Feykir - 02.02.2012, Blaðsíða 2
2 Feykir 05/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Kvenfélagskonan
Fyrsta mánudag í
þorramánuði mættu
nemendur og starfsfólk
Varmahlíðarskóla í
„gömlum fötum“ í bland við
tískustrauma nútímans og
settu þannig svip á daginn í
tilefni þorrakomu.
Blásið var til samveru á sal
þar sem nemendur í 2. – 5.
bekk komu fram og lásu
fróðleik um þorrann, og eldri
nemendur léku á dragspil,
flautu, klarínett og píanó.
Þá var þorri blótaður í
matsalnum með miklum og
sterkum söng og þjóðlegum
mat og segir á heimasíðu
skólans að samveran hafi
verið gríðarlega skemmtileg
og gaman að sjá áhuga allra
viðstaddra á þessum þætti í
íslenskri hefð. /PF
Skagafjörður
Þjóðleg
tíska í
Varmahlíð-
arskóla
Dagur kvenfélagskonunnar var haldinn hátíðlegur um allt
land í gær, 1. febrúar en dagurinn, sem er stofndagur
Kvenfélagasambands Íslands, var formlega gerður að degi
kvenfélagskonunnar á 80 ára afmæli þess árið 2010 . Segir á
vef KÍ kvenfelag.is að það hafi verið gert til að vekja athygli á
miklu og óeigingjörnu starfi kvenfélagskvenna um árabil og
löngu tímabært að kvenfélagskonur fengju sinn eigin dag á
dagatalinu. Þar er ég innilega sammála. Mörg framfaramál á
Íslandi bæði til sjávar og sveita má rekja til starfa þeirra
kvenna sem hafa tekið höndum saman um að bæta
samfélagið á allan mögulegan hátt í gegnum tíðina og gera
enn. Konur Íslands! Ég tek mér það bessaleyfi fyrir hönd alls
karlpenings þjóðarinnar að óska ykkur innilega til hamingju
með daginn og megi hann verða ykkur minnisvarði um góð
störf.
Páll Friðriksson
ritstjóri
Sauðárkrókur
Bjartsýni varðandi
áætlunarflug
Ögmundur Jónasson
innanríkisráðherra
heimsótti Skagafjörðinn sl.
laugardag og sat fund með
heimamönnum, þar sem
ræddir voru möguleikar
þess að koma áætlunarflugi
aftur í gang til Sauðárkróks.
Að sögn Stefáns Vagns
Stefánssonar formanns byggð-
arráðs var fundurinn góður og
menn einhuga um að leysa
verkefnið.
Unnið hefur verið hörðum
höndum að því að koma
fluginu aftur á til Sauðárkróks
og hafa fundir verði haldnir í
vikunni um málið og segir
Stefán að vonandi verði hægt
að greina frá niðurstöðu um
málið í næstu viku. Samkvæmt
heimildum Feykis ríkir mikil
bjartsýni meðal sveitarstjórnar-
manna á að áætlunarflug verði
komið á aftur til staðarins en
rætt hefur verið við fleiri en eitt
flugfélag til að annast verkefn-
ið. /PF
Síðastliðinn þriðjudag voru
undirritaðir aksturssamn-
ingar á milli Samtaka
sveitarfélaga á Vesturlandi,
Norðurlandi Vestra, Eyþings
og Fjórðungssambandi
Vestfirðinga og Bíla og
fólks ehf. / Sterna um
áframhaldandi akstur á
ýmsum sérleiðum, þ.m.t.
leiðirnar Reykjavík –
Sauðárkrókur – Siglufjörður
og á milli Reykjavíkur og
Akureyrar.
Samningurinn gildir fram
á haust en þá verður hann
endurskoðaður. Samningur-
inn er gerður á grundvelli
framlengingarákvæðis akst-
urssamnings fyrirtækisins við
Vegagerðina frá 2008 og er
ferðatíðnin sú sama og var á
seinasta ári. /PF
Fólksflutningar
Sterna
áfram
Skagafjörður
Afurðaháar kýr
Ársuppgjör skýrsluhalds
nautgriparæktarinnar hjá BÍ
fyrir 2011 var birt í vikunni
og þar kemur m.a. fram að
fjórar skagfirskar kýr eru
meðal níu afurðahæstu kúa
landsins.
Einnig kemur fram að í
árslok 2011 voru 598 bú skráð í
skýrsluhaldið, sem er fækkun
um 9 frá árslokum 2010. Fjöldi
árskúa var 23.417 sem er
fækkun um 31 árskú frá árinu
áður.
Á vef Landssambands
kúabænda segir að meðalnyt
árskúa á búi Ólafs og Sigur-
laugar í Hraunkoti í Landbroti
hafi verið 8.340 kg sem er
glæsilegt Íslandsmet. Fyrra met
var sett á búi Daníels Magnús-
sonar í Akbraut í Holtum árið
2008, 8.159 kg mjólkur að
jafnaði á árskúna. Nythæsta
kýrin var Týra 120 í Hraunkoti
en hún mjólkaði 12.144 kg á
árinu 2011.
Í öðru sæti var Raketta frá
Hóli í Sæmundarhlíð með
11.999 kg og Auðhumla frá
Vöglum í þriðja með 11.848 kg.
Hófý frá Keldudal var í sjöunda
sæti yfir nythæstu kýrnar með
11.583 kg og Blanda frá
Keldudal í því níunda með
11.440 kg. /PF
Austur Húnavatnssýsla
Slökkviliðsstjór-
inn segir upp
Óvissuástand er komið upp
hjá Brunavörnum Austur
Húnavatnssýslu eftir að
Hilmar Frímannsson
slökkviliðsstjóri sagði upp
störfum í síðustu viku.
Hilmar segist ósáttur við
niðurskurð fjárveitinga til
málaflokksins og geti ekki
sætt sig við að
öryggisstigið sé tekið niður
á þennan hátt.
-Það hefur verið ljóst alveg
frá því að þessi hugmynd kom
fram, með skerðingu á bak-
vöktum, að ég væri ekki sáttur
við þær sagði Hilmar en þessi
aðgerð kom fram í fjárhag-
sáætlanagerð Blönduósbæjar
rétt fyrir áramót. -Þetta er eitt
af því sem ég get ekki sætt mig
við að öryggisstigið sé tekið
svona niður. Hilmar segir að
ekki hafi verið rætt við hann
af hálfu sveitarfélagsins eftir
að hann lagði inn umsóknina.
-Ekki orð.
Að sögn Hilmars hefur
fyrirkomulagið sl. 2 ár verið á
þann veg að þrír menn voru á
bakvakt eftir vinnutíma
slökkviliðsstjóra á virkum
dögum og um helgar. -Nú
verður fækkað niður í einn
mann um helgar þannig að
enginn er skyldugur til að vera
tiltækur á vikum kvöldum og
gæti komi til þess að enginn
væri við á þeim tíma, og
aðeins einn um helgar. –Það
finnst mér vera frekar lágt
öryggisstig, segir Hilmar. /PF
Endurhæfing Heilbrigðisstofnunarinnar Sauðárkróki
Velferðarráðherra
með aukið fjármagn
Vegna niðurskurðar
fjárveitinga til Heilbrigðis-
stofnunarinnar Sauðárkróki
(HS) var meðal annars
áformað að loka sundlaug
endurhæfingarhúss og
draga verulega úr endur-
hæfingu.
Þessi breyting var fyrir-
huguð frá og með hausti 2012.
Nú hefur velferðarráðherra,
Guðbjartur Hannesson, óskað
eftir því að þau áform verði
dregin til baka og tryggt
fjármagn til þess að svo megi
verða.
Framkvæmdastjórn HS
fagnar þessum málalyktum
enda hefði verið mjög þung-
bært að þurfa að grípa til
þessara aðgerða. /hskrokur.is
Samband ungra framsóknarmanna
Í framboð til formennsku
Ragnar S. Rögnvaldsson 27
ára Skagstrendingur sem
starfað hefur sem formaður
Ungra framsóknarmanna í
Skagafirði síðastliðin tvö ár
hefur tilkynnt um framboð
sitt til formennsku Sam-
bands ungra framsóknar-
manna.
-Nú er kominn sá tími að ég
tel best fyrir framtíð Sambands
ungra framsóknarmanna að
nýju blóði verði hleypt í starfið.
Ég hef því ákveðið að gefa kost
á mér til formennsku í SUF,
segir Ragnar.
-Ég tel að undanfarin ár hafi
starf SUF verið langt frá því að
vera eins öflugt og það þarf að
vera. Þessu þarf að breyta, segir
Ragnar en eitt aðalmarkmið
hans er að ungir framsóknar-
menn geti sameinast og verið
stoltir af að taka þátt í öflugu
starfi SUF. /PF
Tvær flottar í tauinu.
Mynd: Varmahlíðarskóli