Víkurfréttir - 18.12.2014, Blaðsíða 26
26 fimmtudagurinn 18. desember 2014 • VÍKURFRÉTTIR
Óskum Suðurnesjamönnum
gleðilegra jóla og farsældar á nýju ári
-mannlíf pósturu vf@vf.is
■■ Kristiansand í Noregi gefur Reykjanesbæ jólatré á hverju ári:
Jólaljósin kveikt í
björtu án tónlistar
Jólaljósin voru tendruð á jólatrénu á Tjarnargötutorgi í Reykjanesbæ um síðustu helgi. Tréð er gjöf frá vinabæ Reykjanesbæjar, Kristiansand í Noregi. Bæjaryfirvöld ákváðu að draga það ekki fram á kvöld
að kveikja jólaljósin og því kom það í hlut Andra Sævars Arnarssonar, nemanda úr 6. bekk í Heiðarskóla,
að tendra ljósin í björtu. Hann naut aðstoðar Önnu Lóu Ólafsdóttur, forseta bæjarstjórnar, sem þá hafði
tekið formlega við trénu frá sendiherra Noregs á Íslandi, Cecilie Landsverk.
Athöfnin við afhendingu trésins var frábrugðin undanförnum árum, því að þessu sinni var engin tón-
listarflutningur eða söngur vegna þess að tónlistarskólakennarar höfðu verið í verkfalli og ekki gafst tími
til að undirbúa tónlistaratriði. Jólasveinarnir fara hins vegar aldrei í verkfall og mæta meira að segja óvenju
snemma til byggða til þess eins að vera við athöfnina og syngja og dansa með yngstu bæjarbúunum.
■■ Yngsta kynslóðin sameinaðist
í skrúðgarðinum í Reykjanesbæ:
Dönsuðu, sungu
og drukku kakó
Börn í elstu hópum í leikskólunum Tjarnarseli og Versturbergi hittu nemendur 1. bekkjar Myllubakkaskóla í blámanum einn
morguninn í sl. viku í skrúðgarðinum í Reykjanesbæ. Þar dönsuðu
þau í kringum jólatré og sungu hástöfum með jólalögum. Þegar því
var lokið þótti börnunum notalegt að fá sér heitt kakó og smákökur
sem þar voru í boði. Um var að ræða árlegan viðburð sem er liður í að
kynna elstu deildir leikskólanna fyrir grunnskólanum sem þú munu
sækja næsta haust.