Feykir - 28.04.2009, Blaðsíða 5
17/2009 Feykir 5
( MITT LIÐ )
Nafn: Ágúst Ingi Ágústsson
Heimili: Óðinsvé, Danmörk.
Starf: Sagnfræðinemi við Háskóla
Suður-Danmerkur.
Hvert er uppáhaldsliðið þitt í
enska boltanum og af hverju?
Liverpool er mitt uppáhaldslið.
Aðdáun mín á liðinu hófst um
1990 í Blönduhlíðinni n.t.t. á
Frostastöðum. Þar sat ég ásamt
frænda mínum Brynjari Elefsen
og horfðum við á leik Liverpool og
Tottenham. Ekki þurfti mikla pressu
frá frændanum enda heillaðist
ég strax af þeim rauðu í “Candy”-
búningunum. Þó sérstaklega
leiknum miðvallarleikmanni með
fætur á við símastaura, sjálfum
John Barnes.
Hefur þú einhvern tímann lent í
deilum vegna aðdáunar þinnar
á umræddu liði? -Já, alloft hef
ég lent í deilum vid misgáfulega
stuðningsmenn óæðri liða.
Mest gaman er þó að skiptast á
skoðunum vid Manchester Unitet
aðdáendur, þeir taka allri stríðni og
gagnrýni á lið sitt sem persónulegri
árás, væntanlega hefur velgengni
síðari ára stigið þeim til höfuðs.
Svo hittum við strákarnir eitt
sinn fyrir misyndismann á ferð
okkar um Liverpool sem leit á
okkur morðaugum þegar við
sögðum honum að við værum
stuðningsmenn Liverpool. Við
flúðum af vettvangi eins og sönnum
hetjum sæmir.
Hver er uppáhalds leikmaður þinn
fyrir og síðar? -Jamie Carragher er
minn uppáhalds leikmaður, hann
er félagið holdi klætt. Uppalinn í
borginni, stuðningsmaður frá æsku,
spilar með hjartanu og einn besti
varnarmaður á Englandi þó eitthvað
hafi vantað uppá hæfileika á köflum.
Ekki skemmir fyrir að ég hitti hann
eitt sinn, fékk eiginhandaráritun og
tók í höndina á honum. Þvoði mér
ekki um hendurnar í langan tíma á
eftir.
Hefur þú farið á leik með liðinu?
-Já, ég hef farið á fjóra leiki. Árið
2003 fórum við nokkrir félagarnir
í pílagrímsför og sáum Liverpool-
Celtic og Liverpool-Leeds. Svo
Við flúðum af vett-
vangi eins og sönnum
hetjum sæmir
árið 2006 fórum við hjónin ásamt
skólafélögum mínum frá Akureyri
á Wigan-Liverpool og Liverpool-
Arsenal.
Áttu einhvern hlut sem tengist
félaginu? -Já fyrrnefnda eigin-
handaráritun, trefil, boli, bolla o.fl.
Hvernig gengur að ala aðra
fjölskyldumeðlimi upp í stuðningi
við liðið? -Ég hef reynt eftir fremsta
megni að boða fögnuðinn innan
stórfjölskyldunnar. Mamma og litla
systir mín frelsuðust mjög snemma.
Faðir minn heldur hins vegar
ennþá með Swansea enda hefur
hann takmarkað vit á knattspyrnu.
Konan mín er Poolari þannig að
yngsti fjölskyldumeðlimurinn er
heilaþveginn eftir því.
Hefur þú einhvern tímann skipt
um uppáhaldsfélag?
Nei, hverjum þykir sitt félag fagurt
þó árangurinn sé oft lúsugur og
magur.
Uppáhalds málsháttur? -“There
are two good football teams in
Liverpool. Liverpool and Liverpool
reserves.” -Bill Shankley.
Er ekki allt sem þú kannt í
markinu Bruce Grobbelaar að
þakka? (Spurning frá Sveini
Guðmundssyni) -Jú það er mikið
rétt, ég fylgdist gaumgæfilega
með þeim mikla snillingi enda
vandfundinn jafn litríkur persónuleiki
í enska boltanum fyrr eða síðar. Svo
erum við báðir skallamenn góðir.
Hvern myndir þú vilja svara
þessum spurningum? -Sunnu
Björk Atladóttur, frænku mína.
Hvaða spurningu viltu lauma að
viðkomandi? -Ef Steve Bruce og
John Barnes færu í kapphlaup í dag,
hvor heldurðu að myndi vinna?
( ÁSKORENDAPENNINN )
Jóhannes Ingi Hjartarson skrifar frá Akureyri
Hjólandi í sól og sumaryl
Ég heiti Jóhannes
Ingi Hjartarson, ég er
alinn upp á Króknum,
mest í lausagöngu í
Litlaskógi, móunum
þar í kring og í
fjörunni. Síðustu ár
hef ég alið manninn á
Akureyri, þar sem ég
bý með konu minni og
þremur börnum.
Ég vil byrja á því að
þakka Gunna vini
mínum kærlega fyrir að
afhenda mér pennann,
ásamt því að opinbera
bráðskemmtilega
veiðisögu, höfum við
félagarnir nú farið í ansi
margar veiðiferðir síðan
þá. Sumar talsvert
aflameiri en þessa,
aðrar ekki.
En víkjum þá að
öðrum minningum
mínum af Króknum.
Ein fyrsta minningin
mín er frá fjögurra ára
afmælinu mínum, þá
áttum við fjölskyldan
heima á bakvið
Safnaðarheimilið. Í
afmælisgjöf fékk ég
reiðhjól, stórglæsilegt,
appelsínugult, með
bögglabera og hjálpar-
dekkjum. Þennan góða
dag hjólaði ég upp og
niður götuna hjá Gúttó.
Ef minnið er ekki að
svíkja mig þá lék veðrið
við mig þann daginn,
sól og sumarylur.
Þegar betur er að gáð
er það harla ólíklegt,
þar sem ég á afmæli
29. október. Þrátt fyrir
það er minningin góð
og afmælisdagurinn
ákaflega eftirminnilegur.
Ég var líka oft hjá
afa í Suðurgötunni þar
sem við horfðum á
enska boltann og gerum
það oft enn í dag. Þá
voru leikirnir sýndir
viku eftir að þeir voru
leiknir, þar sem beinar
útsendingar tíðkuðust
ekki í þá daga. Fyrir
leiki hljóp ég út á Bláfell
og keypti kúlur fyrir
okkur að japla á meðan
á leik stóð. Einhverju
sinni ákváðum við
Dagga frænka að reisa
okkur kofa, í garðinum
hjá afa. Vandað var til
verks og því vorum við
marga daga að byggja
kofann. Ákaflega vorum
við stolt af kofanum
okkar, en fannst vanta
lokaútslagið á útliti
hússins. Við tókum
okkur því til við að
útbúa Íslenska fánann
og flögguðum honum
við húsið. Tveim dögum
síðar barði hisvegar
lögreglan að dyrum
hjá afa, og gaf sig ekki
með það að þetta væri
kolólöglegt og fánann
yrði að fjarlægja. Það
fannst okkur afar
dapurt, en þetta var
í fyrsta skipti sem að
lögreglan þurfti að hafa
afskipti af mér.
Margar aðrar
minningar líða í gegnum
hugann þegar maður
byrjar að dusta rykið af
þessum liðnu tímum,
flestar eru þær afar
góðar. En það er alveg
spurning hvort að mér
þætti sjálfsagt að börnin
mín gerðu það sama og
ég var að gera þá.
- - - - -
Að lokum langar
mig að rétta góðvini
mínum Brynjari
Elefsen, athafnamanni,
pennann.
Takk fyrir traustið !
AÐSENT EFNI Ásbjörn Óttarsson skrifar
Ég vil óska þeim
mótframbjóðendum
sem komust inn á þing
til hamingju og vænti ég
góðs samstarfs við þá.
Jafnframt vil ég þakka
meðframbjóðendum mínum
fyrir frábært samstarf og þá
miklu vinnu sem þeir lögðu
á sig.
Ljóst er að úrslit í NV-
kjördæmi eru varnarsigur fyrir
Sjálfstæðisflokkinn og þar
fengum við flest atkvæði og
erum þar í forystu þrátt fyrir að
hart væri sótt að okkur.
Ég vil þakka öllu þeim er
studdu Sjálfstæðisflokkinn í
kosningunum fyrir stuðninginn
og ég mun gera mitt besta til að
standa undir því trausti. Einnig
vil ég þakka þeim fjölmörgu
sem lögðu mikla vinnu á sig í
kosningabaráttunni kærlega
fyrir þeirra framlag, án þeirra
hefði þessi árangur ekki náðst.
Ég tel mikilvægt að loknum
kosningum snúi menn bökum
saman hvar í flokki sem menn
eru og gangi í þau mikilvægu
verkefni sem framundan eru,
ekki mun standa á mér.
Ásbjörn Óttarsson
- Rifi.
Takk fyrir stuðninginn !
AÐSENT EFNI Gunnar Bragi Sveinsson skrifar
Úrslit alþingiskosninganna
eru góður sigur fyrir
framsóknarmenn og
aðra er studdu flokkinn.
Flokkurinn bætir við sig
nærri fjórum prósentustigum
og einum manni í
Norðvesturkjördæmi.
Sigurinn má þakka mikilli
vinnu fjölda fólks, en sérstak-
lega vil ég þakka öllu því unga
fólki sem lagði mikið á sig til að
árangur næðist.
Framundan eru erfiðir
en spennandi tímar þar sem
verkefnin verða leyst með
samvinnu og raunhæfum
lausnum. Þar mun Framsókn-
arflokkurinn gegna lykilhlut-
verki.
Ég vil þakka starfsmönnum
Framsóknarflokksins, fram-
bjóðendum, stuðningsmönn-
um og öllum þeim er tryggðu
þennan góða árangur flokksins.
Gunnar Bragi Sveinsson