Víkurfréttir - 27.02.2014, Blaðsíða 10

fimmtudagurinn 27. febrúar 2014 • VÍKURFRÉTTIR10
Í ár fagnar Grindavík 40 ára kaupstaðarafmæli og verður
haldið upp á það með ýmsum
hætti allt árið. Liður í hátíðar-
höldunum er Menningarvika
Grindavíkur sem haldin verður í
sjötta sinn dagana 15. - 22. mars
nk. en hún verður einstaklega
viðamikil að þessu sinni í til-
efni stórafmælisins. Hápunktur
Menningarvikunnar verða stór-
tónleikar í Íþróttahúsinu laugar-
daginn 22. mars kl. 20:30 þar sem
hinir alkunnu Fjallabræður og
hinn geðþekki Jónas Sig munu
flytja verk sín ásamt 80 manna
Lúðrasveit Vestmannaeyja og
Þorlákshafnar. Þessir aðilar eru
ekki með öllu ókunnugir hver
öðrum, enda hefur samstarf þess-
ara tónlistarhópa að undanförnu
skilað mikilli gleði og ánægju
jafnt til flytjenda sem og áhorf-
enda.
Lúðrasveit Vestmannaeyja og
Fjallabræður eiga sameiginlega
sögu frá því þeir hittust fyrst 2010
á Þjóðhátið. Þjóðhátíðarlagið 2012
„Þar sem hjartað slær“ þekkja
flestir, en það er samið af Hall-
dóri Gunnari Pálssyni stjórnanda
Fjallabræðra og flutt af Kórnum
og Lúðrasveitinni. Þá hafa þessir
aðilar haldið sameiginlega tónleika
í Reykjavík, Ísafirði og nú síðast á
goslokahátíð í Vesmannaeyjum þar
sem um 1700 manns skemmtu sér
hið besta.
Lúðrasveit Þorlákshafnar og Jónas
Sig hafa átt í afar farsælu sambandi
enda Jónas sjálfur frá Þorlákshöfn
og hóf þar sinn tónlistarferil sem
bassatrommuleikari hjá Róberti
Darling stjórnanda Lúðrasveitar
Þorlákshafnar. Saman gáfu Jónas
Sig og Lúðrasveit Þorlákshafnar
út diskinn „Þar sem himinn ber
við haf “ og voru í framhaldi af því
með tónleikaröð í Þorlákshöfn og á
Borgarfirði Eystri.
Skemmst er frá því að segja að upp-
selt hefur verið á alla viðburði sem
þessir hópar hafa haldið saman og
lætur nærri að um 10.000 manns
hafi sótt viðburði þessa. Auk þess
hafa afurðir hópanna vermt efstu
sæti vinældarlista útvarpsstöðva.
Þessi viðburður er sérstaklega
settur saman fyrir afmæli Grinda-
víkurkaupstaðar. Þessir aðilar hafa
ekki komið saman á þennan hátt
áður og verður hér um einstakan
viðburð að ræða þar sem blandað
verður saman því besta sem þeir
hafa fram að færa. Þarna munu
saman koma hópar frá sjávar-
plássunum Flateyri, Þorlákshöfn
og Vestmannaeyjum í sjávarpláss-
inu Grindavík. Eins og öllum er
kunnugt sem á annað borð þekkja
til þessara sjávarplássa, þá eru nátt-
úruöflin kröftug og það sama má
segja um fólkið sem þar býr og því
er óhætt að lofa kraftmiklum og
stórskemmtilegum tónleikum sem
enginn má láta framhjá sér fara!
Miðasala er hafin í sjoppunni Aðal-
braut, Víkurbraut 31, Grindavík.
Miðaverð á tónleikana er 3.900 kr.
Stefnan er að fylla íþróttahúsið í
Grindavík.
Stórtónleikar í íþrótta-
húsinu í Grindavík
- með Jónasi Sig, Fjallabræðrum og Lúðrasveitum
Vestmannaeyja og Þorlákshafnar
4. MARS KL. 12:00 – 12:45
AÐ BYGGJA Á STYRKLEIKUM SVÆÐA
– STEINGERÐUR HREINSDÓTTIR
Rekstrarstjóri Kötlu jarðvangs fer yfir áhrif jarðvangsins á samfélag og atvinnulíf á
starfssvæði hans, helstu verkefni og tækifæri til framtíðar.
Staðsetning: Kaffi Duus í Reykjanesbæ.
5. MARS KL. 9:00-10:00
SAMSTARF Í HAFTENGDRI STARFSEMI
- MENNTATEYMI SJÁVARKLASANS Á SUÐURNESJUM
Íslenski sjávarklasinn, og mennta- og rannsóknarstofnanir á Suðurnesjum: 
Kynna fyrir fyrirtækjum í haftengdri starfsemi og tengdum greinum í Reykjanesbæ
þá aðstöðu og þekkingu sem þær búa yfir. Farið verður yfir þá möguleika sem eru
fyrir hendi varðandi samstarf við kennara, nemendur og/eða önnur fyrirtæki.
Léttar veitingar verða í boði Reykjanesbæjar.
Staðsetning: Kaffi Duus í Reykjanesbæ.
Skráning og nánari upplýsingar: Hafið samband við Kristinn Jón Ólafsson,
verkefnastjóra Sjávarklasans, í síma 611 2301 eða netfangið 
kristinn@sjavarklasinn.is, fyrir hádegi þann 4. mars.
11. MARS KL. 12:00 – 12:45
MÓTTAKA BLAÐAMANNA OG FERÐASKRIFSTOFUAÐILA
– MAGNEA GUÐMUNDSDÓTTIR KYNNINGARSTJÓRI BLÁA LÓNSINS
Árlega berst fjöldi fyrirspurna frá ferðasöluaðilum, blaðamönnum, ljósmyndurum
og bloggurum sem ákafir vilja nýta þjónustu fyrirtækja í ferðaþjónustu
endurgjaldslaust. Í staðinn bjóða þau þjónustu sína. Veljum við úr hópnum?
Tökum við á móti öllum? Hvernig tökum við á móti þessum aðilum og tölum við
þá til að nýta þennan þátt í markaðssetningu fyrirtækisins? Magnea Guðmunds-
dóttir kynningarstjóri hjá Bláa lóninu fer yfir þessi mál en fyrirtækið hefur mikla
reynslu af móttöku slíkra hópa.
Staðsetning: Bláa lónið.
18. MARS KL. 12:00 – 12:45
FACEBOOK FYRIR BYRJENDUR
– ÞÓRANNA JÓNSDÓTTIR
Markaðssérfræðingur frá Markaðsmál á mannamáli
segir frá því hvernig Facebook getur nýst fyrirtækjum í markaðsstarfi.
Staðsetning: Eldey, frumkvöðlasetur Grænásbraut 506, 235 Ásbrú.
5. – 15. MARS
HVAÐ ER SVONA MERKILEGT VIÐ REYKJANESSKAGANN?
Reykjanes jarðvangur og Miðstöð símenntunar á Suðurnesjum standa fyrir nám-
skeiði í staðarleiðsögn á Reykjanesi 5. - 15. mars 2014 sem unnið er að erlendri
fyrirmynd.
Skráning fer fram á mss.is en verð er kr. 10.000. Nánari upplýsingar á jenny@mss.is.
25. MARS KL. 12:00 – 12:45
AF STAÐ
– MATTI ÓSVALD STEFÁNSSON
Farið verður í þau lykilskref sem gott er að hafa í huga áður en þú leggur af stað í
átt að draumalífinu.
Matti Ósvald er heildrænn heilsufræðingur og vottaður markþjálfi frá ICF.
Staðsetning: Eldey frumkvöðlasetur, Grænásbraut 506, 235 Ásbrú.
21. MARS KL. 8:30 – 10:00
UPPBYGGING Á REYKJANESI
Reykjanes jarðvangur boðar til málþings um uppbyggingu á Reykjanesi en á
svæðinu eru fjölsóttir ferðamannastaðir s.s. Valahnúkur, Reykjanesviti og
Gunnuhver. Á fundinum verða skoðaðir möguleikar og tækifæri sem felast
í uppbyggingu ferðaþjónustu á svæðinu.
Staðsetning: Eldey frumkvöðlasetur, Grænásbraut 506, 235 Ásbrú.
Heklan býður upp á námskeið, fyrirlestra og kynningarfundi
í samstarfi við Eldey frumkvöðlasetur, Reykjanes jarðvang,
íslenska sjávarklasann og Markaðsstofu Reykjaness.
HVAÐ VILTU VITA?
SUÐURNES GARÐUR GRINDAVÍK REYKJANESBÆR SANDGERÐI VOGAR
Orlofshús VSFK
Páskar 2014
Eftirtalin orlofshús félagsins verða leigð út um páskana:
2 hús í Svignaskarði
3 hús í Húsafelli
2 hús í Ölfusborgum
2 hús í Hraunborgum
1 íbúð í raðhúsi að Núpasíðu 8h á Akureyri
Útleigutímabil er frá miðvikudeginum 16. apríl til og með
miðvikudeginum 23. apríl 2014.
Umsóknir liggja frammi á skrifstofu félagsins og er umsóknarfrestur
til kl. 15:00 föstudaginn 7. mars 2014.
Úthlutað verður samkvæmt punktaker.
Orlofsstjórn VSFK