Víkurfréttir - 11.01.2007, Blaðsíða 16

16 VÍKURFRÉTTIR Á NETINU • www.vf.is • LESTU NÝJUSTU FRÉTTIR DAGLEGA!VÍKURFRÉTTIR I 2. TÖLUBLAÐ I 28. ÁRGANGUR
ANNO 2006
S A M A N T E K T : Þ O R G I L S J Ó N S S O N - G I L S I @ V F . I S
Seinni hluti
Hlaupagikkur árins
Innbrot tveggja óprúttinna ná-
unga í Húsasmiðjuna í sumar
tók óvænta stefnu þegar þeir
voru staðnir að verki og stukku
á braut.
Ekki komust þeir þó langt því
annar þeirra féll niður vegna
öndunarörðugleika og þurfti að
kalla á sjúkrabíl.
Mennirnir voru ekki ókunnugir
laganna vörðum en hefðu átt að
vera duglegri í ræktinni til að
lenda ekki í svona hafaríi.
Lukkutröll ársins
Lukkutröll ársins er Stanley sem
var rænt af stalli sínum í Kaffi
Grindavík í sumar. Helgi Einar
Harðarson, eigandi Stanleys,
þurfti tvisvar að sækja hann
út í bíl gesta á opnunarkvöldi
staðarins áður en hann hvarf
með öllu. Helgi fékk hann aftur
næsta dag eftir að Stanley hafði
gist hjá lögreglu.
Eigandinn hét því að Stanley
yrði héðan í frá negldur fastur
á sinn stað.
Ferðalangur ársins
Ungabarn eitt var afgreitt um
vegabréf í flýti í sumar þar sem
það var á leið til að hitta for-
eldra sína sem voru staddir er-
lendis. Málið komst í kastljós
fjölmiðla enda var vegabréfið af-
greitt án þess að foreldrar væru
viðstaddir og virtist sem hver
sem er gæti sótt um flýtiþjón-
ustu sem þessa fyrir barnið.
Sýslumaður brást ókvæða við
þessum fregnum og herti á öllu
verkferli í þessu tilliti, en foreldr-
arnir rituðu VF bréf viku síðar
og útskýrðu að þau hefðu verið
í sambandi við embættið og alla
aðila sem komu að málinu.
Fiskeldisfrömuðir ársins
Bæjarfélög eru alltaf að leitast
við að lokka til sín gesti með
öllum ráðum og fengu Sand-
gerðingar þá frumlegu hug-
mynd að sleppa bleikjuseiðum í
tjarnirnar við bæinn. Við nánari
athugun kom í ljós að verkefnið
yrði afar dýrt í vinnslu og dorg-
arar verða því að geyma vöðl-
urnar í skúrnum enn um sinn.
Loforð ársins
Flutningur Landhelgisgæzl-
unnar til Keflavíkur var einn
af stærstu póstunum í björgun-
araðgerðum fyrir atvinnulífið
á Suðurnesjum sem ráðamenn
lofuðu í kjölfar brotthvarfs varn-
arliðsins.
Þyrlur Gæzlunnar skyldu stað-
settar hér suður frá var haft eftir
Birni Bjarnasyni og Halldóri Ás-
grímssyni. Þær eru ekki komnar
enn og Suðurnesjamenn eru
ekki að halda niðri í sér and-
anum eftir því að þær lendi.
Starfslok ársins
Sigurður Jónsson hafði gegnt
starfi bæjarstjóra í Garði í 16
ár þegar hann hvarf úr stóli í
kjölfar hallarbyltingar í bæjar-
stjórn. Ekki varð úr að starfs-
lok hans yrðu friðsamleg því í
sumar sprakk allt í loft upp í
samskiptum hans við nýja meiri-
hlutann. Hann fékk m.a. ekki að
kaupa fartölvu sem hann hafði
haft afnot af í starfi sínu en
meirihlutinn þvertekur fyrir að
bera nokkurn kala til Sigurðar.
Spurning hvort „gamli meiri-
hlutinn“ hlakki til að komast til
áhrifa á ný til að gjalda líku líkt.
Afsökunarbeiðni ársins
Valgerður Sverrisdóttir var með
böggum hildar yfir að tugmillj-
óna tjón varð á íbúðum á Vell-
inum í vatnsleka í haust.
Hún tók á sig alla ábyrgð á eftir-
litsleysinu og baðst afsökunar á
því á hinu háa Alþingi. Hún frið-
aði flesta með þessum hreina og
beina málflutningi. Það vildi alla-
veganna enginn drekkja henni í
vatnselgnum á Vellinum.
Tæknimaður ársins
Það væri að bera í bakkafullan
lækinn að fjölyrða um orð vænt-
anlegs þingmanns kjördæmisins
um yfirsjónir á embættismanna-
ferli sínum. Þetta var allaveg-
anna hrikalegur afleikur... svona
tæknilega séð.
Flutningamenn ársins
Kaninn fór í miklu fússi. Það
vita allir. Honum lá hins vegar
svo mikið á að öllu sem hönd
á festi var pakkað niður og sett
í gáma. Verktaki einn var hepp-
inn að ná aftur Bobcat-vél sem
hafði verið sett í gám á meðan
starfsmenn skruppu í mat.
Frambjóðandi ársins
Kristján Pálsson styggði marga
félaga sína í hjörð Sjálfstæðis-
manna með T-inu fræga fyrir
fjórum árum. Þrátt fyrir að alllt
virtist fallið í ljúfa löð var Krist-
ján ekki að hljóta brautargengi
í prófkjöri í haust. Hann lenti í
11. sæti af 13 frambjóðendum
og má leiða að því getum að
T-ið hafi verið geymt en ekki
gleymt. Hver gæti annars gleymt
stuðningslaginu góða?
Innflytjandi ársins
Í sama próf kjöri var Árni
Matthiesen í efsta sæti. Sem
fjármálaráðherra hefði hann
getað óskað sér betri kosningar
en flokksmenn í kjördæminu
voru greinilega ekki hrifnari en
svo af innflutningi á pólitísku
kjöti. Það þarf víst meira til en
að veifa Keflavíkurtrefli á fót-
boltaleik.
Skemmtileg staðreynd í þessu
tilliti er að Hafnarfjarðargoðinn
vék sæti í Suð-Vesturkjördæmi
fyrir varaformanni flokksins,
sem er... jú einmitt, dóttir Gunn-
ars Eyjólfssonar, sem er Keflvík-
ingur í húð og hár.
Sakamál árins
Meintur þjófnaður á flugvall-
ar tækj um sem voru áður í
eigu Kanans komust í hámæli
skömmu eft ir brotthvarf ið.
Meðal þess sem saknað var var
svokallaður „töggur“, eða drátt-
arbíll fyir flugvélar. Hvernig
þjófarnir komu tækinu undan
var mikil ráðgáta, enda hámarks-
hraði þess um 20 km á klst.
Enda kom í ljós að menn frá
Land helg is gæzl unni höfðu
tekið tögginn traustataki og
sett inn í geymslu á vellinum
og allar kenningar um að kagg-
anum hafi verið stolið reyndust
misskilningur. Fréttamenn voru
teknir í Landhelgi, Töggurinn
var í öruggri Gæzlu og alla veg-
ana ekki farinn út fyrir 12 míl-
urnar.
Lóðarí ársins
Deilur risu upp um lóðina á
milli KFC og Frekjunnar í Njarð-
vík þar sem Samkaup hafa haft
í hyggju að reisa nýjar höfuð-
stöðvar.
Glöggir áhorfendur þessa máls
voru fljótir að sjá víglínuna
út þar sem Sjálfstæðismenn
í meirihluta stóðu í vegi fyrir
Framsóknarmönnum í Kaupfé-
lagsklíkunni. Brigslað var með
að Samkaupsmenn hefðu hótað
að flytja burt úr bænum ef þeir
fengju lóðina ekki, en nú er að
sjá hvernig fer.
Knattspyrnumenn ársins
Keflvíkingarnir Guðmundur
Oddsson og Þór Kristjánsson
komust á árinu í einstaka stöðu
í knattspyrnuheiminum þegar