Víkurfréttir - 27.02.2014, Blaðsíða 23

VÍKURFRÉTTIR • fimmtudagurinn 27. febrúar 2014 23
Grindvíkingar lönduðu lang-þráðum bikarmeistaratitli
í körfubolta um helgina með
nokkuð þægilegum sigri gegn
ÍR-ingum í Laugardalshöll. Loka-
tölur urðu 89-77 fyrir þá gul-
klæddu úr Grindavík. Íslands-
meistarar síðustu tveggja ára voru
hungraðir í bikartitilinn sem
hafði runnið þeim úr greipum
í síðustu þremur heimsóknum
þeirra í Höllina.
Grindvíkingar mættu einbeittir
og vel undirbúnir til leiks og voru
þeir ávallt skrefinu á undan Breið-
hyltingum. Grindvíkingar höfðu
yfirhöndina nánast allan leikinn þó
svo að ÍR-ingar hafi oft og tíðum
verið líklegir. Vörn Íslandsmeistar-
anna var gríðarsterk og þvinguðu
þeir ÍR-inga oft til þess að taka erfið
skot. Allir leikmenn skiluðu góðu
framlagi í leiknum en frammistaða
Sigurðar Gunnars og hins unga
Jóns Axels vakti hvað mesta athygli.
Munurinn á liðunum var fimm stig
í hálfleik en Grindvíkingar sýndu
styrk sinn í þriðja leikhluta og
lögðu grunninn að góðum sigri.
Stemningin var skiljanlega góð hjá
Grindvíkingum og sjá mátti að
fólki var létt yfir þessum bikarsigri,
en liðið varð síðast bikarmeistari
árið 2006. „Ég var í liðinu í síðustu
þremur tapleikjum. Þetta er miklu
betri tilfinning. Við héldum okkur
við leikskipulagið og börðumst
vel, allir sem einn,“ sagði Þorleifur
Ólafsson, fyrirliði Grindvíkinga.
Miðherjinn Sigurður Gunnar Þor-
steinsson var valinn maður leiksins
og fór hamförum í seinni hálfleik
þegar Grindvíkingar voru að stinga
ÍR-inga af í lokaleikhlutanum. „Við
náðum að hrista þá af okkur í lokin.
Þetta var sætur sigur og þessu
munum við fagna,“ sagði risinn
sem hefur aldrei leikið betur en í
vetur. Hann skoraði 20 stig og tók
11 fráköst. Lewis Clinch Jr. gerði
líka 20 stig, þar af 16 í fyrri hálfleik.
Loksins fór „hinn“
bikarinn á loft
- Grindvíkingar bikarmeistarar eftir hremmingar
undanfarin ár í Laugardalshöll
Til hamingju
Grindvíkingar!
REYKJANESBÆ
Jóhann Árni keyrir að körfu ÍR-inga. Sigurður Gunnar var valinn maður leiksins. VF/myndir Páll Orri