Feykir - 02.02.2012, Blaðsíða 9
05/2012 Feykir 9
( ÁSKORENDAPENNINN ) berglindth@feykir.is
„Af hverju ertu svona
stór?“ eða „Hvernig er
að vera svona stór?“
Voru spurningar sem
ég var oft og iðulega
spurð að í æsku eða
á unglingsárunum.
„Þegar ég var barn
setti faðir minn
vaxtarhormón út á
cherriosið mitt“ eða
„því ég er geimvera“,
eru meðal annars
ástæður fyrir hæð
minni – eða ekki.
Ástæðan fyrir því að
ég er eins og ég er,
er af því að ég erfði
gen frá foreldrum
mínum sem urðu þess
valdandi að ég varð
184 sentímetrar á
hæð, líkt og annað
fólk fæðist dökkhært
eða bláeygt.
Svo hvernig er það að
vera svona stór? Ég
get sagt ykkur það að
það er alveg klikkað
gaman. Reyndar hef
ég aldrei prófað neitt
annað og veit ekki
hvernig það er að vera
lægri en ég er. Allir mínir
sentímetrar nýtast til
hinna ýmsu hluta líkt
og það að ég get náð
hlutum úr hillum sem
litli maðurinn nær ekki
í, ég get tekið af þér
húfuna og haldið henni
ótrúlega hátt uppi svo
þú nærð henni aldrei
aftur, ég get hengt upp
fána í fánastöng án
þess að nota spottann
og svo get ég líka
klappað stjörnunum.
Annars að öllu gamni
slepptu, þá hef ég það
mjög gott og hefur hæð
mín frekar nýst mér til
góðs heldur en ekki,
m.a. í körfubolta og á
tónleikum.
Ég kýs þó síður að
ganga í háhæla skóm,
en það er eingöngu
til þess að hræða
ekki litla fólkið eða þá
karlmenn sem hræðast
hávaxnar konur. Þar
sem það tíðkast iðulega
að konur séu lægri en
makar þeirra, fækkar
sjálfkrafa úrvalið fyrir
hina hávöxnu einhleypu
konu. Samkvæmt því
ættu allir karlmenn
undir 180 sentímetrum
ekki að teljast
gjaldgengir í hugsanlegt
makahlutverk hávöxnu
konurnar. Móðir vinkonu
minnar hafði einhvern
tíman orð á því við mig
þegar við ræddum um
hugsanlega makaleit
fyrir hávöxnu mig, hvort
ég hefði ekki áhyggjur
af því að ef ég myndi
eignast mjög hávaxinn
mann að börnin
okkar yrðu risavaxin.
Hreinskilnislega sagt þá
missi ég ekki úr svefni
yfir því og þætti það
alls ekkert svo slæmt.
Ég gæti hugsanlega
farið fram á laun hjá
íslenska ríkinu við
framleiðslu á hávöxnu
fólki fyrir handbolta- eða
körfuknattleikslandslið
framtíðarinnar.
Við skulum ekki gleyma
því að hafa gaman að
lífinu og vera ánægð
með það sem við
höfum og erum. Tökum
okkur ekki of alvarlega.
Brosum og smitum aðra
með gleði okkar, því
það er það sem gefur
lífinu lit. Góð heilsa og
fjölskyldan er það sem
skiptir mestu máli, hvort
sem við séum hávaxin
eða lávaxin.
- - - - -
Ég skora á Kristrúnu
Kristjánsdóttur frá
Melstað að koma með
næsta pistil.
Hrund Jóhannsdóttir skrifar frá Gauksmýri í Línakradal
Kýs síður háhælaða skó
( TÓN-LYSTIN ) oli@feykir.is
Helgi Sæmundur Guðmundsson / Úlfur Úlfur
Dreymdi um að vera
2Pac og Tom Waits
Helgi Sæmundur Guðmunds-
son, fæddur 1987, búsettur á
Rauðarárstígnum í Reykjavík,
segist hafa eytt bestu árum
ævi sinnar í Jöklatúni og
Eyrartúni á Sauðárkróki. Helgi
segist ekki vera sérstaklega
góður á neitt hljóðfæri en spila
á gítar, píanó, bassa, ukulele,
mandolin, tölvur og syngja
smá.
Helstu tónlistarafrek? 1. sæti á
Rímnaflæði 2002, úrslit í músík-
tilraunum 2002, sigur í músík-
tilraunum 2009, ein stuttskífa með
Bróðir Svartúlfs í október 2009
og ein breiðskífa með Úlfur Úlfur í
desember 2011.
Uppáhalds tónlistartímabil? Öll
tónlistartímabilin held ég. Það er
eitthvað uppáhalds allstaðar.
Hvaða tónlist fær þig til að sperra
eyrun þessa dagana? Ég bíð með
fiðrildi í maganum eftir nýju Kid
Cudi plötunni sem á að koma út
á afmælisdaginn minn, þann 28.
febrúar og ég er mikið að hlusta
á Ratatat, Schoolboy Q, Tyler
the Creator og fleira í þeim dúr.
Ég myndi segja að skemmtilega
pródúsuð rappmúsík eigi hug
minn og hjarta þessa dagana.
Flesta aðra daga líka. Indí/
elektro músík í anda MGMT og
Foster the People er líka tjúll. Svo
er það sama á hvaða tímabili
eða stað í lífinu ég er þá eru Tom
Waits og 2pac alltaf velkomnir.
Þeir eru bestir.
Hvers konar tónlist var hlustað
á á þínu heimili? Pabbi elskar
David Bowie. Þegar hann fékk
tækifæri til að vera einn heima á
föstudags- eða laugardagskvöldi
þá hljómaði Bowie niður í
Brekkutún. Mamma heldur
mikið upp á Madeleine Peyroux
og Patsy Cline. Mér fannst mjög
gaman að heyra þetta allt. Ég þoli
hinsvegar mjög illa óperusukk og
bjölluhljóm á Rúv. Því miður fær
það að hljóma líka við og við.
Hvað var fyrsta platan/diskurinn/
kasettan/niðurhalið sem þú
keyptir þér? Fyrsti diskur sem
ég eignaðist hét Penikufesin
með thrash metal hljómsveitinni
Anthrax. Hann fékk ég í gjöf frá
Tjörva Berndsen frænda mínum.
Fann hann um daginn og hlustaði
í gegn. Ennþá jafn tjúllaður og
þegar ég var fjögurra ára. Fyrsti
diskurinn sem ég keypti mér
hét Strictly 4 my n.i.g.g.a.z og
var með 2pac. Annars tók ég
upp á kasettu alla Skjaldböku
þættina sem voru á Rás 2 fyrir
öllum þessum árum undir stjórn
Sesar A og BlazRoca. Þar var gott
hiphop.
Hvaða græjur varstu þá með? Ég
man ekki hvað þær heita en ég
gat keypt þær á raðgreiðslum
í skaffó afþví að ég var að bera
út á morgnana. Þær voru með
fjarstýringu. Svo spilaði ég Sega
á meðan ég hafði of hátt í þeim.
Hvað syngur þú helst í sturtunni?
Ég syng helst ekki í sturtu. Íbúðin
mín er frekar hljóðbær.
Wham! eða Duran? Duran Duran
all day.
Uppáhalds Júróvisjónlagið (erlent
eða innlent eða bæði)? Silvíu Nótt
lagið eða e-ð með Kristjáni Gísla.
Þau eru frábærari en júróvision.
Þú heldur dúndurpartí í kvöld,
hvað læturðu hljóma í græjunum
til að koma öllum í stuð? Ef þetta
væri að fara að gerast í kvöld
myndum við hlusta á Ratatat,
Gísla Pálma, Miike Snow,
Daft Punk, Talk Talk, Blondie,
Yelawolf, Drake og Schoolboy Q.
Þú vaknar í rólegheitum á sunnu-
dagsmorgni, hvað viltu helst
heyra? Closing Time og Alice
með Tom Waits. Svo myndi ég
hella upp á kaffi. Ég hlakka til
sunnudagsins.
Þú átt þess kost að fara hvert
sem er í heiminum og skella þér
á tónleika. Hvert færirðu, hvaða
tónleika og hvern tækirðu með
þér? Ef ég mætti ráða algjörlega
og peningar væru engin fyrirstaða
færi ég á tónleika með Tom Waits
hvar sem er í heiminum. Líklega
byði ég flestum vinum mínum
með mér ef þeir byðu mér upp
á bjór og héldu á töskunum
mínum og töluðu ekki á meðan
á tónleikum stendur.
Hvaða tónlistarmann hefur þig
dreymt um að vera? 2pac og
Tom Waits en svo fór mér að líða
ágætlega með að vera ég sjálfur.
Sérstaklega afþví að sá fyrrnefndi
er dáinn og hinn er kominn yfir
sextugt.
Hver er að þínu mati besta plata
sem gefin hefur verið út? Tom
Waits – The Black Rider
Leikur er barna yndi
– þróunarverkefni í leikskólanum Ásgarði Húnaþingi vestra
Dagur leikskólans verður
haldin hátíðlegur um land allt
mánudaginn 6. febrúar.
Einkunnarorð dagsins eru
Við bjóðum góðan dag alla
daga. Af því tilefni verður
sérstök kynning á
þróunarverkefninu Leikur er
barna yndi í Ásgarði.
Frá því í haust hefur
starfsfólk skólans unnið að því
að gera breytingar í skóla-
starfinu útfrá hugmyndafræði
sem byggir á jákvæðri
sálfræði. Umhverfi nemenda
hefur verið endurskipulagt út
frá því þannig að leikur þeirra
og nám flæðir um skóla-
húsnæðið. Hugmyndafræðin
byggir á bókinni Finding Flow
eftir kennimanninn. Mihaly
Csikszentmihalyi. Leikskólinn
verður opin gestum og
gangandi þennan dag þar sem
gestir geta upplifað breytinga-
ferlið, hvað verið er að gera og
hvernig nemendur eru að
upplifa flæðið.
Verið velkomin mánudag-
inn 6. febrúar kl. 9-11 og 13-
14:15.
Guðrún Lára Magnúsdóttir
leikskólanum Ásgarði
AÐSENT GUÐRÚN LÁRA MAGNÚSDÓTTIR skrifar