaður. Hann byrjaði
með vísi að verslun í skúrnum heima hjá sér skömmu eftir hrun en
opnaði við Hafnargötuna fyrir jólin í fyrra.
Veiðivertíðin stendur meira og minna allt árið. „Í febrúar byrja menn
að hnýta flugur fyrir vorið og sumarið. Vorveiðin hefst í apríl og í júlí
byrjar laxinn. Sjóbirtingur byrjar svo í september og stendur til 20.
október. Svo er ég kominn með vörur fyrir skotveiðar og er að þjónusta
rjúpna- og gæsaveiðimenn. Sala á skotveiðibúnaði fer vel af stað en ég
er með skot og allt það sem menn þurfa til skotveiða,“ segir Júlíus í
samtali við Víkurfréttir.
kemur svo alltaf eitthvað nýtt
tækniundur fyrir veiðimenn. Nú
er það WaterWolf sem er myndavél
í anda GoPro nema að þessari er
kastað með línunni og hún myndar
þegar fiskurinn tekur. Þessi vél er
flott jólagjöf, sem og veiðitöskur
eða nýtt veiðihjól. Vöðlur og skór
eru einnig vinsælar jólagjafir fyrir
veiðimenn, sem og hnýtingasett“.
Júlíus er með eitt mesta úrval lands-
ins þegar kemur að fluguhnýtinga-
vörum og segist vilja vera sterkur á
því sviði.
Meðbyr með búðinni
Júlíus segist hafa aukið vöruúrvalið
umtalsvert frá síðustu jólum og
að hann finni fyrir meðbyr með
búðinni. „Fólk verslar við mig því
það vill hafa mig og mér þykir það
mjög dýrmætt. Það segir mér líka
að halda ótrauður áfram.“
Hann segist oft fá viðskiptavini
inn í búðina til sín sem hafi verið
að skoða veiðivörur í verslunum
í Reykjavík en fá Júlíus svo til að
panta vöruna fyrir sig til afgreiðslu
í Keflavík. Hann segist einnig sáttur
við að allar þessar flottu veiðibúðir
í Reykjavík hafa á þessu mikinn
skilning og eru allar að þjónusta
hann með þá vöru sem óskað er
eftir. „Svo erum við með tvær ferðir
með flutningabílum frá Reykjavík á
hverjum degi, þannig að afgreiðum
við vörurnar samdægurs“.
Júlíus segist einnig oft geta boðið
vöruna ódýrari en í Reykjavík. Það
ræðst af því að hann er lítill með
enga yfirbyggingu og getur þannig
haft haft álagninguna lægri. „Þá
er ég með þjustustigið alla leið og
þannig vil ég byggja þetta upp, að
menn fái góða þjónustu og gott
verð“.
Margir færir veiðimenn
Á Suðurnesjum eru gríðarlega
margir í skotveiði og stangveiði og
margir færir veiðimenn. Júlíus segir
þetta kröfuharðan hóp. „Menn sjá
einhverjar nýjar flugur á netinu og
koma samdægurs til mín til að at-
huga hvort þær séu til eða hvort ég
geti hnýtt þær.
Flugukofinn býður öll helstu og
bestu merkin í veiðivörum og Júlí-
us segir að veiðimenn þurfi alltaf að
vera að endurnýja veiðibúnaðinn.
„Mönnum finnst a.m.k. að þeir
þurfi að endurnýja reglulega,“ segir
Júlíus og brosir. „Menn koma til að
fá sér nýjar flugulínur og þær kosta
sitt. Svo ákveða þeir bara að fá sér
nýtt hjól líka. Og flugur og tauma,
eitthvað sem menn nota mikið“.
Vönduð merki í veiðistöngum eins
og hinar amerísku Sage og Scott
eru bæði til sölu í Flugukofanum.
Shimano kaststangir fást hjá Júlíusi
og RIO flugulínan er sögð sú besta
og fæst einnig í búðinni. Júlíus
leggur áherslu á að vera með breidd
í vöruúrvali og verð sem flestir ættu
að ráða við. „Ég er samt ekkert
hrifinn af því að fylla allt hér af ein-
hverju Kínadrasli“.
Opnað snemma
á sumrin
Síðasta sumar var
Júlíus duglegur að
opna verslunina
m j ö g s n e m m a
á morgnana og
það skilaði þeim
árangri að margir
útlendingar komu
inn í búðina til
að versla. Hann segist hafa veitt
því athygli að erlendir ferðamenn
væru komnir á göngu um Hafnar-
götuna á milli 7 og 9 á morgnana
og þetta fólk hafi kíkt inn í kaffi og
verslað. Júlíus segir að það vanti
meira líf við Hafnargötuna fyrir
kl. 9 á morgnana. Þá segist Júlíus
einnig fá marga veiðimenn beint
úr flugstöðinni til sín þar sem þeir
kaupi veiðibúnað áður en haldið er
í árnar til veiða.
- Þú gefur þig út fyrir mikla per-
sónulega þjónustu við veiðimenn.
Hvað ertu að gera fyrir þá?
„Það er allt frá því að þrífa flugu-
hjólin og línurnar eða skipta um.
Gera við stangir og vöðlur og jafn-
vel ráðleggja mönnum. Ég reyni
að gefa eins mikið af upplýsingum
og ég get og á meðan búðin er
ekki full af fólki þá get ég gengið
nokkuð langt í því. Þá hringi ég og
fæ upplýsingar um veiðileiðsögu-
menn, hvar sé best að veiða þann-
ig að menn komi ekki að tómum
kofanum“.
Veiðigræjur til leigu
Júlíus er starfsmaður Lax-á á
sumrin sem yfirveiðileiðsögu-
maður og hefur því aðgang að
dýrmætum upplýsingum fyrir
þá sem eru að fara í veiði. Júlíus
leigir mönnum einnig veiðigræjur.
„Hingað geta menn labbað inn og
fengið leigðar allar helstu veiði-
græjur, hvort sem það er stöng,
vöðlur, skór eða annað sem þarf í
veiðina“.
Það nýjasta í búðinni er þjónusta við
skotveiðimenn og er Júlíus farinn
að selja byssur, bæði haglabyssur,
riffla og loftriffla. Skotvopnin eru
ekki sýnileg í búðinni, heldur öll í
læstum skápum á bakvið. Of mikill
kostnaður fylgir því að setja upp
sýningarvegg en þess í stað sýnir
Júlíus tilvonandi kaupendum byss-
urnar stakar. Þá hefur hann í boði
sjónauka og annað sem þarf við
skotveiðar. Þá er hann einnig með
byssuskápa til sölu.
Flugukofinn er opinn alla daga til
jóla kl. 10-22. Opið er til kl. 23 á
Þorláksmessu og til 12 á hádegi á
aðfangadag. Á Þorláksmessukvöld
verður viðskiptavinum boðið að
bragða á villibráð sem elduð er
af meistarakokki en allt hráefnið
kemur frá veiðimönnum á Suður-
nesjum.
Júlíus með riffil en hann hefur nýlega
hafið sölu á skotveiðivörum.
Óskum Suðurnesjamönnum öllum
gleðilegra jóla, árs og friðar
með þökk fyrir árið sem er að líða