Feykir - 16.02.2012, Blaðsíða 2
2 Feykir 07/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Æ, þegiðu
Stjórn Leikfélags
Blönduóss hefur að
vandlega yfirveguðu máli
tekið ákvörðun um að
leggja til hliðar um sinn
fyrirhugaða uppfærslu á
leikriti þetta starfsárið.
Í bígerð var metnaðarfull
sýning og hafði leikstjórinn
Jakob S. Jónsson verið fenginn
til að starfa með félaginu. Því
miður er það mat stjórnar að
ekki séu nægilega sterkar
forsendur til að ráðast í svo
stórt verkefni.
Félagið vill koma á
framfæri þakklæti til allra
þeirra sem sýndu verkefninu
áhuga og voru tilbúin að
leggja því lið og vonast eftir
starfskröftum þeirra í fram-
tíðinni. Jafnframt er Jakobi
þakkað fyrir stutt en gott starf
í þágu félagsins og megi það
verða upphafið að frekara
samstarfi. /Stjórn L.B.
Leikfélag Blönduóss
Hættir við
leiksýningu
Þetta er vinsælasta svarið sem maður fær þessa dagana ef
maður spyr spurninga sem viðmælandinn hefur ekki áhuga
á eða nennir ekki að svara. Ég get vel skilið að Steingrímur J.
sé orðinn leiður á því að svara hundleiðinlegum spurningum
stjórnarandstöðunnar um aðildarumsókn sem sumir kalla
aðlögunarferli Íslands að ESB. Það var strax í aðdraganda
síðustu alþingiskosninga sem ýjað var að því að Steingrímur
myndi ekki standa við stóru orðin og standa gegn
aðildarviðræðum við ESB og minnir mig að sjálfstæðismenn
hefðu fengið bágt fyrir að ætla honum annað. Það hafa allir
séð sem á annað borð hafa augu að Jón Bjarnason hefur
haldið uppi stefnu VG í andstöðu sinni við meint
aðlögunarferli, hver svo sem skoðun manna er á málinu eða
manninum, og nýverið ályktaði Evrópuráðið og fagnaði
brotthvarfi Jóns úr ráðherrastóli. Er mér nær að halda að
ástæðan sé sú að þá sé hægt að mjaka málinu áfram. Um
þetta atriði var Steingrímur, sem tók við ráðherrastólnum af
Jóni, spurður á Alþingi í vikunni eins og alþjóð veit. Sú
spurning er að sjálfsögðu hundleiðinleg og ekki gaman fyrir
Steingrím að svara aftur og aftur hvort hann ætli að leiða
þjóðina í faðm Evrópusambandsins eða ekki. En það hljóta
þau í ESB einmitt að spá í líka. Eru Íslendingar að sækja um
aðild eða ekki? -Allt í lagi, ég skal þegja.
Páll Friðriksson
ritstjóri
10. bekkur í Húnavalla-
skóla ætlar að halda
spilakvöld nk. föstudag,
þann 17. febrúar og verður
þar spiluð félagsvist. Veitt
verða verðlaun fyrir stiga-
hæsta karl og stigahæstu
konu.
Húsið opnar klukkan
19:30 og byrjað verður að spila
klukkan 20:00. Aðgangseyrir
er 500 krónur og ekki tekið
við greiðslukortum. Sjoppa
verður á staðnum. /BÞ
Húnavallaskóli
Félagsvist
á föstu-
dagskvöld
Ályktun frá Hollvinasamtökum
Heilbrigðisstofnunarinnar á Sauðárkróki
Betur má ef duga skal
Hollvinasamtök Heilbrigðis-
stofnunarinnar á Sauðár-
króki fagna því að velferðar-
ráðherra hefur ákveðið að
tryggja rekstur endurhæf-
ingar við stofnunina, svo
ekki þarf að koma til
lokunar eins og í stefndi.
Samtökin vilja minna á að
þetta er aðeins einn áfangi í
þeirri baráttu sem staðið hefur
nú um nokkurt skeið og lýtur
að því að tryggja rekstrar- og
þjónustugrundvöll Heil-
brigðisstofnunarinnar.
Ekki hefur enn fengist leið-
rétting á fjármagni til hjúkr-
unarrýma, en samkvæmt
skýrslu sem Capacent vann í
nóvember s.l., er fjármagn til
hjúkrunarrýma vanreiknað
samanborið við önnur lands-
svæði.
Hollvinasamtökin hvetja
alla Skagfirðinga til að halda
áfram baráttunni svo stofn-
unin geti staðið undir þeirri
þjónustu sem henni er ætlað
að veita. Mikilvægi góðrar og
traustrar heilbrigðisþjónustu í
heimabyggð er öllum ljós og
Hollvinasamtök stofnunar-
innar munu áfram vinna
ötullega að því að tryggja
starfsemi hennar.
Húnaþing vestra
Endurgreiðsla
Landsbankans
komið til góðra nota
Sveitarstjórn Húnaþings
vestra hefur ákveðið að
ráðstafa 15 millj. kr.
endurgreiðslu frá Lands-
bankanum, í tengslum við
niðurfellingu láns sem tekið
var vegna kaupa á stofnfé í
Sparisjóði Vestfjarða og til
stofnfjáraukningar
Sparisjóðs Húnaþings og
Stranda árið 2007, til
fjölbreyttra samfélags-
verkefna í þágu íbúa
Húnaþings vestra.
Sveitastjórn Húnaþings
vestra var tilkynnt um þá
ákvörðun Landsbankans, að
eftirstöðvar lánsins yrðu felldar
niður að fullu og jafnframt að
þær innborganir sem greiddar
voru til Landsbankans eða
SpKef Sparisjóðs yrðu endur-
greiddar alls 15.204.295-, í bréf
frá Landsbankanum dagsett 26.
janúar 2012 og var það tekið
fyrir á fundi sveitarstjórnarinnar.
þann 9. febrúar sl.
Á fundinum lagði Leó Örn
Þorleifsson, oddviti Húnaþings
vestra, fram þá tillögu að 15
millj. kr. endurgreiðslan yrði
ráðstöfuð til fjölbreyttra sam-
félagsverkefna og var tillagan
samþykkt með sjö atkvæðum.
Nánari umfjöllun um málið er
hægt að sjá á Feykir.is. /BÞ
Mikil stemning er á
Króknum fyrir bikarúrslita-
leiknum í körfubolta milli
Tindastóls og Keflavíkur
sem fram fer næsta
laugardag í Laugardals-
höllinni í Reykjavík
Boðið verður upp á
rútuferð frá Króknum og
leggur bíllinn af stað frá
Skagfirðingabúð klukkan 9:30
á laugardag og heimferð eftir
leik. Kostnaði er haldið í
algjöru lágmarki en aðeins
kostar 1000 krónur á mann í
rútuna. Skráning fer fram hjá
Jóni Inga í síma 825 4417. /PF
Úrslitaleikur í Höllinni
Allir suður!
Menningarráð Norðurlands
vestra hefur auglýst eftir
umsóknum um verkefna-
styrki á grundvelli menn-
ingarsamnings mennta- og
menningarmálaráðuneytis
og iðnaðarráðuneytis við
SSNV. Tilgangur styrkjanna
er að efla menningarstarf
og menningartengda
ferðaþjónustu á Norðurlandi
vestra.
Menningarráð Norðurlands
vestra hefur ákveðið að hafa
eina úthlutun á árinu 2012,
með umsóknarfresti til og með
15. mars og hafa þau verkefni
forgang sem uppfylla eitt eða
fleiri eftirtalinna atriða:
• Fjölga atvinnutækifærum á
sviði menningar og lista.
• Efla samstarf á sviði
menningarmála á svæðinu.
• Stuðla að nýsköpun og
þróun í menningu og
menningartengdri ferða-
þjónustu.
• Menningarstarfsemi styðji
við ferðaþjónustu.
• Verkefni sem stuðla að
þátttöku allra þjóðfélags-
hópa í menningarstarfi.
• Verkefni sem leiða til
samstarfs við önnur lönd á
sviði menningar og lista.
• Verkefni sem draga fram
staðbundin eða svæðis-
bundin menningareinkenni
eða menningararf.
Umsækjendur geta verið ein-
staklingar, félagasamtök, fyrir-
tæki, stofnanir og sveitarfélög á
Norðurlandi vestra og skulu
umsóknir vera á eyðublöðum
Menningarráðs Norðurlands
vestra sem hægt er að nálgast á
heimasíðunni www.ssnv.is
undir liðnum Menningarráð.
Þar er einnig hægt að finna þær
upplýsingar sem nauðsynlegt
er að hafa í huga fyrir áhuga-
sama. /PF
Menningarráð Norðurlands vestra
Ein úthlutun
á þessu ári
112 dagurinn á Skagaströnd
Margmenni í Bjarnabúð
Björgunarsveitin Strönd,
Skagastrandardeild RKÍ og
Slökkvilið Skagastrandar
voru með opið hús í
Bjarnabúð sl. laugardag í
tilefni af 112 deginum.
Áætlað er að á milli 90 –
100 manns hafi lagt leið
sína í Bjarnabúð á þeim
rúmu tveim tímum sem
opið var. Dagskráin hófst kl. 14 með
hópakstri viðbragðsaðila um
bæinn sem endaði svo niður í
húsnæði sveitarinnar en þar
var hægt að skoða búnað og
tæki slökkviliðsins, sjúkrabíl
RKÍ, ásamt tækjabúnaði og
bílum björgunarsveitarinnar,
segir á heimasíðu björgunar-
sveitarinnar.
Sjúkraflutningsmenn sýndu
skyndihjálp og gat fólk m.a.
fengið að spreyta sig á
hjartahnoði á þar til gerðum
dúkkum. /BÞ