Víkurfréttir - 08.02.2007, Blaðsíða 14

14 VÍKURFRÉTTIR Á NETINU • www.vf.is • LESTU NÝJUSTU FRÉTTIR DAGLEGA!VÍKURFRÉTTIR I 6. TÖLUBLAÐ I 28. ÁRGANGUR
Á útskriftarathöfn Háskól-ans í Reykjavík nýlega tal-
aði formaður
há skóla ráðs
um að fá orð-
tæki ís lensk
hafi elst jafn
illa og það sem
segir að bókvit
verði ekki í ask-
ana látið.
Ég tel að flestir, stjórnmála-
menn og aðrir, séu sammála
for mann in um í þessu efni
enda blasir víða við hversu vel
menntað fólk getur áorkað í
atvinnulífinu og óþarfi er að
fjölyrða um það hér. Íslenskir
stjórnmálamenn, og nú síðast
sveitarstjórnarmenn, hafa að
mér virðist ekki enn áttað sig
á mikilvægi grunnmenntunar
barna okkar og berja í sífellu
hausnum við steininn, nú síð-
ast í að gera sjálfsagðar leiðrétt-
ingu á launum kennara. Ekki
gefur það góðar vonir um ár-
angur í þeim viðræðum sem
framundan eru um nýjan kjara-
samning grunnskólakennara
og launanefndar sveitarfélaga,
en sem kunnugt er rennur sá
samningur út um næstu ára-
mót. Í lok síðustu rimmu skrif-
aði ég litla grein á VF.is og var
þá örlítið svekktur út í deiluað-
ila - ekki síst kennara. Þeirri
grein lauk með þeim orðum að
nú hlytu allir að hafa áttað sig
á að verkföll grunnskólakenn-
ara hlytu að heyra sögunni til -
þetta hefði verið í síðasta skipti
sem við þyrftum að horfa á
slíkan harmleik. En það virðast
því miður vera ákveðnar líkur
á að sama staða geti komið
upp og árið 2004 - það er því
rík þörf á hugarfarsbreytingu
meðal sveitarstjórnarmanna í
þessu landi.
Ágæt vinkona mín hefur verið
grunnskólakennari í um 10 ár
og er í fullu starfi sem slíkur.
Föst mánaðarlaun hennar nú
eru um 218 þús. á mán uði
eða um 150 þús. kr eftir skatt.
Að mínu mati laun sem eru í
engum takti við vinnu, ábyrgð
og menntun. Við verðum ein-
faldlega að fara að meta störf
kennara að verðleikum - það
er einfaldlega til hagsbóta fyrir
okkur öll og skilar sér hratt til
baka.
Eftir að síðasta verkfalli lauk
þá hef ég gert mér far um að
kynna mér skólastarf og starf
kennara, enda átt þar hægt um
vik þar sem að dætur mínar eru
nemendur í Holtaskóla í Reykja-
nesbæ. Ég hef séð með eigin
augum hve gott starf er unnið
í þeim ágæta skóla af stjórn-
endum og afar hæfum kenn-
urum og ég má ekki til þess
hugsa að þetta sérmenntaða
fólk með þessa reynslu hverfi á
önnur mið - til annarra starfa.
Starf þessa fólks er svo sannar-
lega ekki metið að verðleikum,
ekki af yfirmönnum þess og ég
leyfi mér að fullyrða í fæstum
tilvikum af foreldrum sem þó
gera kröfur um að fá sem besta
þjónustu fyrir sín börn.
Það er komið að því að við
breytum þessu.
Sveitarfélögin þurfa að byrja á
því sjálfsagða verki að leiðrétta
laun kennara skv. ákvæðum í
kjarasamningi - það þarf ekki
að ræða frekar. Þegar því er
lokið þurfa sveitarfélögin að
semja um að rík ið klári nú
í eitt skipti fyrir öll yfirfærslu
grunnskólans með tilheyrandi
fjár framlögum. Má þar til
dæmis nefna réttláta skiptingu
fjármagnstekjuskatts milli ríkis
og sveitarfélaga sem að nú um
stundir rennur óskiptur í ríkis-
kassann ef mér skjátlast ekki.
Ég heiti á sveitarstjórnarmenn
í Reykjanesbæ að taka nú frum-
kvæðið í þessum málum. Við
þurfum á hugarfarsbreytingu
að halda hjá þeim sem fara
með samningamál kennara -
skipta varamönnunum inná
- (hugsanlega í báðum liðum).
En það þýðir ekkert að hefja
seinni hálfleik fyrr en að sveit-
arfélögin hafa náð að tryggja
það fjármagn sem þarf frá ríkis-
valdinu og svo samstöðu um að
gera þurfi grundvallarbreytingu
á kjörum kennara.
Ráðamenn sveitarfélagsins hafa
hingað til ekki verið þekktir
fyrir að liggja á liði sínu og
hafa undafarið látið verkin tala
í hinum ýmsu málum. Þeir
hafa meðal annars áttað sig á
gildi menntunar enda tók þá
ekki nema örfáa mánuði að rífa
upp eitt stykki íþróttaakademíu
í plássinu. Ég hef því fulla trú á
því að okkar ágætu bæjarstjórn-
armenn, með bæjarstjórann í
broddi fylkingar, sem öðrum
fremur hefur sýnt í verki að
hann hefur trú á að menntun sé
framtíðin, taki nú frumkvæðið,
breyti um stefnu í þessum mála-
flokki og sjái til þess að kollegar
þeirra breyti um hugsunarhátt.
Þorsteinn Magnússon
Háholti 16
Keflavík
Dagana 5.- 16. febrúar fer fram á HSS hin ár-lega leit að brjósta og leghálskrabbameini
meðal kvenna á svæðinu. Aldrei
verður of oft brýnt fyrir konum
að sinna þessu kalli um leið og
boðunarbréfið dettur inn um
bréfalúguna. Hér er um að ræða
ódýra fjárfestingu sem ávaxtar
sig í formi vellíðan þess sem
sinnir kalli en ekki síður að ef
breytingar finnast er lang líkleg-
ast að fjarlægja megi þær án þess að aðgerðin
skilji eftir sig viðvarandi líkamslýta. Það þarf
ekki að minna á að brjóstakrabbamein er al-
gengasta krabbamein meðal kvenna og heggur
skörð í hóp ungra einstaklinga sem eru í blóma
lífsins. Þannig var því einnig varið með leghá-
skrabbameinið sem tók frá okkur bráðungar
konur stundum með kornabörn á framfæri.
Forsenda þess að fyrirbyggjandi leitarstarf skili
sér er auðvelt aðgengi að þeim líkamshlutum
sem skoða á, að framkvæmdin sé tiltölulega ódýr
og meðgöngutími sá er tekur eðlilega frumu að
umbreytast í illkynja vöxt sé langur. Þessu er öllu
til að dreifa þegar brjósta og leghálskrabbamein
á í hlut. Því er auðvelt að að hvetja konur til að
koma og nýta sér þessa nærþjónustu sem nú er
við húsvegginn. Að þessu sinni eru tveir skoðunar-
læknar við störf, Anna Salvarsdóttir, sérfræðingur
í krabbameinslækningum kvenna, og sá er þessar
línur skrifar. Við viljum sjá sem flestar konur nýta
sér þessa þjónustu enda höfum við reynt að skapa
þær aðstæður sem ættu að auðvelda konum þessa
heimsókn á HSS.
Konráð Lúðvíksson lækningaforstjóri
Heilbrigðisstofnun Suðurnesja
Bókvitið verður í askana látið
Þorsteinn Magnússon skrifar:
Konráð Lúðvíksson, lækningaforstjóri HSS, skrifar:
Mikilvæg leit að legháls-
og brjóstakrabbameini
VANTAR ÞIG SVÖR VIÐ EINHVERJU? Sendu okkur línu á Víkurfréttir á póstfangið:
postur@vf.is og blaðamenn skoða málið. Ef málefnið á erindi í fjölmiðla leitum við svara hjá réttum
aðilum og birtum umfjöllun um málið í blaðinu og á vf.is. 100% trúnaði heitið sé þess óskað.