Feykir - 26.01.2012, Blaðsíða 8

8 Feykir 04/2012
( MATGÆÐINGAR VIKUNNAR ) berglindth@feykir.is
Silla og Gummi í Dalsmynni kokka
Einfaldir og fljótlegir réttir
FORRÉTTUR
Rækjur með
chilikókossósu
2-3 msk hveiti
Salt, pipar og sterkt piparduft,
t.d. chiliduft eða cayenne-pipar
Smjör til steikingar
Blandið hveiti og kryddi saman.
Veltið rækjunum upp úr hveitinu.
Bræðið smjörið á pönnu og
snöggsteikið rækjurnar á miklum
hita.
Sósa:
½ - 1 dl sæt chilisósa
1 dós kókosmjólk
Hellið chilisósu og kókosmjólk í
pott og hitið að suðu.
Hægt er að bera réttinn fram
með hrísgrjónum, byggi, salati
eða góðu brauði, allt eftir smekk
hvers og eins.
AÐALRÉTTUR
Marokkóskur
kjúklingur
1 kjúklingur eða 1–1,5 kg
kjúklingabitar
1 lítill laukur
1–2 hvítlauksgeirar
½ knippi steinselja
½ knippi kóríanderlauf
2 tsk paprikuduft
1 tsk kummin
klípa af caeynne-pipar eða ögn
af harissa (sterk chilisósa)
1 tsk salt
1 sítróna
Skerið kjúklinginn í 8 bita
(ef hann er heill). Setjið lauk,
hvítlauk og kryddjurtir í
matvinnsluvél og látið ganga þar
til allt er orðið að mauki. Hrærið
paprikudufti, kummini, cayenne-
pipar og salti saman við. Raðið
Sigurlaug Rún
Brynleifsdóttir kennari við
Grunnskólann á Hólum
og Guðmundur Björnsson
fiskeldisfræðingur og
starfsmaður Hólaskóla
bjóða upp á uppskriftir af
einföldum og fljótlegum
réttum sem henta hvort
heldur sem er á veisluborðið
eða hversdags.
Við skorum á sveitunga
okkar, þau Hlín Mainka
Jóhannesdóttir og Svein
Ragnarsson á Lynghóli í
Viðvíkursveit að koma með
næstu uppskrift.
kjúklingabitunum í eldfast fat
og dreifið kryddjurtamaukinu
jafnt yfir. Látið standi í um
1 klst. Hitið ofninn í 200°C.
Skerið sítrónuna í báta og raðið
þeim á milli kjúklingabitanna.
Setjið fatið í ofninn og steikið
kjúklinginn í um það bil 45
mínútur eða þar til hann er
gegnsteiktur. Ausið safanum í
fatinu yfir bitana öðru hverju.
Látið kjúklinginn standa í
nokkrar mínútur eftir að hann
er tekinn úr ofninum og berið
hann síðan fram með góðu
salati og kúskús. Safinn úr fatinu
er notaður sem sósa.
EFTIRRÉTTUR
Bragðgóður og
einfaldur vanilluís
2 egg
100–125 g sykur
2 tsk vanillusykur
½ líter rjómi
Þeytið egg, sykur og vanillu-
sykur saman þar til blandan er
létt og ljós. Stífþeytið rjómann
og blandið honum varlega
saman við eggjahræruna.
Setjið í ílát og frystið. Þennan
ís má bragðbæta með því sem
hugurinn girnist hverju sinni.
Verði ykkur að góðu!
( ÁSKORENDAPENNINN ) berglindth@feykir.is
Það hljómar eitthvað
svo undarlega að vera
komin í hóp þeirra
sem kallaðir eru
„Brottfluttir“.
Í mínum huga á
ég enn heima á
Sauðárkróki þó liðin
séu hátt í 15 ár síðan
ég fór suður í frekara
nám. Finnst mér oft
eins og ég sé bara
ennþá að skreppa
suður til að læra
aðeins meira.
Ég fór því að velta
fyrir mér hvað það var
sem maður skildi eftir
sig á æskuslóðunum.
Eru einhver ummerki,
eitthvað sem hægt
væri að segja frá og
jafnvel sýna börnunum
sínum þegar komið er
heim á Sauðárkrók?
Það er eitthvað skrifað
í bækur, nokkur afrek
í íþróttaheiminum
eru skráð og kannski
glittir í kallinn á
einhverjum myndum
á skjalasafninu,
skólunum eða á
veraldarvefnum.
Það má þó reyndar
aldrei gleymast að
þó ummerkin séu
ekki til staðar að þá
er stórmerkilegt að
vera utan af landi
og hvað þá að vera
Skagfirðingur. Í mínu
tilfelli get ég bætt því
við að ég er einnig
hálfur Húnvetningur,
ættaður úr Miðfirði og
því ekkert skrítið að
söngur vefjist lítið fyrir
minni fjölskyldu.
Þegar ég kem í
heimahagana í dag, er
svo komið að maður
kannast ekki við
nokkurn mann yngri
en 25 ára og ekki hafa
þau hugmynd um að
kallinn sé uppalinn á
þessum stað. Hvað
þá að ég sé meðlimur
í Ungmennafélaginu
Brennzi (www.
brennzi.com) sem er
félagsskapur góðra
pilta úr Skagafirðinum
sem hylla hið ágæta
íslenska Brennivín.
Það vill þó svo vel til
að ég á eitt spil uppi
í erminni. Þegar ég
vann mitt eina sumar
í unglingavinnunni var
ég settur í það verkefni
ásamt nokkrum öðrum
að gróðursetja tré fyrir
ofan hið svokallað
vatnshús efst í
Litla-skógi. Mikið af
gróðursetningunni fór
þó þannig fram að góð
hola var gerð í börð
og svo var sturtað úr
bakkanum í holuna,
sorglegt að hugsa
um í dag en engu að
síður sannleikur. En ég
fékk þá stórkostlega
hugmynd sem ég
sá mig knúinn til að
framkvæma. Ég vissi að
það ætti einnig eftir að
gróðursetja í Nafirnar
og þegar vinnan hófst
á því svæði kom ég
mér vel fyrir á góðum
stað, nánar tiltekið fyrir
ofan Héraðsskjalasafn
Skagfirðinga. Hóf ég
svo framkvæmdina
sem var að gróðursetja
trén þannig að þau
mynduðu hina frægu
skammstöfun „S.O.S“,
sem var alveg frábær
hugmynd að mínu
mati. Ef vel er að gáð
í dag má sjá votta fyrir
þessum stöfum og
verða þeir sýnilegri með
hverju árinu sem líður.
En eftir á að hyggja
hefði ég kannski
frekar átt að mynda
upphafsstafina mína
„RMM“ því þessi
skammstöfun hefur í
raun enga tengingu
við mig sérstaklega
og gefur ekki til kynna
að þetta séu ummerki
eftir mig.
- - - - -
Ragnar Már skorar
á Guðmund R.
Benediktsson að
koma með pistil í Feyki,
að þremur viknum
liðnum.
Ragnar Már Magnússon er brottfluttur Skagfirðingur
Ummerki á æskuslóðum
Börn og unglingar í Sveitar-
félaginu Skagafirði hafa notið
forvarnafræðslu frá Marita á
Íslandi síðan árið 2004 í
samstarfi Frístundasviðs og
grunnskólanna.
Markmið fræðslunnar er að
ræða um fíkniefni við foreldra og
börn og þá erfiðleika sem neyslan
getur valdið, vekja upp spurn-
ingar og reyna að leita svara við
þeim. Magnús Stefánsson
fræðslufulltrúi er væntanlegur á
Krókinn mánudaginn 30. jan-
úar þar sem hann mun ræða við
nemendur og foreldra en
fundurinn fyrir þá verður
haldinn í Húsi frítímans, kl.
18:00.
Markmiðið með Marita-
fræðslunni er að mæta aukinni
þörf fyrir fræðslu fyrir þennan
aldurshóp um hvaðeina sem
getur truflað unglingana í leið að
meiri þroska, að ræða við
nemendur og gera þeim grein
fyrir að sífellt yngri unglingar
ánetjast fíkniefnum. Gera þeim
einnig grein fyrir því að hver og
einn ber ábyrgð á sínu lífi og
mikilvægi þess að sýna sjálfstæði
og segja nei. Foreldrar eru hvattir
til að fjölmenna en samkvæmt
tilkynningu frá skólanum er
æskilegt að a.m.k. einn fulltrúi
komi frá hverju heimili. /PF
Sauðárkrókur
Marita
fræðsla fyrir
foreldra