Feykir - 16.02.2012, Blaðsíða 7

07/2012 Feykir 7
nálinni og aðrir hafa tekið
ýmsum breytingum í gegnum
tíðina, „ætli það helgist ekki
fyrst og fremst af eftirspurn, en
sumt selst alltaf,“ segir Gréta og
tekur upp litla mynd af torfbæ
sem dæmi um það sem hún
hefur verið með í framleiðslu til
fjölda ára. „Þessar myndir hef
ég verið að gera, ja ætli það séu
ekki komið hátt í 14-15 ár, þær
falla ferðamönnunum alltaf í
geð, það sama má segja með
þessar kindur,“ segir hún og
bendir á litlar styttur af bústnum
kindum.
Gréta hefur einnig verið að
gera svokallaðar Afrópíur og
útskýrir hvernig þær urðu til:
„Hún var upphaflega bara
einhverskonar vera í tiltölulega
einfaldri mynd. Þegar dóttir
mín sá hana sagði hún:
„Heyrðu, þetta er nú bara
afrópía.“, og þar með var nafnið
komið, “ rifjar Gréta upp með
bros á vör og bætir við að síðan
þá hefur Afrópían tekið ýmsum
breytingum og hver pía hefur
fengið sinn sérstaka svip.
Í Leirhúsi Grétu má einnig
finna nokkra nýlega leirmuni,
t.d. snjalla hönnun sem hún
kallar Vasaljós en það er í senn
blómavasi og kertastjaki og er
til að hengja á vegg. Gréta segist
fá fleiri hugmyndir en hún
kemst yfir að framkvæma en
þannig hafi það nú ekki alltaf
verið. „Ég man þegar ég var
fyrst með leirinn í höndunum
þá hugsaði ég oft með mér:
„Hvað á ég eiginlega að búa til?“
og svo á endanum kom
einhvernvegin alltaf eitthvað.“
Gréta hefur verið að tengja járn
Englar eru meðal þeirra fallegu leirmuna sem finna má í Leirhúsi Grétu.
( RABB-A-BABB ) oli@feykir.is
Elfa Hrönn
NAFN: Elfa Hrönn Friðriksdóttir.
ÁRGANGUR: 1978.
FJÖLSKYLDUHAGIR: Gift Árna Birgissyni og á með
honum 2 syni, Birgi Þór grunnskólanema og
Kolbein Tuma leikskólanema. Fyrir átti Árni
soninn Hring sem er menntaskólanemi.
BÚSETA: Búsett í þeim góða bæ, Hafnarfirði en
verð alltaf Skagfirðingur í hjarta mínu.
HVERRA MANNA ERTU: Er dóttir Friðriks
Antonssonar og Guðrúnar Þórðardóttur á
Höfða, Höfðaströnd.
STARF / NÁM: Grunnskólakennari af lífi og sál
eins og svo margir í minni fjölskyldu...
BIFREIÐ: Hef nú aldrei verið skráð fyrir slíku
tæki en ek um á Toyota Land Cruiser.
HESTÖFL: Já einmitt – er það eitthvað ofan á
brauð.
HVAÐ ER Í DEIGLUNNI: Barnaafmæli, vetrarfrí og
margt annað skemmtilegt.
Hvernig hefurðu það? Kvarta ekki.
Hvernig nemandi varstu? Þarft að spyrja Kobba eða
Fríðu Eyjólfs að því.
Hvað er eftirminnilegast frá fermingardeginum? Fyrir
utan fermingarfötin og greiðsluna er eftirminnilegast
að ég gleymdi ritningarorðunum mínum og bullaði
bara eitthvað og sagði svo bara amen í lokin.
Hvað ætlaðir þú að verða þegar þú yrðir
stór? Hjúkrunarkona, alveg klárt þangað til systir mín
sagði að ég myndi aldrei geta unnið vaktavinnu þar
sem ég er svo kvöldsvæf.
Hvað hræðistu mest? Þetta týpíska, mýs og köngulær.
Hver var fyrsta platan sem þú keyptir (eða besta)?
Fyrsta platan sem ég keypti mér sjálf innihélt lögin úr
kvikmyndinni Pretty Woman.
Hvaða lag er líklegast að þú takir í Karókí? Púff -
ekki viss en kannski "I Will Survive" en það væri bara
á góðum degi.
Hverju missirðu helst ekki af í sjónvarpinu (fyrir
utan fréttir)? Landanum, það eru sko almennilegir
þættir. Svo eru heimildamyndirnar á mánudags-
kvöldum á RÚV ansi góðar.
Besta bíómyndin? Svo margar, sá nýlega "The boy
in the striped pyjamas" og hún hreyfði við mér.
Hvað gerir þú betur en allir aðrir á þínu heimili? Að
stjórna enda hússtjórnarskólagengin konan.
Hvert er snilldarverkið þitt í eldhúsinu? Er að sögn
bóndans hamfarakokkur en bý til mjög gott nesti
þegar fara á í lautartúr.
Hvað fer helst í innkaupakörfuna sem ekki er
skrifað á tossamiðann? Allskyns kex sem fellur í
misjafnan jarðveg en klárast samt alltaf á einhvern
dularfullan hátt.
Hvað er í morgunmatinn? AB-mjólk með eplum og
múslí en í tímaþröng kaffibolli í vinnunni.
Uppáhalds málsháttur? Aldrei skal gráta gengna
stund.
Hvaða teiknimyndapersóna höfðar mest til þín? Gló
magnaða.
Hver er uppáhalds bókin þín? Dalalíf eftir Guðrúnu
frá Lundi. Skyldulesning í fjölskyldunni.
Ef þú gætir hoppað upp í flugvél og réðir hvert hún
færi, þá færirðu... til Ítalíu. Mig langar að fara þangað
með mínum heittelskaða.
Hvað fer mest í taugarnar á þér í fari þínu? Frestunar-
áráttan sem eykst með hverju árinu.
Hvað fer mest í taugarnar á þér í fari annarra? Þegar
fólk lofar einhverju en stendur ekki við það.
Enski boltinn - hvaða lið og af hverju? Hef enga
skoðun á þessum enska bolta - uppáhalds knatt-
spyrnulið mitt er og verður alltaf Neisti Hofsósi.
Hvaða íþróttamanni hefurðu mestar mætur á? Syni
mínum sem æfir frjálsar íþróttir af miklum móð með
FH.
Heim í Búðardal eða Diskó Friskó? Heim í Búðardal
klárlega, ég er svo sveitó!
Ef þú ættir að dvelja alein/n á eyðieyju, hvaða
þrjá hluti tækirðu með þér? Spliff, donk og gengju.
Maður kemst örugglega langt með það í farteskinu.
Hver væri titillinn á ævisögu þinni? Með allt á hreinu?
Jóladveinar og Afrópíur
saman við leirinn og segir mikla
kúnst vera við það. „Það tók
mig svolítinn tíma að ná tökum
á því, skal ég segja þér,“ segir
hún og útskýrir að þegar leir-
inn þornar skreppur hann
saman og svo dregur hann sig
enn meira saman í sjálfri
brennslunni og getur hann því
sprungið umhverfis járnið en
eftir nokkrar tilraunir og með
þolinmæði að vopni náði hún
loks tökum á tækninni. Járnið
notar hún t.d. sem fætur á
styttur. Kertastæði og mynda-
ramma notar hún einnig með
leirnum, en Gunnar, maðurinn
hennar er þúsundþjalasmið-
urinn á bakvið járn-smíðina.
Tengsl við
kúnnann
Sumarið er mikill annatími hjá
Grétu en þá þarf hún að
framleiða mikið til að anna
eftirspurn. Þá er hún jafnframt
með meira opið hjá sér í
Leirhúsi Grétu en yfir vetrar-
mánuðina. Á síðustu árum
hefur það þróast meira út í það
að selja í ferðamannaverslanir
og eru leirmunir hennar til sölu
á fjölmörgum stöðum, s.s. Bláa
lóninu, Rammagerðinni og
Islandia sem er í eigu Pennans.
Sömuleiðis má finna þá í Gallerí
Bardúsa á Hvammstanga,
Gallerí smíðar og skart á
Skólavörðustíg, Gallerí List í
Skipholti í Reykjavík og
Listfléttunni á Akureyri. „Ég
dreifi mér ekki meir,“ segir
Gréta og hlær, en bætir við að
hún hafi einnig verið með opið í
vinnustofu sinni. „Mér finnst
gott að halda tengslum við
kúnnann og fá smá tilfinningu
fyrir því hvað fellur í kramið
hverju sinni,“ segir Gréta og
segist reyna að vera með opið
eftir hádegi á föstudögum allt
árið um kring, fólk eigi að geta
stólað á það. „Fólki er líka
velkomið að líta við hvenær
sem er, ef ég er heima.“
Blaðamaður Feykis þakkaði
Grétu loks fyrir sig og hélt svo
heim á leið, einni Afrópíunni
ríkari.