Feykir - 05.01.2012, Blaðsíða 9

01/2012 Feykir 9
( TÓN-LYSTIN ) palli@feykir.is
Helga Hinriksdóttir / Eurovision-aðdáandi
Ólst upp við
að „þurfa” að
hlusta á Queen
Helga Hinriksdóttir býr á
Hvammstanga en ólst upp
rétt fyrir utan bæinn, eða á
Ytri Völlum. Helga er árgerð
1972 enda 80’s tímabilið
hennar uppáhalds. Þó það
séu rúmlega 20 hljóðfæri á
heimilinu segist hún varla spila
skammlaust á nokkurt þeirra.
Helstu tónlistarafrek: Koma
Söngvarakeppni Húnaþings
vestra af stað og skipuleggja
hana í nokkur ár þar til Sæunn
Sigvaldadóttir tók við. Ég hef líka
skipulagt nokkra tónleika, þeir
eftirminnilegustu voru klárlega
Pink Floyd tribute tónleikar sem
voru haldnir 2005 (söng þar líka
eitt lag).
Hvaða tónlist fær þig til að
sperra eyrun þessa dagana?
Adele. Annars var ég að kaupa
mjög áhugaverðan geisladisk, og
þann fyrsta í mörg ár, en hann
er með söngkonu sem heitir Jo
Hamilton.
Hvers konar tónlist var hlustað
á á þínu heimili? Ég ólst upp
við að ”þurfa” að hlusta á
Queen. Man líka eftir Vilhjálmi
Vilhjálmssyni og Megasi.
Hver var fyrsta platan/
diskurinn/kasettan/niðurhalið
sem þú keyptir þér? Ég fékk
fyrstu kasettuna þegar ég var 6
ára og hún var með Dr. Hook.
Hvaða græjur varstu þá með?
Pínulítið kasettutæki sem for-
eldrar mínir áttu. Ég eignaðist
ekki sjálf tæki fyrr en ég fermdist.
Hvað syngur þú helst í sturt-
unni? Syng ekki í sturtu.
Wham! eða Duran? Wham!
Auðvitað!!
Þú heldur dúndurpartí í
kvöld, hvað læturðu hljóma í
græjunum til að koma öllum í
stuð? Hmm... Eurovision kemur
mér alltaf í stuð... verð líklega
að velja mér gesti með það fyrir
augum.
Þú vaknar í rólegheitum á
sunnudagsmorgni, hvað viltu
helst heyra? Pink Floyd eða
David Bowie.
Þú átt þess kost að fara hvert
sem er í heiminum og skella þér
á tónleika. Hvert færirðu, hvaða
tónleika og hvern tækirðu með
þér? Annað hvort á Eurovision
keppni eða á tónleika með Bon
Jovi. Ég tæki kærastann með á
Bon Jovi (ef hann vill fara með)
en synina á Eurovision keppni.
Hvaða tónlistarmann hefur þig
dreymt um að vera? Enginn.
Gæti hugsað mér að vera MEÐ
Jon Bon Jovi ; )
Hver er að þínu mati besta
plata sem gefin hefur verið
út? Final Cut með Pink Floyd...
reyndar flest allt með Pink Floyd
og eldra efni eftir Bowie.
( MATGÆÐINGAR VIKUNNAR ) berglindth@feykir.is
Guðrún og Bjarni kokka
Líbanskur kjúklingur
og Batatas Bi Houmus
AÐALRÉTTUR
Farrouge Mishwa
Grillaður hvít-
laukskjúklingur
1 kjúklingur skorinn í bita
1 msk. paprikuduft
Salt og nýmalaður pipar
4 msk. Tartaoor bi Sade
3 hvítlauksrif pressuð
3 msk. ólífuolía
2-4 msk. sítrónusafi
Aðferð: Nudda papriku, salti og
pipar á kjúklingabitana. Hræra
saman taratoor, olíu og 2 msk.
af sítrónusafa. Hella sósunni
yfir kjúklingabitana og geyma
í kæli yfir nótt. Grilla bitana
á vel heitu grilli og bera fram
heita með watercress salati og
sítrónubátum.
Taratoor bi Sade:
(Hvítlaukssósa/marinering)
45 hvítlauksrif
150 ml. ólívuolía
Safi úr einni sítrónu
Aðferð: Hvítlaukurinn settur
í matvinnsluvél og saxaður,
olíunni hellt samanvið og að
lokum sítrónusafanum. Má
nota sem sósu eða marineringu.
Geymist í 2 vikur í kæli, lengur
í frysti.
Batatas Bi Houmus:
Kartöflur með
kjúklingabaunum
120 ml. ólífuolía
1 stór laukur, saxaður smátt
350 ml. kartöflur
skornar í teninga
2 hvítlauksrif söxuð smátt
225 gr. soðnar kjúklingabaunir
5 tómatar afhýddir og
kjarnhreinsaðir skornir
í litla bita
Cayenne pipar
1/2 tsk. kóríander fræ
Salt og pipar
50 gr. fersk steinselja
Aðferð: Hita olíuna í potti.
Mýkja laukinn í olíunni þar til
hann tekur smá lit. Bæta við
kartöflunum og hvítlauknum
og hræra í 3-4 mín. Bæta þá
kjúklingabaununum, tómötun-
um, cayenne pipar eftir smekk
og kóríander fræjum. Sjóða
með lokið á í 20 mín. eða þar
til kartöflurnar eru tilbúnar.
Krydda með salti og pipar og
hræra saxaðri steinselju saman
við áður en borið er fram. Má
bera fram heitt eða kalt.
EFTIRRÉTTUR
Ferskir ávextir
með þeyttum rjóma
Ávextir
Rjómi
Vanillusykur
Aðferð: Fersk jarðaber, fersk
hindber, bláber, mangó og svo
aðrir ferskir ávextir eftir smekk.
Skorið niður, sett í skálar,
vanillusykur eftir smekk og
þeyttur rjómi. Hollt og gott.“
Verði ykkur að góðu!
Matgæðingar vikunnar
að þessu sinni eru
frá Sauðárkróki, þau
Guðrún Brynleifsdóttir
verkefnisstjóri ferða- og
menningarmála hjá
Sveitarfélaginu Skagafirði
og Bjarni Jónasson
verkefnisstjóri hjá BioPol. „Við skorum á Sigurlaugu
Rún Brynleifsdóttur kennara
við Grunnskólann á Hólum
og Guðmund Björnsson
fiskeldisfræðing og starfsmann
Hólaskóla að koma með næstu
uppskriftir.“
Verðlaunahafar
Jólagátur Feykis
Góð þátttaka var í jólagetraunum Feykis
sem birtust í 44. tölublaðinu en alls skiluðu
38 manns réttum lausnum í myndagátuna
og 44 í krossgátuna.
Dregnir voru út vinningshafar sem munu fá
senda heim til sín leikhúsmiða á Sæluvikuleikrit
Leikfélags Sauðárkróks, bækurnar Nokkur lauf
að Norðan 1 og 2 og Skagfirskar skemmtisögur.
Feykir þakkar öllum fyrir þátttökuna óskar
vinningshöfum til hamingju.
Rétt lausn á myndagátu var eftirfarandi:
Feykir fagnar 30 ára starfsafmæli sínu á þessu
ári, megi hann lengi lifa.
Vinningshafi:
Ingibergur Guðmundsson
Bogabraut 13
545 Skagaströnd
Rétt lausn á krossgátu var eftirfarandi:
Þrettándi var Kertasníkir þá var tíðin köld.
Vinningshafi:
Lovísa Símonardóttir
Barmahlíð 15
550 Sauðárkróki