Ljósið - 01.03.1923, Blaðsíða 3
L J Ó S I Ð
3
Hugvekja
til biskups Jóns Helgasonar.
Eru það ei flón, biskup lands vors Jón Helgason,
sem kenna þjóð vorri lygasögur frá Gyðingum?
Því eiga kristinna manna börn að hafa tvo lög-
gjafa, annan heiðinn lygara, sem klappaði tíu boðorð á
steina, hinn sannorðan réttan mann, sem færði öllum
heimi þann gleðiboðskap, að guðsríki ætti að verða á
jörðinni, sem við lifum á ?
Þú æðsti kennimaður drottins, ert eiðsvarinn kenni-
maður eins guðs. Er ekki Jesús Kristur sannur guð
okkar kristinna manna?
Því eru menn, lærðir og ólærðir, að leita að því
óraskanlega kærleikslögmáli, að drottinn algóður passi
sitt mikla sigurverk? Þeir menn hafa hjátrú óþarfa er
leita frétta hjá framliðnum náungum sínum. Þetta hefir
aldrei gefist vel, sagan og reynslan sannar það.
Þú átt, Jón biskup, að kenna svo hreina guðfræði,
að þú getir mótmælt fálmi spiritistanna og öllum þeim
villumönnum, er kenna siðspillandi heimsku í orði og
verki. Eg heimta þetta af þér lærði kennimaður. Þú átt
að trúa sanna manninum en kæfa þann ósanna gamla
mann. Það er slæmt mein, að allir biskupar í kristnum
löndum skuli vera svo viltir, að kenna frelsi guðs og
manna eftir dauðri bók, er rotnar í skápum manna.
Sá góði lærifaðir, Jesús Kristur, gaf blessun en ekki
bölvun. Hann gaf ekki börnum höggorm né stein. Andi
hans og orð var ódauðlegt. Kastaðu því fjandanum og
lygasögum gömlum og nýjum. Kendu það eitt er þú
getur forsvarað, Jón biskup.
Ósk mín.
Ósk til manna mín er sú, menn að kasti lýgi.
Heimi kendi hreina trú, heimsfræðarinn nýi.