Feykir - 26.01.2012, Blaðsíða 3
04/2012 Feykir 3
Skagafjörður
Snjóflóð í Gilsbungu
Þann 6. janúar sl. féll
snjóflóð í fjallinu Gilsbungu
rétt fyrir sunnan og ofan
Sauðárkrók. Flóðið olli
engum usla en greinilega
sást í hlíðum fjallsins
ummerki eftir það. Feykir
grennslaðist fyrir hjá
Vernharð Guðnasyni hjá
Almannvörnum Skaga-
fjarðar hvernig brugðist var
við þar sem ekki er
algengt að snjóflóð falli í
héraðinu.
Vernharð segist hafa sett
sig í samband við snjóflóða-
sérfræðing Veðurstofunnar
og óskað eftir mati á hvort um
frekari snjóflóðahættu væri að
ræða í Skagafirði en ekki var
talin hætta á ferð umfram það
sem við búum við daglega ef
snjóar í fjöll.
-Þennan dag var hitastig
yfir frostmarki á láglendi og
hafði nokkuð snjóað svo ég fór
í vettvangsferð til að skoða
bröttustu hlíðarnar hér í kring.
Það reyndist vera töluvert um
smáspýjur hér og þar sem er
gott að því leitinu að sá snjór
er þá kominn niður en safnast
ekki fyrir. Það var mat mitt og
snjóflóðasérfræðings að ekki
væri þörf á neinum sérstökum
aðgerðum vegna þessa, öðr-
um en að fylgjast áfram með
þróun mála, segir Vernharð.
Síðast féll snjóflóð 2004
sem almannavarnir skoðuðu.
Þar var farið á staðinn eftir að
veðri slotaði og kom þá í ljós
að sumarbústað hafði tekið af.
Einnig varð tjón á fjárrétt. Það
flóð féll vestan Þrasastaða í
Fljótum. /PF
Frá 100 ára afmæli Kvenfélags Sauðárkróks.
Mynd: Rúna Birna Finnsdóttir
SAMTÖK SVEITARFÉLAGA Á NORÐURLANDI VESTRA
ATVINNUÞRÓUN
VAXTARSAMNINGUR
NORÐURLANDS VESTRA
óskar eftir umsóknum um styrki. Umsóknarfrestur
er til kl. 17:00, föstudaginn 17. febrúar 2012.
Sækja skal um með rafrænum hætti á eyðublöðum sem fást á vefsíðunni:
http://www.ssnv.is
Á vefsíðunni liggja frammi úthlutunarreglur og nánari upplýsingar.
Einnig er velkomið að hafa samband með vefpósti á netfangið:
kata@ssnv.is eða hringja í Katrínu Maríu í síma 455 6119.
Áherslur Vaxtarsamnings Norðurlands vestra 2011 – 2013 lúta einkum að uppbyggingu
samstarfs og framgangi rannsókna og vöruþróunar á eftirfarandi sviðum:
• Ferðaþjónustu og menningartengdum verkefnum.
• Auðlindalíftækni og uppbyggingu þekkingarsetra.
• Matvælum
• Sameiginlegum verkefnum sem unnin eru með öðrum vaxtarsamningum í landinu og/eða verkef-
num innan þeirra.
Að auki er horft sérstaklega til verkefna sem:
• Vel eru til þess fallin að stuðla að fjölbreyttari atvinnutækifærum fyrir konur og ungt fólk á svæðinu.
• Stuðla að nýtingu auðlinda svæðisins til atvinnusköpunar á Norðurlandi vestra.
• Stuðla að virðisaukningu á sviði matvælaframleiðslu.
Verkefnin sem styrkt verða þurfa að fela í sér eflingu starfsemi viðkomandi aðila og vera til þess fallin
að fjölga störfum á Norðurlandi vestra og/eða auka þekkingu innan svæðisins.
Verkefnin skulu unnin í samstarfi þriggja eða fleiri aðila. Skilgreina skal hlutverk og framlag hvers
samstarfsaðila.
Markmið, framtíðarsýn, framvinda og árangursmat verkefnanna skal vera vel skilgreint.
Reikningshald vegna verkefnisins þarf að vera aðskilið öðrum rekstri umsækjenda.
Styrkupphæð getur að hámarki numið kr. 6.000.000.
Stuðningur við verkefnið getur verið allt að 50% af áætluðum heildarkostnaði þess.
Gerður er sérstakur verksamningur um framkvæmd verkefna sem hljóta stuðning, þar er nánar
kveðið á um framvindu, greiðslur og tímasetningar.
Ekki er heimilt að veita styrki til fjárfestinga í fyrirtækjum eða til reksturs fyrirtækja eða opinberra
stofnana, auk þess sem stofnkostnaður er ekki styrkhæfur.
Umsækjendur eru hvattir til að kynna sér vel úthlutunarreglur og önnur gögn varðandi samninginn.
www.skagafjordur.is
Fasteignagjöld 2012
Álagningu fasteignagjalda
í Sveitarfélaginu Skagafirði árið 2012 er lokið.
Allir greiðendur fasteignagjalda til sveitarfélagsins, einstaklingar og lögaðilar, geta
nú nálgast álagningarseðla í Íbúagátt á heimasíðu sveitarfélagsins (hnappur á vinstri
spássíðu Álagning). Einnig er hægt að sækja álagningarseðla á vefsíðu island.is undir
flipanum Mínar síður.
Í ár eru álagningarseðlar sendir í pappírsformi til þeirra greiðenda sem ekki eiga lögheimili í
sveitarfélaginu og svo til þeirra sem eru eldri en 65 ára og eru með lögheimili í sveitarfélaginu.
Greiðsluseðlar vegna fasteignagjaldanna birtast í heimabönkum og hafa verið sendir þeim sem óskað
hafa eftir að fá þá heimsenda.
Við álagningu nú í janúar er reiknaður afsláttur á fasteignaskatt vegna elli- og örorkulífeyrisþega til
bráðabirgða og miðað er við tekjur ársins 2010. Þegar álagning 2012 vegna tekna ársins 2011 liggur
fyrir næsta haust verður afslátturinn endanlega reiknaður og getur það leitt til inneignar eða skuldar eftir
því sem við á. Allar breytingar verða þá kynntar bréflega hverjum og einum. Ekki er þörf á að sækja
sérstaklega um þennan afslátt.
Nánari upplýsingar um álagninguna og innheimtu eru veittar á heimasíðu sveitarfélagsins, í síma 455
6000 eða í netfangi innheimta@skagafjordur.is
Sveitarstjóri
Dagur kvenfélagskonunnar
Tilsögn í fata-
viðgerðum
Dagur kvenfélagskonunnar
er þann 1. febrúar. Af því
tilefni ætlar Kvenfélag
Sauðárkróks að hafa opið
hús í Borgartúni 2 (Skáta-
heimilinu) frá kl. 17:00 til
21:00 þennan dag.
Hugmyndin er að þangað
geti komið konur og karlar og
fengið tilsögn í að setja í
rennilása, stytta pils og buxur,
fatabreytingar, prjóna sokka-
hæla og annað í þeim dúr.
Hjálpar þá hver öðrum eftir
kunnáttu og getu. Einnig getur
fólk komið með sitt handverk
til að vinna, sýna sig og sjá
aðra. Saumavélar og það sem
til þarf verður á staðnum.
Allir velkomnir, utan kven-
félaga sem innan. Heitt verður
á könnunni og hægt að fá kaffi
og vöfflur gegn vægu gjaldi. /PF