Víkurfréttir - 18.12.2014, Blaðsíða 22
22 fimmtudagurinn 18. desember 2014 • VÍKURFRÉTTIR
-eldhús pósturu olgabjort@vf.is
Kristinn Jakobsson bæjarfulltrúi í Reykjanesbæ og verkefna-
stjóri hjá MSS hlakkar alltaf til jólanna og hátíðarmatur er hans
uppáhald. Hann segir heimlagaða Toblerone-ísinn setja punktinn
á kvöldmáltíðina á aðfangadag.
Hátíðarmatur
í uppáhaldi
Aðventan er í huga Kristins skemmtilegur tími þar sem
hefðin gefur honum tækifæri á
að hitta fullt af fólki við ýmis
ólík tilefni sem haldin eru á þeim
tíma. Það eru ákveðin hlutverka-
skipti milli Kristins og Ólafar,
eiginkonu hans, í eldhúsinu. Ólöf
sér um bakstur og eftirrétti en
Kristinn um steikur og forrétti.
Hátíðarmatur er hans uppáhald
og hann vill meina að þeim mun
einfaldari sem uppskriftirnar og
matreiðslan séu verði til betri
máltíð.
Spurður segist Kristinn ekki halda
nægilega oft matarboð en þeim
hjónum þyki gaman að fá vini og
fjölskyldu í heimsókn og elda góð-
an mat og dreypa á góðu víni með.
Oftar en ekki verði humar og alls
kyns steikur fyrir valinu því slíkt
sé í uppáhaldi. Þá sé þorskhnakki
af stórþorski, kryddhjúpaðir og
ofnsteiktur, algert sælgæti. Einnig
standi hefðbundin lambasteik alltaf
fyrir sínu.
Kristinn segist oft fá bestu hug-
myndir fyrir matreiðsluna í um-
ræðu um mat og matreiðslu og
gjarnan fylgi einnig hugmyndir og
matreiðsluaðferðir sem ég hann
bara verði að prófa. Eitt sinn rakst
hann á rússneska uppskrift af inn-
bökuðum laxi (e. Koulbiac) sem
hann gerði nokkrum sinnum fyrir
fjölskylduna og endaði síðan sem
forréttur í brúðkaupi systur hans.
Ef Kristinn mætti velja hverjum
hann myndi vilja bjóða í mat og
eiga góða kvöldstund með, yrði
líklegast að halda eitt heljarinnar
matarboð. Hann gæti ekki með
nokkru móti gert upp á milli sinna
góðu vina eða fjölskyldu.
Kristinn og Ólöf hafa haft þann sið
að elda það sem þau langar í um
hver jól. Ekki sé um að ræða neinn
ákveðinn eða ómissandi mat, nema
heimlagaði Toblerone-ísinn setji
punktinn á kvöldmáltíðina á að-
fangadag. Þá sé jólablandið, malt
og appelsín, alltaf á borðum yfir
hátíðirnar. Hins vegar séu áramótin
undir meiri hefðum á gamlárs-
kvöld er þá er smellt í eina inn-
bakaða nautalund að hætti tengda-
mömmu Kristins. Upp úr hádeginu
á nýársdag bjóða hjónin svo til sín
fólkinu sínu í Egg Benedikt, sem er
hleypt egg á enskri skonsku, borið
fram með skinku og/eða reyktum
laxi og Hollandaise sósu. Og þá er
að sjálfsögðu allt gert frá grunni.
Grillaður humar í hvítlaukssmjöri
með humar bisque.
Humarinn
4-5 stórir humarhalar á mann.
200 gr smjör
3 hvítlauksgeirar marðir í gegnum
hvítlaukspressu
Salt og pipar
Steinselja, smátt söxuð
Humarinn skelflettur og skelin nýtt í
humarsoðið (bisque).
Smjörið brætt með hvítlauknum í og
látið sjóða smá stund, má alls ekki
brúnast.
Steinseljunni bætt út í ásamt salti
og pipar. Smjörið látið kólna þá er
humrinum bætt út í og hrært saman.
Þá er humrinum raðað í eldfast mót
og látin bíða þar til eldun fer fram.
Grillið í ofninum hitað í hæsta hita
og humarinn settur undir rauð gló-
andi grillið í 5-7 mínútur. Borin fram
með humarbisque.
Humar bisque
Humarskelin brotin.
2-3 mtsk Matarolía
1⁄2 meðalstór laukur saxaður smátt
1⁄2 tsk paprikuduft
Tómatur gróft saxaður
2 dl hvítvín
Vatn
Salt og pipar
Laukurinn gljáður í olíunni, papriku-
dufti bætt útí og humarskelini látin
brúnast með tómatteningum og allt
látið krauma í nokkrar mínútur þá er
hvítvíni hellt yfir og látið sjóða. Vatni
bætt út í þar til flýtur yfir skelina og
látið sjóða í 20 mín undir loki. Þá er
soðið sigtað og sett í annan pott soðið
niður þar til gott sterkt bragð er að.
Salt og pipar eftir smekk. Bragðbætt
með smá dass af koníaki. Borið fram
í sjússaglasi eða smábolla.
Andarbringur með hindberjasósu (eða kirsuberjasósu)
Hindberjasósa:
2 dl. gott Portvín
1 dl. kirsuberja eða hindberjaedik
100 gr sykur (má vera minna)
30 gr smjör
Andarkraftur, salt og pipar.
100 gr hindber eða kirsuber fersk eða frosin.
Púrtvínið, endikið og sykurinn soðin saman. Sósan
bragðbætt með andakraftinum, þarf u.þ.b. 2-3 msk.
Smakkað til með salti og pipar. Rétt áður en bera á
sósuna fram er mjúku smjörinu bætt í.
Andarbringur.
Í andabringurnar eru skáskornar grunnar rákir í ham-
inn, niður í fitulagið. Þær kryddaðar með salti og pipar
u.þ.b. 15-20 mínútum áður en að þær eru steiktar.
Pannan er hituð vel og bringurnar settar á með haminn
niður. Steikt við háan hita í ca 4 mínútur hvor hlið,
plús um 7-10 mín í ofni þar til þær eru tilbúnar. Látnar
standa í um 10 mínútur til að jafna hitann í þeim.
Bringurnar eru skornar þvert í þunnar sneiðar. Gott er
að bera fram með smjörsteiktum kartöflum, strengja-
baunum og gulrótum eða því ferska grænmeti sem
býðst á hverjum tíma.