Víkurfréttir - 18.12.2014, Blaðsíða 54
54 fimmtudagurinn 18. desember 2014 • VÍKURFRÉTTIR
-viðtal pósturu vf@vf.is
„Ég á fyrstu myndavélina mína
ennþá og hef spáð í að setja í hana
filmu en það er þægilegra og ódýr-
ara að nota stafrænar vélar,“ segir
Haraldur, sem hefur mestan áhuga
á að taka náttúrumyndir. „Ég fer
þangað sem fólk fer ekki mikið og
tek myndir. Klifra jafnvel niður
berg niður í fjöru og næ myndum
sem sýna annað sýnishorn en í al-
mannaleið.“
Haraldur hefur ferðast víða um
land til að taka myndir. Hefur farið
á flesta staði á landinu og þvælst
hingað og þangað til að ná mynd-
efni. Stundum hefur hann lagt af
stað að kvöldi til til að mynda og
komið heim að morgni þegar aðrir
eru að fara til vinnu. Hann segir
tíma sólarhringsins ekki skipta máli
í slíku samhengi. „Þegar siglt er inn
fallegan fjörð þá sér maður eyði-
býli, fossa og landslagið á annan
hátt en fólkið sér það í landi.“
Gefandi og um leið spennandi
Vegna vinnu sinnar sem sjómaður
getur Haraldur oft leikið sér við
myndatöku í landi þegar aðrir
eru að vinna. Hann tekur alltaf
myndavél með sér á sjóinn. „Ég næ
öðruvísi myndefni frá sjónum sem
aðrir sjá ekki, t.d. hafís og borg-
arísjaka. Það er svo heillandi við
náttúruna tilfinningin að vera einn
í heiminum,“ segir Haraldur og
bætir við að bæði sé gefandi og um
leið spennandi að sjá hvað kemur
SÉR ÞAÐ SEM
FLESTIR SJÁ EKKI
Áhugaljósmyndarinn og sjómaðurinn Haraldur Hjálmarsson hefur búið í Grindavík frá sex ára aldri. Hann keypti sína fyrstu
myndavél fyrir 30 árum í Englandi og finnst fátt skemmtilegra en að
taka myndir í íslenskri náttúru. Á sjónum hefur Haraldur möguleika á
að festa á filmu sjónarhorn sem fólkið í landi sér ekki.
út eftir ljósmyndaferðirnar. Hann
vinnur myndirnar ekki mikið á
eftir. „Fikta aðeins og ef mér finnst
það flott þá læt ég það duga.“
Tvær forsíðumyndir í Mogga
Spurður um minnistæðustu
myndirnar segir Haraldur það vera
myndina af Hornbjarginu þegar
sólin kom upp og fallegur roði á
himninum. „Einnig er önnur mynd
af fálka með stokkandarstegg í
klónum. „Hún varð mín fyrsta for-
síðumynd í Morgunblaðinu. Ég ef
átt tvær myndir þar.“
Haraldur hefur haldið eina sýn-
ingu ásamt þremur öðrum Grinda-
víkingum en hefur engin áform
um fleiri sýningar eins og er. „Ég
er að þessu fyrir sjálfan mig og ef
aðrir hafa gaman af því líka, þá er
það bara fínt. Er ekkert að þessu
endilega til að selja verkin,“ segir
Haraldur.
Grindvíkingurinn Haraldur
Hjálmarsson tekur mynda-
vélina með sér í vinnuna
30 tonna þorskhal.
Haraldur Hjálmarsson.
Flugeldasýning við Jökulsárlón.
Gamall traktor í norðurljósabjarma. Hornbjarg og Hælavíkurbjarg.
Hornbjarg og Hælavíkurbjarg
„Ég er að þessu
fyrir sjálfan
mig og ef Vaðrir
hafa gaman af
því líka, þá er
það bara fínt“