Víkurfréttir - 01.11.2007, Blaðsíða 30

30 VÍKURFRÉTTIR Á NETINU • www.vf.is • LESTU NÝJASTA SPORTIÐ DAGLEGA!VÍKURFRÉTTIR I ÍÞRÓTTASÍÐUR
Helgi Arnarson
tekur við Njarðvík
Helgi Arnarson hefur verið
ráðinn þjálfari 1. deildarliðs
Njarðvíkur í knattspyrnu en
hann tekur við af nafna sínum
Bogasyni sem sagði starfi sínu
lausu að lokinni síðustu leiktíð
eftir sjö ára veru hjá félaginu.
Helgi Arnarson mun einnig
hafa yfirumsjón með 2. flokki
félagsins.
Helgi var aðstoðarmaður hjá
Helga Bogasyni í sumar en
hann er 40 ára að aldri og er
með KSÍ A gráðu þjálfararétt-
indi. Helgi er öllum hnútum
kunnugur í Njarðvík þar sem
hann þjálfaði meistaraflokk
félagsins á árunum 1996-98.
Þeir Eyþór Atli Einarsson og
Haukur Ólafsson hafa haldið
aftur til sinna félaga þar sem
þeir voru í láni hjá grænum.
Varnarjaxlinn Snorri Már
Jónsson er líkast til hættur
knattspyrnuiðkun og verður
skarð hans vandfyllt í Njarð-
víkurliðinu.
Grannarimma í gærkvöldi
Ke f l av í k o g Gr i nd av í k
mættust í Icleand Express
deild kvenna í gærkvöldi. VF
fór í prentun áður en úrslit
urðu kunn en nánar er hægt
að lesa um leikinn á www.vf.is
Góð byrjun
Njarðvíkurkvenna
Njarðv í k tekur á mót i
Haukum B í 1. deild kvenna
í kör f u knatt l e i k annað
kvöld. Leikurinn fer fram
í Ljónagryfjunni og hefst
kl. 19:15. Njarðvík hefur
unnið tvo fyrstu deildarleiki
sína og mæta Haukum B
í hörkuleik í kvöld en þessi
tvö lið eru talin vera þau
sterkustu í 1. deildinni.
Frítt verður á leikinn í boði
Trésmíðaverkstæðis Stefáns
og Ara.
Sesselja og Hákon
heit á pútterunum
Samkaupsmót Púttklúbbs
Suðurnesja fór fram þann 25.
október síðastliðinn þar sem
þau Hákon Þorvaldsson og
Sesselja Þórðardóttir fóru með
sigur af hólmi. Hákon lék á
63 höggum en Sesselja á 68
höggum.
Reynismenn hala inn
fyrstu stigunum
Reynir nældi sér í sín fyrstu
stig í 1. deild karla í körfubolta
um síðustu helgi eftir 86-79
sigur á Þrótti í Vogum eftir
framlengdan leik. Leikurinn
var í járnum allan tímann
en Reynir reyndist sterkari
aðilinn í framlengingunni.
Þróttur situr enn á botni
deildarinnar en bæði lið eru
nýliðar í 1. deildinni og ljóst
að róðurinn framundan er
nokkuð þungur.
Slær öll gömlu metin
Sundkonan Erla Dögg Har-aldsdóttur úr ÍRB hefur
verið að gera það feykilega
gott að undanförun og hefur
hún sett fimm Íslandsmet
í sundi á síðustu tveimur
vikum. Tvö þessara meta hafa
staðið í tæp 20 ár. Framundan
eru Ólympíuleikarnir í Pek-
ing 2008 og sagði Steindór
Gunnarsson þjálfari Erlu
hjá ÍRB að nú sé hún klár til
þess að ná Ólympíulágmörk-
unum enda sjóðheit um
þessar mundir. Víkurfréttir
tóku púlsinn á Erlu sem nú
er stödd í Boston í Bandaríkj-
unum þar sem hún hyggst
gangast undir SAT próf til
þess að reyna við nám á há-
skólastigi í Bandaríkjunum.
Fríður hópur sundmanna frá
ÍRB er nýkominn heim frá Dan-
mörku þar sem Danish Open
sundmótið fór fram. Erla fór
hreinlega á kostum í mótinu
þar sem hún bætti tæplega 20
ára gömul met Ragnheiðar
Runólfsdóttur, sundkonu frá
Akranesi. Metin setti Erla í 50
og 100 m bringusundi en hún
synti á tímanum 32.76 í 50 m
og 1.10.16 í 100 m. Met Ragn-
heiðar voru 32.93 og 1.10.66.
„Ragnheiður hringdi í mig og
óskaði mér til hamingju með
árangurinn. Við þekkjumst vel
en hún hefur hvatt mig áfram
í gegnum tíðina og hefur mikla
trú á mér,“ sagði Erla og viður-
kenndi að það væri nokkuð sér-
stakt að annar sundmaður væri
að hvetja sig áfram til árangurs
og til þess að slá sín gömlu
met. „Hún er metnaðargjörn
og vill sjá framfarir í sundinu,“
sagði Erla en árangur hennar
í Danmörku um helgina mun
ekki duga henni inn á Ólympíu-
leikana. Samkvæmt reglunum
verða Ólympíulágmörkin
að nást í 50 m laug en mótið
í Danmörku fór fram í 25 m
laug. Erla setur engu að síður
markið hátt og ætlar sér að
komast til Peking á næsta ári.
„Næsti séns til þess að ná
Ólympíulágmörkunum er
í byrjun desember, þá fer ég
með landsliðinu til Hollands
og mun reyna við lágmarkið í
200m fjórsundi. Ef það gengur
engan veginn upp þá kannski
reyni ég við lágmarkið í öðru
sundi,“ sagði Erla sem hyggur
á nám í Bandaríkjunum þegar
hún hefur lokið stúdentsprófi
frá Fjölbrautaskóla Suðurnesja.
„Mig langar til Kaliforníu en
maður sækir um í marga skóla.
Það heillar mig mest að fara
í fjármálaverkfræði eða aðrar
viðskiptagreinar þar sem er
mikil stærðfræði,“ sagði Erla
en það er eitt af hennar uppá-
halds fögum í náminu. „Það
væri gott að komast út á skóla-
styrk og komast að hjá sterku
sundliði. Það þýðir bara meiri
tími í lauginni,“ sagði Erla sem
næst mun keppa á Íslandsmeist-
aramótinu hér heima innan
nokkurra vikna.
Erla er vafalítið ein sterkasta
sundkona landsins og að und-
anförnu segist hún vart hafa
gert sér grein fyrir því að
margir hafi verið til kallaðir í
metabækurnar en fáir komist
að. Hún segist þó ekki enn vera
komin á hátind ferils síns.
„Nei, ég er ekki alveg á há-
tindinum. Ég er að eiga gott
tímabil núna og komin með
fimm Íslandsmet í röð en ég
vil samt gera betur, komast inn
á Ólympíuleikana og standa
mig vel þar. Þá verð ég kannski
komin á toppinn.“
Met Erlu síðustu tvær vikurnar
13. október
Íslandsmet í 200m flugsundi, tími 2.18.22, gamla metið var frá
2006 og það átti Sigrún Brá Sverrisdóttir sundkona úr Fjölni
2.19.34
14. október
Íslandsmet í 100m fjórsundi, tími 1.03.48, gamla metið var frá
2006 og var í eigu Ragnheiðar Ragnarsdóttur sundkonu úr KR
1.03.66.
25. október
Íslandsmet í 50 og 100m bringusundi í einu og sama sundinu,
tímar 32.76 og 1.10.16. Metin voru frá 1989 og voru í eigu Ragn-
heiðar Runólfsdóttur sundkonu frá Akranesi. 32.93 og 1.10.66.
28. október
Íslandsmet í 50m bringusundi tími 32.35. Bætti eigið meti frá
fimmtudeginum 32.76.
Keflvíkingar á toppnum
Keflvíkingar sitja einir á toppi Iceland Express
deildar karla í körfuknatt-
leik eftir góðan sigur í
grannarimmunni gegn Njarð-
vík síðasta sunnudag. Allt
annað er að sjá til Keflvíkinga
á þessari leiktíð en þeirri síð-
ustu og ljóst að þeir verða í
harðri baráttu um alla þá titla
sem í boði verða í vetur. Bikar-
meistarar ÍR mæta í heimsókn
í Sláturhúsið í kvöld kl. 19:15.
Erlendu leikmenn l iðsins
hafa verið að finna sig vel að
undanförnu og virðast falla
vel inn í leik Keflavíkurliðsins.
Ó n e i t a n l e g a e r k o m i n n
meistarabragur á lærisveina
Sigurðar Ingimundarsonar sem
réðu lögum og lofum í leiknum
gegn Njarðvík frá upphafi til
enda.
Þá mætast Njarðvík og KR í
sínum fyrsta deildarleik í kvöld
síðan KR tryggði sér Íslands-
meistaratitilinn en leikurinn fer
fram í DHL-Höllinni í Reykja-
vík og Grindvíkingar mæta
Tindastól á Sauðárkróki.
Síðasta tímabil var bikarlaust á
Suðurnesjunum og verður það
vafalítið mikið keppikefli hjá
þjálfurum þessara toppliða að
reyna að endurheimta einhvern
skerf af dollunum sem hurfu
til Reykjavíkur í fyrsta sinn í
langan tíma. Tekst það eða eru
Suðurnesin farin að gefa eftir
sem helsta vígi íþróttarinnar?
Erla Dögg Haraldsdóttir
Tommy Johnson hefur verið
að leika vel í Keflavíkurliðinu.
Hann setti 18 stig yfir græna á
sunnudag.