Feykir - 19.01.2012, Blaðsíða 3

03/2012 Feykir 3
Fyrsta barn ársins 2012
Lítil prinsessa
Fyrsta barn ársins 2012 á
Norðurlandi vestra fæddist
2. janúar á fæðingardeild
F.S.A. dóttir Guðrúnar
Ólafsdóttur og Sigþórs
Smára Sigurðssonar á
Krithóli 1 í Skagafirði.
Litla prinsessan sem er
fyrsta barn foreldra sinna var
3380gr eða 13,5 merkur að
þyngd og 51cm að lengd við
fæðingu. Að sögn móðurinnar
heilsast öllum mjög vel og allt
gengið eins og best verður á
kosið og verður stúlkan að
öllum líkindum skírð í febrúar.
Guðrún vildi koma kærum
þökkum til ljósmæðranna á
HS og starfsfólks fæðingar-
deildar F.S.A. Feykir óskar
nýbökuðum foreldrum til
hamingju með litlu prins-
essuna. /PF
Nú blaktir Grænfáninn við
hún hjá Grunnskóla Húna-
þings vestra á Laugarbakka
og Hvammstanga, en hann
er umhverfismerki sem
nýtur virðingar víða í Evrópu
sem tákn um góða fræðslu
og umhverfisstefnu í
skólum.
Umhverfisnefnd skólans
hefur borið hita og þunga af
framkvæmd verkefnisins og
verður áfram í lykilhlutverki að
leiða skólann og samfélagið allt
í átt til aukinnar umhverfis-
vitundar.
Þann 6. janúar síðastliðinn
var stór dagur í sögu
Grunnskólans er fánar voru
afhentir bæði á Laugarbakka og
Hvammstanga. Orri Páll
Jóhannsson fulltrúi Land-
verndar flutti tölu á báðum
stöðum og einnig Rakel Ósk
Ólafsdóttir og Jón Freyr Gísla-
son nemendur í 10. bekk sem
bæði eru fulltrúar í umhverfis-
nefnd skólans.
Á heimasíðu Grunnskóla
Húnaþings vestra segir að
næstu skref verði að kalla
saman umhverfisnefndina
aftur og setja sér ný markmið
fyrir nýbyrjað ár, því ekki skal
láta deigan síga þar sem fáninn
blaktir við hún og hvetur til
frekari góðra verka.
Nú hafa allar skólastofnanir í
Húnaþingi vestra fengið viður-
kenningu Landverndar og
Flagga nú Grænfánanum en
leikskólinn Ásgarður fékk af-
hentan grænfánann á sumar-
hátíð leikskólans þann 23. júní
2011 og Grunnskólinn á Borð-
eyri fékk afhendan grænfánann
á vormánuðum 2011. /PF
Við afhendingu Grænfánans á Hvammstanga. Mynd: Norðanátt.is
Guðrún og Sigþór ásamt litlu prinsessunni.
Grunnskóli Húnaþings vestra
Stór dagur í
sögu skólans
Mennta- og menningarmálaráðuneytið auglýsir eftir umsóknum um styrki til
fyrirtækja eða stofnana sem taka nemendur í vinnustaðanám. Markmið styrkjanna
er að hvetja fyrirtæki eða stofnanir til þess að taka við nemendum sem stunda
vinnustaðanám sem hluta af námi á framhaldsskólastigi og gera þeim kleift að ljúka
tilskildu vinnustaðanámi samkvæmt aðalnámskrá framhaldsskóla.
Umsækjendur skulu uppfylla almenn skilyrði gildandi reglugerðar um námssamninga
og starfsþjálfun um hæfi til þess að annast nemendur í starfsnámi. Þeir skulu
hafa á að skipa hæfum tilsjónaraðila með náminu og leggja fram áætlun um
vinnustaðanámið og fyrirsjáanlega framvindu þess.
Styrkir geta numið allt að 20 þús. kr. á viku og eru veittir til 24 vikna að hámarki.
Styrkur er greiddur eftir því sem námi vindur fram.
Umsóknum er skilað á sérstöku eyðublaði sem er að finna á vef ráðuneytisins.
Umsókn skal fylgja yfirlit um framvindu vinnustaðanáms eða starfsþjálfunar.
Nánari upplýsingar veitir Ólafur Grétar Kristjánsson í síma 545 9500 eða í tölvupósti
á olafur.g.kristjansson@mrn.is
Umsóknarfrestur er til 1. febrúar 2012.
Styrkir til vinnustaðanáms eða starfsþjálfunar vorið 2012
MeNNta- oG MeNNiNGarMálaráðUNeytið
Takk fyrir Heimismenn
Það er venja á mínu heimili
að þakka fyrir það sem vel er
gert. Því miður er það nú
svo hjá okkur flestum að við
hrósum ekki nægilega mikið,
hvort öðru og þeim sem eru
að vinna að góðum
málefnum.
Íþróttir eiga hug minn allan
og hafa átt um árabil.
Hinsvegar er það tónlistin
sem á hug konu minnar enda
kemur hún frá mikilli
tónlistarfjölskyldu. Þessi
blanda hefur þó gengið
ágætlega upp enda bæði
áhugamálin göfug.
Fyrir nokkru síðan stakk
konan mín því að mér hvort
við ættum ekki að fara á
Vínartónleika með karla-
kórnum Heimi. Ég var fljótur
að svara því játandi sem e.t.v.
kom henni pínu í opna
skjöldu og þó. Mér finnst
gaman af tónlist og auðvitað
fylgist ég vel með dóttur
minni sem syngur í
Draumaröddum norðursins
og spilar tónlist daginn út og
inn, alveg eins og ég fylgist
með sonum mínum spila
fótbolta.
Tónleikarnir sl. laugardag
voru frábærir í alla staði enda
fullt út úr dyrum. Að fara í
svona verkefni er örugglega
ekki einfalt en mikil vinna
skilaði sér frá-bærlega. Ég
veit að stjórnadi kórsins á
stóran hluta að máli en þegar
allt er gert upp er það
„liðsheildin“ sem skiptir
máli. Það þekkjum við úr
boltanum. Svo voru þessir
kallar allir klæddir í Tinda-
stólslitinn.
Að loknum frábærum
tónleikum var síðan dans-
leikur þar sem valsinn hafði
yfirhöndina. Hljómsveitin
var einstaklega fagmannleg
enda atvinnumenn þar á ferð.
Mér finnst bara að fyrir
svona eigi að þakka, því að
hafa svona nokkuð við
hendina er ekki sjálfgefið.
Gunnar Sandholt, Heim-
isfélagi, ræddi við mig á
skemmtuninni og var frekar
ánægður að sjá „íþrótta-
manninn“ mig. Við enduð-
um samtal okkar á þann veg
að úr því að ég mætti í
Miðgarð þá myndi hann
mæta á fyrsta heimaleik
Tindastóls í fótboltanum í
vor.
Takk fyrir Heimismenn.
Ómar Bragi Stefánsson
AÐSENT ÓMAR BRAGI STEFÁNSSON skrifar
Byggðasafn Skagfirðinga
Rúmlega 31 þúsund gestir
Mörg verkefni rötuðu á fjörur Byggðasafns
Skagfirðinga en frá áramótum 2010-2011
hefur safnið starfað samkvæmt nýju
skipulagi sem skiptir starfseminni í Rekstur
annars vegar og Rannsóknir, varðveislu og
miðlun hins vegar.
Á heimasíðu Byggðasafnsins kemur m.a.
fram að gefnar voru út 15 rannsóknarskýrslur á
árinu sem allar tengdust fornleifarannsóknum
og þá voru þrjú smárit gefin út. Safngestir á
árinu 2011 voru alls 31.300 í Minjahúsinu á
Sauðárkróki og í Glaumbæ og gestir á sýningar
sem safnið hefur lánað muni til, á Vestur-
farasetrinu á Hofsósi og Sögusetri íslenska
hestsins á Hólum, voru u.þ.b. 8000. Fjórtán
manns voru í 6,5 stöðugildum við safnið á
árinu 2011 en fjórir eru í heilsársstöðum. /PF