Feykir - 23.02.2012, Blaðsíða 3
08/2012 Feykir 3
Samtök sveitarfélaga á Norðurlandi vestra
Enn er beðið svars
frá forsætisráðherra
Stjórn SSNV hefur sent frá
sér yfirlýsingu vegna
fréttatilkynningar forsætis-
ráðuneytisins frá 10.
febrúar s.l um samskipti
ráðuneytisins og SSNV. Þar
segir m.a. að ráðherranefnd
um ríkisfjármál hafi sam-
þykkt í nóvember 2011 að
tvö af ellefu verkefnum af
sóknaráætlunum landshluta
sem fara inn á fjárlög 2012
eru á Norðurlandi vestra;
dreifnám í Húnaþingi vestra
og lagning hitaveitu frá
Reykjum við Húnavelli að
Skagaströnd. Eftirfarandi er yfirlýsing frá
stjórn SSNV: „Tæpum þremur
mánuðum eftir að erindi var
sent á forsætisráðherra og
þáverandi fjármálaráðherra
hafa engin formleg svör borist.
Óskað var eftir fundi til að
ræða alvarlega stöðu Norður-
lands vestra í ljósi mikillar
fólksfækkunar, niðurskurðar
og tilflutnings starfa af hálfu
ríkisins. Í erindinu var stöðunni
lýst og settar fram tillögur um
viðbrögð. Ítrekanir á erindinu
hafa ekki borið árangur. Það er
engu að síður enn einlægur vilji
stjórnar SSNV að æðstu
ráðmenn landsins verði við ósk
um fund eins fljótt og verða má
svo leggja megi á ráðin um
hvernig snúa megi við þessari
alvarlegu þróun í landshlut-
anum. Íbúar á NV trúa því ekki
að fólk sem trúað er fyrir
landstjórninni af bæði þjóðinni
og alþingi velji að snúa baki við
heilu landshlutunum.“
Starfsmaður í Forsætis-
ráðuneytinu bauð nýverið í
símtali upp á fund þann 9.
febrúar ásamt ráðuneytisstjóra
og skrifstofustjóra úr Innan-
ríkisráðuneytinu. Án þess að
lítið sé gert úr starfsfólki ráðu-
neytisins, þá skal áréttað að
Öskudagurinn
Góðir gestir
Öskudagurinn var í gær
og krakkar á ferðinni með
haldgóða poka til að
geyma nammi í. Á Króknum var fullt af
krökkum á ferðinni skraut-
lega klædd og fagurlega
máluð. Það mátti sjá
prinsessur og bófa, Jóhönnu
Sigurðar og Jón Bjarnason,
fótboltamenn, hesta og
mjólkurfernur svo eitthvað sé
nefnt. Að þessu sinni var
lagaúrvalið óvenju frumlegt
og fjölbreytt og heyrði jafnvel
til undantekninga að sungið
væri um klaufann hann
Gamla Nóa.
Hér eru nokkrar myndir
af ungmennum sem heim-
sóttu Nýprent. Fleiri myndir
er að finna á Feykir.is. /ÓAB
Hjónakornin á Steini á Reykjaströnd Gústav Bentsson og
Steinunn Rósa Guðmundsdóttir hafa undanfarið verið að
byggja við íbúðarhúsið sitt en þar hafa foreldrar Steinunnar
komið sér fyrir. Um daginn buðu þau til veislu öllum þeim
sem lagt hafa hönd á verkið og einhverjir gárungar í hópnum
settu nýja merkingu á bæjarskiltið svo nú stendur Elliheimilið
Steinn.
Mynd vikunnar
Elliheimilið Steinn
óskað var eftir fundi með
forsætisráðherra og oddvitum
ríkisstjórnarinnar og milliliða-
lausum samskiptum á milli
forsvarsmanna tveggja stjórn-
sýslustiga, sveitarfélaga á NV og
ríkisstjórnarinnar. Minnt er á
að ráðherra sjálf hefur ekki enn
fallist á að hitta fulltrúa SSNV
þrátt fyrir að erindi þar um sé
tæplega þriggja mánaða gamalt.
SSNV telja sig ennfremur
knúin til að leiðrétta fullyrðingu
sem fram kemur í fréttatil-
kynningu ráðuneytisins þar
sem fram kemur að rúmlega 90
milljónir króna hafi komið í
hlut tveggja verkefna á Norður-
landi vestra sem samþykkt voru
af ráðherranefnd um ríkis-
fjármál vegna fjárlaga ársins
2012 í tengslum við Sóknar-
áætlun landshluta. Til leið-
réttingar vísast til fylgiskjals
með fréttatilkynningu um
úthlutunina frá forsætisráðu-
neytinu þann 25. nóvember
2011. Hið rétta er eins og þar
kemur fram, að alls komu 32,8
milljónir til tveggja verkefna á
svæðinu. 30 milljónir til hita-
veitulagningar frá Reykjum til
Skagastrandar sem eru 6,3% af
heildarkostnaði og 2,8 milljónir
til Dreifnáms í Húnaþingi
vestra sem eru 70% af
heildarkostnaði. Með þessu er
ekki á neinn hátt gert lítið úr
stuðningi ríkisins við áður-
greind verkefni heldur ein-
göngu leiðréttar staðreyndir í á
margan hátt villandi yfirlýsingu
frá forsætisráðuneytinu á
dögunum.
Stjórn SSNV ítrekar óskir
sínar og vilja til að eiga gott
samstarf við forsætisráðherra og
starfsmenn ráðuneytisins við að
finna leiðir til nýtingar hinna
fjölmörgu tækifæra sem eru til
staðar á Norðurlandi vestra,
íbúum svæðisins og lands-
mönnum öllum til heilla. /PF
Sparisjóður Skagafjarðar
Styður Golfklúbb Sauðárkróks
Sparisjóður Skagafjarðar og Golfklúbbur
Sauðárkróks hefur undirritað samkomulag
til þriggja ára þess efnis að Sparisjóðurinn
verður einn af helstu styrktaraðilum
golfklúbbsins. Sparisjóður Skagafjarðar er nú sem áður
öflugur stuðningsaðili við íþrótta-, menningar-
og samfélagsmálefni heima í héraði.
Meðlimir í Golfklúbbi Sauðárkróks eru um
170 manns en hann var stofnaður árið 1970 að
undirlagi Rotaryklúbbs Sauðárkróks og nokk-
urra áhugamanna um golfíþróttina. Samkvæmt
heimasíðu klúbbsins hafa einstaklingar innan
klúbbsins náð eftirtektarverðum árangri í ein-
staklingskeppni og unglingasveitir klúbbsins
hafa í þrígang orðið Íslandsmeistarar. /BÞ