Víkurfréttir - 27.02.2014, Blaðsíða 6
fimmtudagurinn 27. febrúar 2014 • VÍKURFRÉTTIR6
Herþotugnýr sem íbúar í Reykjanesbæ og ná-
grenni fundu fyrir í þessum febrúarmánuði
minnti okkur á gamla tíma, þegar Varnarliðið
var og hét. Þá var svona herþotuhljóð algengt
og hvernig svo sem það hljómar við lestur,
þá voru fáir sem tuðuðu yfir óhljóðunum og
sama virtist uppi á teningnum nú. Óhljóðin
voru sjaldan og ekki mikil en skildu eftir,
nú sem fyrr, veruleg viðskipti í ýmsu formi
og meiri atvinnu fyrir Suðurnesjamenn.
Nú í febrúar gistu hér í Reykjanesbæ nokkur
hundruð útlendingar sem sinntu störfum Norðurlandaþjóðanna Svíð-
þjóðar, Finnlands og Noregs í loftrýmisgæslu NATO sem og samnorræna
þjálfunarverkefninu Iceland Air Meet 2014. Samtals voru þessir þrír
herir með á fjórða hundrað manns í Reykjanesbæ í febrúar en auk þeirra
starfaði fjöldi heimamanna við loftrýmisverkefnið en það hefur verið hér
reglulega frá því Varnarliðið fór frá Keflavík 2006, með manni og mús.
Svona verkefni skilur eftir sig viðskipti við aðila á Suðurnesjum upp á
hundruð milljóna króna. Verkefninu er nú lokið en á meðan það stóð
yfir var öll hótelgisting nýtt en um helmingur hópsins gisti á hótelum
en hinn hlutinn á gamla varnarsvæðinu á Keflavíkurflugvelli. Þá voru
tugir bílaleigubíla leigðir, þúsundir lítra af eldsneyti keyptir og marg-
vísleg önnur þjónusta keypt á svæðinu. Samtals fyrir mikla peninga.
Víkurfréttir tóku hús á Menu Veitingum sem er með eldhús og að-
stöðu í húsnæði gamla Yfirmannaklúbbsins á Ásbrú og munum
sýna innslag í Sjónvarpi Víkurfrétta frá þeirri heimsókn. Ás-
björn Pálsson og hans fólk í Menu afgreiddi um 1200 máltíðir
á dag og hann segir þessar reglulegu loftrýmisæfingar á Kefla-
víkurflugvelli skipta orðið verulega í rekstri Menu en á meðan á
heimsókninni stendur þarf Menu að fjölga starfsfólki. Sama má
segja um aðra aðila sem njóta þessarar heimsóknar í rekstri.
Í grein Böðvars Jónssonar á vf.is í vikunni bendir hann á mikla fjölgun
starfa sem hafa orðið á undanförnum árum og fleira er í pípunum
og er þá ekki verið að ræða um álver í Helguvík. Þessar staðreyndir
blasa við í tölum um fjölda atvinnulausra sem hefur ekki verið lægri
frá hruni. Við erum á uppleið, hægt og bítandi. Ein ný ráðning var
í vikunni sem vakti athygli og var ánægjuleg fyrir Suðurnesjamenn
þegar heimamaður var ráðinn framkvæmdastjóri Keflavíkurflug-
vallar hjá Isavia. Það hefur oft verið talað um að heimamenn fengju
ekki feitu bitana í stóru störfunum. Hér kom einn stórlax á krókinn.
Hvað skilur herþotugnýr
eftir sig á Suðurnesjum?
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
Mynd/Texti: Olga Björt Þórðardóttir // eythor@vf.is
n Nýr framkvæmdastjóri Keflavíkurflugvallar:
ÞEKKIR ALLA FLUG-
VELLI Á LANDINU
„Ég var með afbragðsgóðan
yfirmann, Ómar Sveinsson,
sem ég lærði vel af. Hann hélt í
höndina á mér á meðan ég steig
mín fyrstu skref, frá maí og þar
til hann lést í desember. Ég er
því með gott veganesti, segir
Þröstur Valmundsson Söring,
nýráðinn framkvæmdastjóri
Kef lavíkurf lug val lar. Hann
hefur starfað sem aðstoðarfram-
kvæmdastjóri sviðsins síðan í
maí í fyrra. Fram að því starfaði
Þröstur hjá Flugmálastjórn Ís-
lands.
Traust og gott samstarfsfólk
Starf Þrastar felst í að reka flugvalla-
þjónustu, slökkvi-
lið, snjóruðning og
allt viðhald, fyrir
utan Flugstöð Leifs
Eiríkssonar. Tæp-
l e g a 8 0 m a n n s
starfa undir hans
stjórn, fyrir utan
verktaka. Skrifstofa
Þrastar er í hús-
næði slökkviliðsins á Keflavíkur-
flugvelli. „Sem drengur ætlaði ég
fyrst að verða slökkviliðsmaður,
síðan smiður og er núna lærður
smiður og tæknifræðingur,“ segir
Þröstur og bætir við að öll svona
grunnþekking nýtist mjög vel,
sérstaklega iðnmenntun. „Margir
iðnaðarmenn starfa hérna og það
er gott að hafa smá innsýn inn í
þeirra störf. Tala sama mál og þeir.“
Hann segir einnig margt gott fólk
vinna með sér í flugstöðinni, bæði
fólkið í yfirstjórninni og á gólfinu.
„Það gerir manni lífið miklu auð-
veldara og það munar öllu þegar
maður er í stjórnandastöðu að hafa
fólk í vinnu sem maður treystir.
Maður drepur niður allan starfs-
anda og sköpunargleði ef maður er
horfandi yfir öxlina á fólki,“ segir
Þröstur með áherslu.
Allir flugvellir hafi
sín sérkenni
Þröstur hefur heimsótt alla flug-
velli á landinu mörgum sinnum
og þekkir þá mjög vel, sem og
fólkið sem vinnur þar líka. Uppá-
haldsflugvöllur er Keflavíkurflug-
völlur, enda sá langstærsti á Íslandi
og saga hans er löng og merk. „Ef
maður hefur löngun til að vinna
á flugvelli þá er þetta aðalvöllur-
inn. Langmest samskipti við er-
lenda aðila sem gera miklar kröfur.
Stundum er sagt á meðal þeirra
sem eru í þessum flugvallabransa
að ef þú þekkir einn flugvöll, þá
þekkirðu einn flug-
völl.“ Allir flugvellir
hafi sín sérkenni.
Flugvöllurinn á
Gjögri þjóni t.d.
50 manna byggð
en hafi ákveðinn
sjarma og hlut-
ve r k . „ Þ ar e r
áætlunarflug og
í augum íbúanna
er flugvöllurinn
gríðarlega stór og mikilvægur af
því hann er þeirra líflína vegna
slæmra samgangna á veturna,“
segir Þröstur.
Kominn aftur heim
Þröstur flutti með fjölskyldu sinni
til Reykjanesbæjar í september og
er Keflvíkingur sjálfur. Hann segir
tímasetninguna hafa hentað mjög
vel. „Yngsti sonurinn var akkurat
að hefja grunnskólanám og næst-
yngsti að hefja nám í framhalds-
skóla svo að það hitti vel á. Ég sagði
bara við konuna mína: Annað hvort
flytjum við núna eða bara ekki. Og
við sjáum ekki eftir því.“ Sjálfur
futti Þröstur til Reykjavíkur fyrir 25
árum og er því kominn aftur heim.
„Bærinn er allur miklu skemmti-
legri og áferðarbetri en hann var
á sínum tíma,“ segir Þröstur, sem
hlakkar til að takast á við nýtt starf.
Bærinn
er allur miklu
skemmtilegri og
áferðarbetri
Bannað að leggja
vegna ófremdar-
ástands
u Lögreglan á Suðurnesjum
hefur lagt til við umhverfis- og
skipulagsráð Reykjanesbæjar að
bannað verði að leggja á Sunnu-
braut milli Þjóðbrautar og
Vallarbrautar, sem er vegur sem
liggur á milli Reykjaneshallar og
Íþróttaakademíunnar.
Lögreglan leggur eindregið til að
bannað verði að leggja bifreiðum á
þessum götukafla vegna ófremdar-
ástands sem skapast þegar haldin
eru mót í íþróttahúsum við þessa
götu.
Ráðið samþykkir tillögu lögreglu
að bannað verði að leggja við
Sunnubraut á milli Þjóðbrautar og
Vallarbrautar.
Bannað að leggja
vegna ófremdar-
ástands
u Lögreglan á Suðurnesjum
hefur lagt til við umhverfis- og
skipulagsráð Reykjanesbæjar að
bannað verði að leggja á Sunnu-
braut milli Þjóðbrautar og
Vallarbrautar, sem er vegur sem
liggur á milli Reykjaneshallar og
Íþróttaakademíunnar.
Lögreglan leggur eindregið til að
bannað verði að leggja bifreiðum á
þessum götukafla vegna ófremdar-
ástands sem skapast þegar haldin
eru mót í íþróttahúsum við þessa
götu.
Ráðið samþykkir tillögu lögreglu
að bannað verði að leggja við
Sunnubraut á milli Þjóðbrautar og
Vallarbrautar.
Framlengja samningi
við Hollvini Unu
uHollvinir Unu í Sjólyst í Garði
hafa óskað eftir að samningur við
Sveitarfélagið Garð um að Holl-
vinir hafi Sjólyst til umráða verði
framlengdur til ársins 2017, en
gildandi samningur rennur út í
júní 2014.
Samþykkt var samhljóða í bæjar-
ráði Garðs að fela bæjarstjóra að
ganga frá samningi við
Hollvini Unu í Sjólyst til ársins
2017. Samningurinn verði lagður
fyrir bæjarráð til staðfestingar
Vilja lögheimili í
Hvassahrauni
uBréf Hannesar Eðvarðs Ívars-
sonar o.fl., dags. 26.11.2013 var
lagt fyrir bæjarráð Voga á dög-
unum. Í bréfinu er þess farið á leit
við sveitarfélagið að það heimili
skráningu lögheimils í frístunda-
byggðinni við Hvassahraun.
Samkvæmt lögum um lögheimili
nr. 21/1990 er óheimilt að skrá lög-
heimili í frístundabyggð. Ekki eru
uppi áform um að breyta gildandi
aðalskipulagi sveitarfélagsins hvað
Hvassahraun varðar. Bæjarráð
getur því ekki orðið við erindinu,
segir í fundargerð bæjarráðs Voga.
Lúðrasveit
Þorlákshafnar
Vestmannaeyja&
kynna
&
FjallabræðurJónasSig
í Grindavík22. mars
DúnDurtónleikar í íþróttahúsinu í GrinDavík lauGarDaGinn 22. mars kl. 20:30
í tilefni 40 ára kaupstaðarafmælis GrinDavíkur.
fjallabræður oG jónas siG flytja sín helstu löG ásamt hljómsveit
oG sameinuðum 80 manna lúðrasveitum vestmannaeyja oG þorlákshafnar.
húsið opnar kl. 19:30. aðGanGseyrir 3.900 kr.
miðasala í sj0ppunni aðal-braut, víkurbraut 31, GrinDavík.
Innri-Njarðvíkurkirkja
alfa námskeið
Mánudaginn 3. mars kl. 19:00 verður kynningafundur vegna
alfa námskeiðs sem verður haldið
í safnaðarheimili Njarðvíkurkirkju.
Það eru allir velkomnir.
Hvað eru Alfa námskeið?
Alfa er lifandi og skemmtilegt 10 vikna námskeið um kristna trú.
Námskeiðið hefur notið gríðarlegra vinsælda og náð útbreiðslu um
heim allan. Alfa er haldið í flestum kristnum
kirkjudeildum í yfir 130 þjóðlöndum.
Hægt er að fara inn á heimasíðu www.alfa.is og finna þar ýmsan
fróðleik um þessi skemmtilegu og fræðandi námskeið.
Einnig er hægt að senda tölvupóst á petur@solmani.is
eða hringja í síma 823-7772 (Pétur) til að
fá meiri upplýsingar um námskeiðið.