Feykir - 02.02.2012, Blaðsíða 7

05/2012 Feykir 7
aranum með brúðuna. Þetta
finnst börnunum alveg fjarska-
lega skemmtilegt og spennandi
að heyra hvernig heimsóknin
gekk fyrir sig. Aðalmarkmiðið
með því að vinna með lífs-
leiknina í gegnum dygðirnar er
að efla siðferðisvitund barnanna
í þeim tilgangi að verða bæði
góð og fróð manneskja. Í lok
hverrar annar, þ.e. í nóvember
og apríl, verður tekin skráning
af hverju barni og sem dæmi
um skráningu vegna dygðar-
innar virðingar segir 4 ára
stúlka: „einhver sé að kitla
mann og einhver segir „hættu“,
og hann hættir ekki, þá er
maður ekki að sýna virðingu“

Jákvæður agi
mikilvægur í uppeldi
barna
Að sögn Önnu Jónu fellur
lífsleiknin ákaflega vel að SMT-
agastjórnunarkerfinu sem skól-
um í Skagafirði er uppálagt að
vinna eftir, þar sem unnið er
með agastjórnun á jákvæðan og
uppbyggilegan hátt. Undirbún-
ingur innleiðingar SMT í Ár-
sali stendur nú sem hæst og er
stefnt að því að hefja innleiðingu
á vormánuðum. -SMT gengur
út á að kenna börnunum ein-
faldar reglur um hvernig við
gerum, við setjum orð á at-
hafnir. Þessar reglur verða settar
upp á veggi á hinum mismun-
andi svæðum leikskólans eftir
því sem við á og allir starfsmenn
eiga að nota sömu úrræði og
gengur út á samræmdar að-
gerðir allra starfsmanna. Búið
er að senda allflesta leikskóla-
kennarana á námskeið og
kynna þetta vel fyrir þeim sem
ekki fara á námskeið.
Dæmi um notkun SMT er
að ef einhver á t.d. erfitt með að
láta sessunaut sinn í friði í
samverustund þá segir
kennarinn „við höfum hendur
og fætur hjá okkur“, þ.e. hann
beinir athygli barnsins með
jákvæðum hætti á lausn;
hvernig barnið á að gera, í stað
þess að einblína á hvernig
barnið á ekki að gera. Það má
reyndar segja að orðið „ekki“, sé
bannorð í þessu samhengi. Því
með því að nota ekki-setningar
við slíkar aðstæður sem fyrr er
lýst, bendir maður ekki á neina
lausn fyrir barnið heldur
undirstrikar neikvæða hegðun
þess og jafnvel viðheldur henni.
Tákn með
tali (TMT)
Síðastliðið vor var haldið
námskeið um TMT fyrir alla
starfsmenn Ársala í þeim
tilgangi að taka það upp sem
stuðning við talmál. Strax var
hafinn undirbúningur sl. haust
og byrjað markvisst að vinna
með það. TMT hjálpar börnum
sem eiga erfitt með að tjá sig að
eiga samskipti og gera sig
skiljanleg við aðra. -Við gerum
þetta spennandi með því t.d. að
öll börn og allir starfsmenn eiga
sín tákn, við syngjum lög og
gerum samtímis tákn og við
notum tákn yfir daglega hluti
og rútínur; „góðan dag“, „gjörið
svo vel“, „takk fyrir daginn“,
dagar og mánuðir eiga sín tákn.
Smám saman bætast svo við ný
tákn. TMT kemur ekki í stað
talmáls heldur eingöngu sem
stuðningur við talmálið.
Að vanda sig í allri umgengni
við aðra, bæði stóra og smáa,
hvar sem maður er, og bera
virðingu fyrir umhverfi sínu, er
það sem við viljum að börnin í
Ársölum tileinki sér og það er
og verður rauði þráðurinn í
starfinu okkar hér í leikskól-
anum Ársölum, segir Anna
Jóna.
Í tilefni af Degi leikskólans
mánudaginn 6. febrúar ætla
börn og starfsfólk á eldra stiginu
að fylkja liði í Skagfirðingabúð
og syngja nokkur lög og segist
Anna Jóna vonast til að foreldrar
sjái sér fært að koma og hlusta á
þennan stóra og flotta barnahóp
taka lagið en ráðgert er að þau
hefji upp raust sína kl. 10:30.
-Síðastliðið vor fengu starfs-
menn Ársala kennslu í „lífsleikni
í leikskóla“ og undirbúningur
hófst fyrir innleiðingu þess. Nú
í haust byrjuðum við síðan með
fyrstu dygðina; vinsemd og það
mun taka okkur sex ár að fara í
gegnum dygðirnar tólf þar sem
við munum taka fyrir eina dygð
á haustönn og eina á vorönn ár
hvert. Um miðjan janúar
lögðum við svo inn hjálpsemi
sem er dygðin á vorönninni.
Áður en fyrsta dygðin; vin-
semdin, var innleidd í ágúst
síðastliðnum, fengu foreldrar
bréf þar sem lífsleiknin var
kynnt fyrir þeim og sagt frá
hvernig við ætluðum að vinna
með hana. Síðan munu þeir
einnig fá svokallaðan dygðavísi
heim með hverri dygð sem er
ráðgefandi fyrir hvernig þeir
geta líka unnið í anda lífsleikn-
innar heima.
Anna Jóna segir unnið verði
markvisst dygðastarf frá 15.
sept.- 30. nóv. og 15. jan. - 30.
apríl, ár hvert en skömmu áður
en dygðastarfið hefst formlega
hverju sinni er foreldrum og
öllu starfsfólki afhentir dygða-
vísar viðkomandi dygðar.
-Dygðavísir er lítill bæklingur
sem fylgir hverri dygð og þar
eru umræðupunktar og upp-
lýsingar um bækur og söngva
sem tengjast dygðinni. Auk
leiðbeininga og hugmynda um
hvernig best er að koma boð-
skapnum til barnanna. Við
setjum upp spakmæli í anda
viðkomandi dygðar út um allt
hús, ætluð bæði börnum og
fullorðnum og í vinastundum á
föstudögum sem eru sameigin-
legar söngstundir á sal, er tekið
mið af þeirri dygð sem unnið er
með í hvert sinn. Allar deildir
eiga sína handbrúðu sem börn
og starfsfólk eru búin að velja
nöfn á í sameiningu. Þessar
handbrúður eru málpípur
dygðanna og þær koma alltaf í
upphafi hvers dygðatímabils og
heilsa upp á börnin í vinastund
og kveðja síðan aftur í vinastund
í lok tímabilsins. Anna Jóna
segir að með slíkum brúðum er
hægt að ná mjög vel til barna,
og börnin hreinlega elski þær.
Brúðurnar fara í heimsókn til
allra barnanna einu sinni með
hverri dygð og þá skrifa
foreldrarnir í þar til gerðar
dagbækur sem fylgja brúðun-
um; hvernig heimsóknin gekk
og hafa viðkomandi dygð til
viðmiðunar í skrifum sínum.
-Þegar komið er aftur í leik-
skólann les kennarinn það sem
foreldrið hefur skrifað fyrir
allan hópinn á deildinni og
barnið situr við hliðina á kenn-
Börn á eldra stigi klæða sig fyrir útiveru. Börnin á yngra stigi leika sér í sal.
Í leikskólanum er margt um að vera. Gaman er að róla sér á góðum vetrardegi.
Það er gaman að renna sér í brekkunni á Ársölum. Krakkarnir á yngra stigi voru forvitnir um ljósmyndara Feykis.