Feykir - 28.04.2009, Blaðsíða 7

17/2009 Feykir 7
Guðfinna Olga Sveinsdóttir og Matthildur Guðnadóttir léku á fiðlur.
( TÖLVUPÓSTURINN )
@
Jón Guðmann Jakobsson, starfar hjá Léttitækni í Reykjavík og
hefur gert undanfarin ár. Samhliða starfi sínu hjá Léttitækni á Jón
veg og vanda að síðunni www.northwest.is. Feykir sendi Jóni
tölvupóst og forvitnaðist örlítið um hann sjálfan, Léttitækni og
síðast en ekki síst hinn nýja og glæsilega vef.
Byrjaði sem
skólaverkefni
Sæll hvað er að frétta af þér?
-Ég hef það bara mjög gott,
börnin og konan sjá til þess.
Þú ert ekkert á heimleið?
-Ég er alltaf á heimleið. Alltaf
með annan fótinn fyrir norðan.
Hugurinn reikar oft norður.
Hvernig fer kreppan með
Léttitækni?
-Auðvitað finnum við fyrir þessu
breytingum sem orðið hafa. Við
erum í svipaðri stöðu og flest
íslensk fyrirtæki núna. Meiri
barátta um færri verkefni á sama
tíma og kostnaður eykst. Það
er ákveðið verkefni að komast
í gegnum þetta. Við erum samt
ávallt “léttir” og bjartsýnir á
framtíðina.
Nú tókst þú að þér hliðar-
verkefni sem var hönnun vefsins
Northwest.is, hvað kom til?
-Þetta byrjaði sem skólaverkefni
2002 í samstarfi við Ferða-
málasamtök Norðurlands vestra.
Það má segja að ferðamál séu
eitt af áhugamálum mínum
síðan ég fór út sem skiptinemi,
þá skynjaði ég sterkt hvað
Ísland hefur margt að bjóða fyrir
ferðamenn. Hver landshluti hefur
sína kosti.
Vefurinn er einkar glæsilegur
var hann lengi í hönnun?
-Það getur tekið svolítinn tíma
að hanna útlit, vinna með
myndir og skipulag vefsvæðis
og eins að safna gögnum
frá ferðaþjónustuaðilum á
svæðinu og koma því fyrir á 3
tungumálum. Þessi vefur er ekki
enn fullbúinn, grunnurinn er klár
en það á eftir að breyta og bæta
við upplýsingum. Ég hef verið í
rúmlega fullu starfi hjá Léttitækni
ehf síðustu 8 árin og nú þegar
um hægist á hjá okkur greip ég
tækifærið samhliða vinnunni og
í mínum frítíma. Það var kominn
tími á að uppfæra vefinn og ég
skellti mér í það af fullum þunga
fyrir nokkrum mánuðum.
Hefur þú fengið viðbrögð á
hann?
-Ég er ánægður með viðbrögðin,
fólk er mjög jákvætt án undan-
tekninga.
Ef einhver er ekki með á vefnum
en hefur áhuga á að komast að
hvert á sá hinn sami að snúa
sér?
-Hann sendir tölvupóst á
netfangið jon@northwest.is, svo
einfalt er það.
Ætlar þú að gera meira af því
að hanna vefsíður?
-Já örugglega, ég hef hannað
marga vefi frá árinu 2000 og
mun vonandi halda því áfram.
Annars beinist athyglin mest að
Léttitækni ehf, enda er búið að
vera gríðarlega gaman að byggja
það fyrirtæki upp síðustu árin.
Vefsíðugerðin er ágæt svona
með.
Eitthvað að lokum?
-Já, kannski ég noti tækifærið
og þakki öllum þeim sem
tóku þátt í þessu með mér,
ferðaþjónustuaðilum, starfsfólki
upplýsingamiðstöðvanna, sveit-
arfélögum og fyrirtækjum á
svæðinu.
Misjafnt var hvað krökkunum fannst gaman.
Guðbrandur Þorkell Guðbrandsson og Geirmundur Valtýsson fengu höfundarlaun
fyrir að semja afmælislag Kaupfélags Skagfirðinga sem Álftagerðisbræður fluttu.
Þórunn Rögnvaldsdóttir söng við undirleik Jóhönnu Óskarsdóttur.
Róbert bakari hafði í nógu að snúast við að skera niður afmælistertuna.