Feykir - 26.01.2012, Blaðsíða 5

04/2012 Feykir 5
( TÓN-LYSTIN ) oli@feykir.is
Hrafnhildur Ýr Víglundsdóttir
/ raddbandahljóðfæraleikari
Páll Óskar fær mig til
að rífa í handbremsuna,
stökkva út og dansa
í bílljósunum
Hrafnhildur sem er árgerð 1978 býr nú á Sámsstöðum í Fljótshlíð
en ólst upp í Dæli í Víðidal eða upp á engilsaxnesku Pumping
in Wide Valley. Hún segist hafa náð ótrúlegri frægð í Húnaþingi
vestra en líklega er hún hvað þekktust fyrir að vinna Söngkeppni
framhaldsskólanna, fyrir
heldur mörgum árum
eins og hún segir sjálf
eða árið 1995. Þegar
Hrafnhildur er spurð
að því hvert sé hennar
aðalhljóðfæri svarar
hún því til að það séu
raddböndin.
Uppáhalds tónlistar-
tímabil? Blómatími
hipparokksins með Led
Zeppelin fremsta í flokki.
Hvaða tónlist fær þig til
að sperra eyrun þessa
dagana? Páll Óskar, Jón
Jónsson og Svavar Knútur
svo einhverjir séu nefndir.
Hvers konar tónlist var
hlustað á á þínu heimili?
Man eftir mér 4 ára syngjandi hástöfum með Another One Bites The
Dust, Prins Póló og Vegir liggja til allra átta.
Hver var fyrsta platan/disk-urinn/kasettan/niðurhalið sem þú
keyptir þér? Fyrsta kasettan sem ég keypti mér var Guns and Roses –
Appetite for Destruction. Fyrsti diskurinn var með Jet Black Joe. Fyrsta
niðurhalið sem ég keypti mér var Kiss in the Morning með Jóni Jónssyni
(svolítill late bloomer í netmúsíkinni).
Hvaða græjur varstu
þá með? Forlátu ferm-
ingargræjurnar mínar sem
voru ÆÐISGENGNAR með
plötuspilara, geislaspilara
og tvöföldu kasettutæki.
Hvað syngur þú helst í
sturtunni? It’s Raining
Men?
Wham! eða Duran? Úff!!
Ég náði nú aldrei að taka
almennilega afstöðu með
þessari deilu. Ég átti
Wham galla og var með
Duran Duran plaköt hangandi uppi í herberginu mínu. Ætlaði líka að
giftast John Taylor, annars bara Andy ef það gengi ekki…
Þú heldur dúndurpartí í kvöld, hvað læturðu hljóma í græjunum til
að koma öllum í stuð? Páll Óskar fær mig til að rífa í handbremsuna á
bílnum, stökkva út og dansa í bílljósunum…hann hlýtur að geta reddað
partýinu líka.
Þú vaknar í rólegheitum á sunnudagsmorgni, hvað viltu helst
heyra? Aretha Franklin, Jón Jónsson eða Svavar Knút.
Þú átt þess kost að fara hvert sem er í heiminum og skella þér á
tónleika. Hvert færirðu, hvaða tónleika og hvern tækirðu með þér?
Ef ég mætti nota tímavélina mundi ég spóla til baka og skella mér á
Led Zeppelin tónleika í Laugardalshöllinni með Eyva bróður. Í rauntíma
væri það Goggi Mækúls í London með Elfu Hrönn Friðriksdóttur, við
þyrftum að sjálfsögðu
báðar að vera með
handklæði á hausnum.
Hvaða tónlistarmann
hefur þig dreymt um
að vera? Dettur enginn
í hug.
Hver er að þínu mati
besta plata sem gefin
hefur verið út? Led
Zeppelin II, þó svo að
Stairway to Heaven sé
ekki á henni!
ÍÞRÓTTAFRÉTTIR FEYKIS > www.feykir.is/ithrottir
Stólarnir slógu Njarðvíkinga út úr Powerade bikarnum
Frábærar loka-
mínútur í Síkinu
POWERADE BIKARINN
TINDASTÓLL 94
NJARÐVÍK 83
Liði Tindastóls virðist vera
fyrirmunað að vinna örugga
sigra en fyrir vikið má segja
sem svo að stuðningsmenn
Stólanna hafa fengið fullt
fyrir peninginn í síðustu
leikjum. Leikurinn sl.
sunnudagskvöld var engin
undantekning þó lokatölur,
94-83, gefi kannski annað til
kynna.
Leikurinn byrjaði fjörlega
og Rikki var kominn með tvær
3ja stiga körfur eftir 90
sekúndur. Stólarnir náðu góðu
forskoti, 14-5, en eins og svo oft
áður þá gekk heimamönnum
illa að halda forystunni, Njarð-
víkingar sýndu áræðni og
jöfnuðu 17-17 og jafnt var að
loknum fyrsta leikhluta, 22-22.
Talsvert var um mistök hjá
báðum liðum, menn voru
svolítið að skrefa, en það voru
Stólarnir sem voru með
undirtökin og voru yfir 37-30
þegar tæpar 2 mínútur voru til
leikhlés. Njarðvíkingar spýttu
þá í lófana og gerðu síðustu 9
stig annars leikhluta og voru
því komnir yfir, 37-39.
Baginski var ólseigur hjá
Njarðvíkingum og skoraði
grimmt í leiknum, hann gerði
fyrstu fjögur stig þriðja
leikhluta og kom gestunum í
37-43. Stólarnir rembdust hvað
þeir gátu en gekk illa að stöðva
sóknarleik Njarðvíkinga en
munurinn þó yfirleitt þetta 2-6
stig. Staðan 59-61 að loknum
þriðja leikhluta.
Stólarnir náðu fljótlega
forystu í fjórða leikhluta en
þegar þrjár og hálf mínúta var
eftir jöfnuðu gestirnir 73-73.
Þá kom Allen Stólunum yfir
með tveimur vítum og í kjöl-
farið fylgdu tveir gullfallegir
þristar úr horninu frá Rikka
eftir góða varnartilburði og
hraðaupphlaup Stólanna.
Staðan 81-73. Njarðvíkingar
náðu að minnka muninn í 84-
80 en Luttman tróð með
tilþrifum og Allen gerði aðra
3ja stiga körfu sína á skömm-
um tíma mínútu fyrir leikslok
og staðan 89-80 og sigurinn
öruggur. Rikki gerði síðan
fimmtu 3ja stiga körfu sína í
leiknum, í fimm tilraunum,
skömmu fyrir leikslok. Loka-
tölur 94-83.
Leikurinn var ágæt
skemmtun en kannski óþarf-
lega tvísýnn lengstum. Rétt
eins og í síðustu leikjum
skiptist stigaskorið vel milli
leikmanna Tindastóls. Með
sigrinum komst Tindastóll í
undanúrslit í Powerade-
bikarnum og verður spenn-
andi að fylgjast með hvaða
mótherja liðið fær.
Tindastóll: Allen 19, Miller 19, Rikki 15,
Luttman 12, Helgi Rafn 12, Þröstur Leó 8,
Helgi Freyr 4, Hreinsi 3 og Svabbi 2.
/ÓAB
Björn Margeirsson
UMSS sigraði í
800m hlaupi á
Reykjavíkurleik-
unum. Hann hljóp á
mjög góðum tíma
1:53,72 mín.
Jóhann Björn
Sigurbjörnsson bætti
sig verulega í 60m
hlaupi, hljóp á 7,25
sek en átti best 7,45
sek áður og endaði í
8. sæti.
Frá UMSS kepptu
þau Björn Margeirsson,
Fríða Ísabel Friðriks-
dóttir, Guðrún Ósk
Gestsdóttir, Jóhann
Björn Sigurbjörnsson
og Þorgerður Bettína
Friðriksdóttir. Systurn-
ar úr Vestur Húna-
vatnssýslu, Guðrún
Gróa og Helga Margrét
Þorsteinsdætur, kepptu
einnig en sú fyrr-
nefnda keppir fyrir FH
en hin fyrir Ármann.
Fríða Ísabel Frið-
riksdóttir náði 6.
sætinu í 800 metra
hlaupi og varð 4. í
hástökki, stökk 1,55m
en þar sigraði Helga
Margrét með stökk upp
á 1,73m. Helga varð 2. Í
800m hlaupi með tím-
ann 2:12,85 og Guð-
rún Gróa systir hennar
varð 4. í kúluvarpi,
kastaði kúlunni
12,48m. /PF
Frjálsar íþróttir
Björn Margeirs
sigurvegari
Rikka vel fagnað eftir fimmtu 3ja stiga körfuna í fimm tilraunum.
Knattspyrnumenn eru farnir að dýfa
fótum í gervigras en Tindastóll lék
við BÍ/Bolungarvík í Kórnum í
Kópavogi nú um helgina og fór með
sigur af hólmi, 3-1.
Á undirbúningstímabilinu nýta
þjálfarar leiki til að prófa ýmsa leikmenn
og í þessum leik var það m.a. fyrrum
leikmaður Tindastóls, Fannar Freyr
Gíslason, sem spilaði með liðinu.
Mörk Tindastóls voru öll afar glæsileg
en Eddi skoraði með skalla eftir
hornspyrnu, Atli skoraði beint úr
aukaspyrnu og Hilmar Þór Kárason
skoraði eftir hjólhestaspyrnu. Hilmar
kættist gríðarlega við þetta mark enda
fallegt með eindæmum.
Stólarnir taka þátt í Lengjubikarnum
en þar hefst keppni um miðjan febrúar.
Strákarnir eru í A-deild, riðli 2, en þar
taka þátt 8 lið og má þar m.a. nefna ÍBV,
Keflavík, Stjörnuna og ÍA. /ÓAB
Knattspyrna
Stólarnir lögðu
BÍ/Bolungarvík