Feykir - 28.04.2009, Blaðsíða 11
17/2009 Feykir 11
( MATGÆÐINGAR VIKUNNAR )
Valbjörn og Álfhildur kokka
Beikonvafinn skötuselur,
fiskisúpa og grillaðar kókosbollur
AÐALRÉTTUR
Beikonvafinn
skötuselur
grillaður á teini með
engifer-beikonsósu
800 gr. skötuselur
Beikonsneiðar
Meðlæti
Soðin hrísgrjón og
engifer-beikon sósa
Ferskt salat eftir smekk.
Engifer beikon sósa
1 laukur smátt saxaður
6 beikonsneiðar smátt saxaðar
2 msk. þurrkað engifer
2 dl. hvítvín
2 dl. rjómi
2 msk. smjör
Sósujafnari
Aðferð: Skötuselurinn er skorinn
í bita c.a. 6 cm og hver biti er
vafinn með beikoni og síðan er
þrætt á grillpinna.
Hrísgrjónin soðin.
Sósa: Steikja beikon og lauk
smá-stund í smjöri, bæta engifer
út í og látið steikjast áfram í c.a.
4 mín.
Hellið hvítvíninu saman við,
sjóðið í aðrar 4 mín, bætið þá
rjómanum saman við og látið
enn sjóða í smá stund. Þykkið ef
þurfa þykir með sósujafnara og
bragðbætið með salti og pipar.
Skötuselurinn: Hann er grillaður
við vægan (medium) hita á
útigrillinu í c.a. 6 mín. á hvorri
hlið. Mikilvægt að víkja ekki frá
grillinu á meðan svo hann verði
ekki ofeldaður .
FORRÉTTUR
Fiskisúpa með
grænmeti og osti
Hráefni
1 laukur
2 hvítlauksrif
2 paprikur (rauða og græna)
1 msk. smjör
2 msk. hveiti
8 dl. vatn
2 fiskiteningar
Salt og pipar
C.a. 500 gr. fiskur, þorskur,
ýsa eða skötuselur + smávegis
af rækjum eftir smekk
Nú eru kosningar afstaðnar og margir eru glaðir með
úrslitin þó einhverjir vildu sjá þau á annan veg. En það
geta allir verið sammála um það að uppskriftirnar sem
nú bjóðast lesendum Feykis eru ljúffengar og yfir alla
flokkadrætti hafnar.
-Aðalrétturinn er í miklu uppáhaldi í fjölskyldunni og
hann er borinn fram bæði sem forréttur eða aðalréttur allt
eftir því hvernig legið hefur á okkur, segja matgæðingar
vikunnar þau Álfhildur R Halldórsdóttir og Valbjörn
Steingrímsson á Blönduósi. Þau skora á hjónin Jón
Sigurðsson og Margréti Einarsdóttir á Blönduósi að koma
með næstu uppskrift.
2 1/2dl. rjómi
200 gr. jöklasalat
200 gr. ostur
Aðferð: Saxið lauk, hvítlauk og
papriku. Léttsteikið í smjöri.
Stráið hveitinu yfir, bætið vatni í
og hrærið stöðugt. Kryddið með
fiskiteningi, salti og pipar.
Fiskurinn settur út í, hleypið upp
suðu og sjóðið í 4-5 mín.
Bræðið ostinn í rjómanum og
hellið í súpuna.
Þegar suðan er komin upp á að
setja saxað jöklasalat út í. Súpan
má ekki sjóða eftir það.
Gott er að hafa hvítlauksbrauð
með.
Auðvitað má nota annan fisk t.d.
lúðu, lax, steinbít eða skelfisk.
EFTIRRÉTTUR
Grill Gúff
Í tilefni sumarkomu er Grill Gúff
málið í eftirrétt.
100 gr. rifið súkkulaði
3 stk. kókosbollur
500 gr. ávaxtasalat,
t.d. jarðaber, kíwí, vínber,
perur, bananar og epli.
Ávextir skornir í bita settir í
álbakka. Súkkulaði dreift yfir.
Klessið kókosbollunum þar yfir.
Grillað í u.þ.b. 10 mínútur við
lágan hita.
Verði ykkur að góðu!
Eftir langan og kaldan vetur
eru eflaust margir farnir að
huga að því að taka grillin út
fyrir sumarið. Mikilvægt er
að gefa sér góðan tíma til
þess a hreinsa grillin upp
eftir veturinn, endurnýja
steina og athuga með gas.
Þá er engin ástæða til þess
að henda grillinu þó brennarinn
sé farinn að gefa sig því nýja
brennara má kaupa fyrir lítinn
pening. Feykir tók saman
nokkur góð grillráð.
• Nauðsynlegt er að hreinsa
grillflöt áður en ný máltíð er
grilluð.
• Gætið þess að eiga nóg af
kolum og gasi þegar byrjað er að
gilla.
• Forhitið grillið hvort sem
notast er við gas-eða kolagrill.
Sé hitinn ekki réttur á grillinu
þegar kjötið er sett á, er hættara
við því að það brenni við eða
soðni á grillinu.
• Gott er að nudda hálfum
lauk eftir heitum grillteinunum
rétt áður en byrjað er að grilla.
Þetta gefur aukið bragð af
matnum og ómótstæðilegur
ilmur sem fyllir loftið eykur enn
frekar á stemninguna. Einnig er
gott að binda rósmaríngreinar
upp í pensil og láta marinerast í
ólífuolíu. Pensla síðan grillið
fyrir grillun með rósmarín-
greinunum. Enn eitt ráðið er að
nudda grindina með beikoni,
það gefur gott bragð og maturinn
festist síður við.
Verið undirbúin og hafið fulla
athygli á grillinu. Það er ekki
góð regla að setja kartöflurnar
á síðastar af öllu og brenna
kjötið á grillinu á meðan sósan
er löguð. Það er mikilvægt að
hafa allt tilbúið. Búið til sósur
fyrr um daginn og notist við
forsoðnar kartöflur.
• Best er að strjúka krydd-
löginn af matnum áður en hann
er settur á grillið því það er fyrst
og fremst lögurinn sem brennur.
Svo má ef til vill pensla matinn
aftur með leginum áður en
hann er tekinn af grillinu. En
tryggið samt sem áður góðan
hita á kryddleginum ef hann er
penslaður aftur á steikina.
• Stórar steikur og kjúkling
þarf að taka af eldinum 2/3 af
eldunartímanum og brúna svo í
endann. Gott er að notast við
álpappír en hafið það hugfast
að þið eruð að grilla en ekki
sjóða matinn þannig að það er
mikilvægt að brúna kjötið í lok
grilltímans.
• Munið að hvíla kjötið. Allt
kjöt verður safaríkara ef það fær
að jafna sig í nokkrar mínútur.
• Takið ekki augnun af
grillinu í of langan tíma. Það
þarf ekki nema nokkrar mínútur
til að brenna fallega steik og þá
er allur undirbúningurinn
farinn í vaskinn. Þegar kjötið er
á grillinu er ekki rétti tíminn til
að tala í símann eða blanda
kokteila. Allt slíkt verður að
vera klárt áður en byrjað er að
grilla.
• Notið grilltöng til að snúa
steikinni á grillinu frekar en
gaffal því hann skilur eftir sig
göt í kjötinu og þá er líklegra að
kjötið verði þurrt.
• Þegar grilla á fisk með roði
skal alltaf láta roðhliðina snúa
fyrst upp því hún heldur
fiskinum saman þegar honum
er snúið við. Ekki sakar heldur
að nota þar til gerðar
fiskgrindur.
• Ef kjötið er keypt frosið eða
tekið út úr frysti þarf að gæta
þess að það hafi náð að þiðna til
fulls áður en það er sett á grillið.
Kjöt sem er enn frosið eða ískalt
í miðju grillast oft ójafnt og hætt
er við að það brenni að utan
áður en það nær að hitna
nægilega í gegn.
Það þarf ekki að vera helgi til
þess að kynda grillið og kjöt er
ekki eina máltíðin sem
smakkast vel á grillinu. Við
endum þetta á uppskrift af
grillaðri ýsu.
Grilluð ýsa
Cirka 700 grömm
roðlaus ýsa
Sítrónusaft
Salt og pipar
1 stór laukur
Smjör
10 ristaðar brauðsneiðar
án skorpu
Púrrlaukur
Salt og pipar
Aðferð: Setjið ýsuna í eldfast
mót og hellið sítrónusafa yfir.
Stráið með salt og pipar og
látið bíða í cirka 20 mínútur.
Skerið laukinn smátt og steikið
í smjöri þar til hann er gegnsær,
kælið. Myljið brauðið í skál og
hrærið smjör, púrrlauk, salti og
pipar útí. Smyrjið blöndunni á
fiskinn og grillið hann í 10-15
mínútur.
Berið fram með kartöflum,
baunum og hollenskri sósu.
Gott er að eiga fiskgrind til
þess að grilla ýsuna í.
Feykir grillar
Góður undirbúningur
besta trikkið