Fréttablaðið - 12.05.2018, Blaðsíða 114
EVEREST BASE CAMP
fjallaleidsogumenn.is · fyrirspurn@fjallaleidsogumenn.is · Sími: +354 587 9999 Næstu brottfarir: 1. okt 2018 og 6. okt 2019
Grunnbúðir Everest með
Íslenskum Fjallaleiðsögumönnum
Aðfaranótt kallast nýtt íslenskt leikrit sem var frumsýnt í Kassanum í Þjóðleik-húsinu í gærkvöldi. Verkið er skrifað
sérstaklega fyrir útskriftarárgang
nemenda á leikarabraut í Lista-
háskóla Íslands en leikstjórn er í
höndum Unu Þorleifsdóttur. Höf-
undur verksins er Kristján Þórður
Hrafnsson, en hann á að baki fjölda
skáldverka, leikrit, ljóðabækur og
skáldsögur og segir að í árslok 2016
hafi hann rekið augun í auglýsingu
þar sem kallað var eftir hugmyndum
að útskriftarverki. „Ég átti í fórum
mínum hugmynd sem ég sá að gæti
fallið mjög vel að þessari samkeppni
og fannst spennandi að þarna ætti
að skrifa fyrir hóp af ungu fólki.
Þannig að ég sendi hugmyndina inn,
hún bar sigur úr býtum og í kjölfarið
settist ég niður og byrjaði að skrifa
þetta leikrit.“
Spennandi áskorun
Kristján Þórður segir að leik-
ritið fjalli um hóp af ungum mann-
eskjum en leiðir þeirra liggi saman
fyrir tilviljun eitt laugardagsköld
á skemmtistað í Reykjavík. „Það
kemur fljótt í ljós að þarna eru ýmis
óuppgerð mál, væntingar, langanir,
þrár og líka innibyrgð reiði. Þarna
fer í gang atburðarás með ófyrir-
sjáanlegum afleiðingum. Það má
kannski segja að þetta leikrit sé
ákveðin rannsókn á árásargirninni
í manninum og hvernig hún getur
tekið á sig ólíkar myndir. Hvernig
hún getur birst í bæði líkamlegu og
andlegu ofbeldi og leitað útrásar í
gegnum ögranir, húmor, yfirlýsinga-
gleði, öfgafulla framkomu eða skoð-
anir. Ég er svona að leitast við að
skoða þennan þátt í manneskjunni.
Síðasta leikrit mitt, Fyrir framan
annað fólk, var frekar kómískt
verk en þetta er aftur á móti lík-
lega harkalegasta leikrit sem ég hef
skrifað. Þrátt fyrir að ég bindi vonir
við að það sé töluverður húmor í því
líka.“
Aðspurður um það hvernig sé að
vinna með svo ungum hópi leikara
sem er eðli málsins samkvæmt lítt
reyndur, segir Kristján Þórður að
það sé ekki mikill munur á því og
að vinna með margreyndum leik-
urum. „Mitt verkefni er að skapa
áhugaverðar persónur og láta sög-
una tvinnast saman. Sérstaða þessa
verks er sú að það fjallar alfarið
um ungar manneskjur. Ég reyndi
að gæta þess að vægið á milli hlut-
verkanna væri sem jafnast. Slíkt er
spennandi áskorun þegar skrifað er
fyrir svona stóran hóp því ég reyni
að nálgast þetta þannig að allt séu
þetta ákveðin aðalhlutverk.“
Þegar hömlurnar bresta
Útskriftarsýningar leiklistarnema
LHÍ hafa ávallt dálítið sérstakt yfir-
bragð sem er tilkomið af þessu, að
hópur ungra leikara er að kynna
sig inn í heim atvinnuleikhússins
á Íslandi. Kristján Þórður tekur
undir þetta og segir að þarna sé á
ferðinni hópur mjög hæfileikaríkra
ungmenna sem eru í þann mund
að ljúka þessu námi. „Þau eru búin
að vera að stunda þetta nám í þrjú
ár og fá þarna ákveðið tækifæri til
þess að kynna sig. Sjálfur sótti ég
sýningar gamla Nemendaleikhúss-
ins á sínum tíma og svo útskriftarár-
gangsins eftir að leiklistarskólinn
varð hluti af Listaháskólanum og
mér hefur alltaf þótt mjög gaman
að fara á þessar sýningar. Þarna eru
listamenn framtíðarinnar að stíga út
í leikhúsheiminn og það er stór við-
burður. Þarna er alltaf mjög sérstök
og skemmtileg stemning og það
fylgir þessu ákveðin orka, kraftur
æskunnar. Ég tók vissulega mið af
því þegar ég var að skrifa og reyndi
að fjalla um samskiptamynstur sem
maður sér stundum hjá ungu fólki.
En svo er nú manneskjan alltaf söm
við sig á öllum aldri.“
Eins og svo mörg skáld sem skrifa
fyrir leikhús þá er Kristján Þórður
með rætur í ljóðlistinni og hann
segir að þarna sé á vissan hátt stutt
á milli. „Það er eitthvað við hvernig
bæði þessi form krefjast ákveðinn-
ar samþjöppunar. Það sem hrífur
mig við bæði ljóðið og leikritið er
að maður þarf að mæta ákveðnum
formkröfum. Þarna er líka hægt að
leika sér talsvert að ákveðinni til-
finningatjáningu og leika sér með
sambland raunsæis og óraunsæis.
Leikhúsið getur þannig verið rétt
eins og ljóðlistin mjög nærgöngult
form.
Ég hef í mínum verkum haft mik-
inn áhuga á því að rannsaka innra líf
fólks og tilfinningalega togstreitu og
þetta verk er um það. Það fjallar um
þessar órökréttu, hömlulausu hvatir
sem blunda innra með manneskj-
unni og geta brotist út og tekið á sig
ýmsar birtingarmyndir við ólíkar
kringumstæður. Hvernig bældur
sársauki getur leitað að útrás, ekki
síst þegar fólk er samankomið í
næturlífinu og áfengi er haft um
hönd og hömlurnar bresta.“
Manneskjan er alltaf söm við sig á öllum aldri
Leikarar framtíðarinnar frumsýndu í gærkvöldi nýtt verk eftir Kristján Þórð Hrafnsson sem hann skrif-
aði sérstaklega fyrir hópinn og hann segir að það hafi verið áskorun að gæta jafnvægis á milli hlutverka.
Kristján Þórður segir að það sé alltaf sérstök og skemmtileg stemning á
útskriftarsýningum leiklistarnema. Fréttablaðið/EyÞór
Magnús
Guðmundsson
magnus@frettabladid.is
Leikarar framtíðarinnar
aðfaranótt eftir
Kristján Þórð Hrafns-
son er í leikstjórn
Unu Þorleifsdóttur.
leikhópinn skipa
þau Árni beinteinn
Árnason, Ebba Katrín
Finnsdóttir, Elísabet S.
Guðrúnardóttir, Eygló
Hilmarsdóttir, Hákon
Jóhannesson, Hlynur
Þorsteinsson, Júlí
Heiðar Halldórsson og Þórey birgisdóttir.
Sýnt er í Kassanum í Þjóðleikhúsinu og frítt er inn á allar sýningar en
þó þarf að panta miða á tix.is.
1 2 . m a í 2 0 1 8 L a U G a R D a G U R54 m e n n i n G ∙ F R É T T a B L a ð i ð
menning
1
2
-0
5
-2
0
1
8
0
4
:3
1
F
B
1
2
8
s
_
P
1
2
7
K
.p
1
.p
d
f
F
B
1
2
8
s
_
P
1
1
4
K
.p
1
.p
d
f
F
B
1
2
8
s
_
P
0
0
2
K
.p
1
.p
d
f
F
B
1
2
8
s
_
P
0
1
5
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
C
0
-D
7
7
0
1
F
C
0
-D
6
3
4
1
F
C
0
-D
4
F
8
1
F
C
0
-D
3
B
C
2
7
5
X
4
0
0
.0
0
1
1
B
F
B
1
2
8
s
_
1
1
_
5
_
2
0
1
8
C
M
Y
K