Fréttablaðið - 10.05.2018, Blaðsíða 56

Skoðaðu úrvalið á njottulifsins.is
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Amadeus borðstofuhúsgögn
Opið virka daga
11-18
laugardaga
11-15
Komið og skoðið úrvalið
Nýjar vörur frá geoSilica
Kísill Íslenskt kísilsteinefni
Recover Fyrir vöðva og taugar
Renew Fyrir húð, hár og neglur
Repair Fyrir bein og liði
Fæst í öllum helstu apótekum, heilsuvöruverslunum,
Hagkaupum, Nettó, Fjarðarkaupum og vefverslun geoSilica.
Nánari upplýsingar má fi nna á www.geosilica.is
KviKmyndir
vargur
HHHHH
Leikstjóri: Börkur Sigþórsson
Aðalhlutverk: Gísli Örn Garðars-
son, Baltasar Breki Samper, Anna
Próchniak, Marijana Jankovic
Fyrir áratug eða svo skrifaði ég bók
um nafntoguðustu vændiskonu
landsins. Hún sat þá í Kvennafangels-
inu í Kópavogi og afplánaði þungan
dóm fyrir hórmang, ofbeldisbrot,
brot gegn valdstjórninni og síðast en
alls ekki síst fyrir tilraun til stórfellds
innflutnings á kókaíni frá Hollandi til
Íslands.
Við vinnslu bókarinnar talaði ég
við fullt af fólki, meðal annars fólk
sem lifir og starfar í undirheimunum
svokölluðu. Á meðan ég horfði á Varg
rifjaðist upp fyrir mér þegar einn, sem
kalla má „fagmann“, sagði við mig um
fíkniefnabrölt Catalinu: „Amatörar
eiga ekki að reyna að flytja inn dóp.“
Og þetta er nú eiginlega rauði
þráðurinn í Vargi; amatörar reyna
að flytja fíkniefni til landsins og eins
og viðvaninga er háttur gera þeir röð
mistaka og allt fer til helvítis.
Örþrifaráð ólíkra bræðra
Bræðurnir Erik og Atli hafa fetað ólík-
ar brautir í lífinu. Erik er lögfræðingur
í góðri stöðu en Atli er nýkominn af
Hrauninu eftir að hafa afplánað dóm
fyrir fíkniefnabrot.
Báðir eru þó í stórkostlegum fjár-
kröggum og ákveða að redda sér með
því að flytja vænan slatta af dópi til
landsins. Ung kona, tilneydd, er notuð
sem burðardýr til þess arna og látin
flytja efnin milli landa innvortis.
Ólíkar aðstæður bræðranna eru
ágætt dæmi um hversu „undirheimar“
er villandi orð yfir þann skuggalega
veruleika sem „venjulegt“ fólk vill sem
minnst af vita. Undirheimarnir eru
nefnilega alls staðar, í öllum lögum
samfélagsins og það er ekki síst þetta
„venjulega“ fólk sem skapar eftir-
spurnina sem „vondu kallarnir“ svara.
Það kaupir vændið og notar dópið.
Vargur í véum
Vargur er virkilega vandaður og vel
gerður krimmi sem rýkur lóðbeint
upp að Svartur á leik og Borgvirki sem
ein allra besta glæpamynd sem gerður
hefur verið á Íslandi.
Hér smellur allt saman í sterka,
áhrifaríka og áleitna heild. Sagan er
góð, kvikmyndataka og klipping upp
á 10 og tónlistin smellpassar við efnið.
Persónurnar eru sannfærandi og tútna
út í meðförum leikaranna sem fara
með himinskautum þegar best lætur.
Bræðurnir og mátulega sjúkt sam-
band þeirra er þungamiðjan og þeir
Gísli Örn og Baltasar Breki glansa í
hlutverkum Eriks og Atla.
Gísli Örn getur auðvitað nánast
allt og fer rólega af stað, sjálfum sér
líkur en þegar innri menn bræðranna
brjótast fram eftir að allt er komið í
steik tekur hann flugið og gerir Erik að
skuggalega eftirminnilegri persónu.
Takturinn á Baltasar Breka er svip-
aður. Með lágstemmdum leik tekst
honum að sýna alveg stælalaust bæði
angist og einhvern óræðan og ógn-
vekjandi kraft sem springur út þegar
kemur að óumflýjanlegu uppgjöri.
Enn einn leiksigurinn á stuttum ferli
þessa unga leikara.
Pönkskáldið Didda hefur fyrir
löngu sýnt og sannað leikhæfileika
sína í myndum Sólveigar heitinnar
Anspach og dregur hér upp nístandi
hryggðarmynd af sprautufíklinum
móður bræðranna. Persóna sem
gleymist ekki í bráð.
Ekki verður síðan hjá því komist
að minnast á Ingvar E. Sigurðsson
sem lætur lítið fyrir sér fara í auka-
hlutverki yfirmanns hjá lögreglunni.
Hann leggur síðan tjaldið undir sig í
lokin þegar hann sýnir mátt sinn og
megin. Fáránlega svalur gaur!
Þéttur sálfræðitryllir
Vargur kemur skemmtilega og
ánægjulega á óvart og er í raun miklu
frekar þéttur og hrár sálfræðitryllir
og grípandi karakterstúdía frekar en
dæmigerð glæpamynd.
Í raun er fátt út á þessa mynd að
setja en þess mikilvægara að hvetja
fólk til þess að láta hana alls ekki frm
hjá sér fara. Mig grunar nefnilega að
markaðsdeildin hafi skitið aðeins á
sig vegna þess að stiklan úr myndinni
gefur engan veginn rétta hugmynd
um hvers eðlis Vargur er.
Þar er freistast til þess að teikna
upp hart keyrðan og helst til dæmi-
gerðan ofbeldiskrimma þegar mynd-
in er allt annað og svo miklu meira.
Góð glæpamynd er hún vissulega
en engan veginn dæmigerð og hefur
miklu víðari skírskotun en staðlaðir
krimmar.
Þórarinn Þórarinsson
niðurstaða: Vargur kemur
skemmtilega og ánægjulega á óvart
og er í raun miklu frekar þéttur og
hrár sálfræðitryllir en dæmigerð
glæpamynd. Hér smellur allt saman í
mynd sem glæpur væri að missa af.
Sök bítur seka...
Samleikur Baltasars Breka og Gísla Arnar í Vargi er magnaður og báðir skila þeir marglaga og eftirminnilegum persónum
bræðranna Eriks og Atla með stakri prýði.
Löggan
Við þau skemmtilegu nýmæli kveður í Vargi að aðallöggan, Lena, er
kona af erlendu bergi brotin. Serbi sem fluttist til Íslands sem barn
eftir að fjandinn varð laus með hryllilegum afleiðingum í Bosníu og
Hersegóvínu 1992.
Danska leikkonan Marijana Jankovic er eitursvöl í hlutverki Lenu
sem er harðákveðin í því að finna burðardýrið og dópið. Hér er sko á
ferðinni ekta bíómyndalögga, ákveðin og ósveigjanleg. Harður nagli
sem stólandi er á.
Burðardýrið
Pólska leikkonan Anna Próchniak leikur burðardýrið ógæfusama, Sofiu,
af slíku næmi að maður þjáist með henni frá fyrsta ramma. Líkam-
legar þjáningar hennar eru illbærilegar þar sem hún berst við að skila
efnunum.
Ömurlegar aðstæður hennar kalla á köflum fram minningar um lík-
fundarmálið svokallaða og skelfileg en mjög raunveruleg örlög Vaidas
Jucevicius árið 2005. Andlegar þjáningar ungu móðurinnar, sem er
þvinguð í dópburðinn með barn sitt í gíslingu dópskítalabbanna, er ekki
síður átakanleg. Anna á hvert bein í áhorfandanum frá upphafi til enda.
1 0 . m a í 2 0 1 8 F i m m t u d a G u r32 m e n n i n G ∙ F r É t t a B L a ð i ð
Bíó
1
0
-0
5
-2
0
1
8
0
4
:3
1
F
B
0
6
4
s
_
P
0
5
7
K
.p
1
.p
d
f
F
B
0
6
4
s
_
P
0
5
6
K
.p
1
.p
d
f
F
B
0
6
4
s
_
P
0
0
8
K
.p
1
.p
d
f
F
B
0
6
4
s
_
P
0
0
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
B
D
-8
2
7
C
1
F
B
D
-8
1
4
0
1
F
B
D
-8
0
0
4
1
F
B
D
-7
E
C
8
2
7
5
X
4
0
0
.0
0
1
7
B

F
B
0
6
4
s
_
9
_
5
_
2
0
1
8
C
M
Y
K