Feykir - 23.02.2012, Blaðsíða 6

6 Feykir 08/2012
–Það er kannski ein af stóru
ástæðunum fyrir því að við
ákváðum að breyta til og koma
aftur heim, reyna að sinna
börnunum og ala þau upp í því
umhverfi sem maður ólst
sjálfur upp í og var sáttur við.
Ég held að það sé einn af stóru
póstunum í því enda mjög gott
að vera hér á Blönduósi og
ekkert yfir neinu að kvarta.
Aðspurður um hvort hann geti
deilt einhverjum bernskubrek-
um með lesendum segir
Eysteinn ekki muna eftir neinu
sérstöku þó hann hafi verið
gaur á vissan hátt án þess að
vera í einhverjum vandræðum.
-Maður var bara þessi hefð-
bundni unglingur og jú, jú, tók
þátt í bjölluatinu og að senda
flugelda inn í garða og sprengja
og henda snjókúlu í bíla en það
var bara hluti af þessum prakk-
arastrikum þegar maður var
yngri, segir hann og man ekki
eftir neinu alvarlegu, -en það
eru kannski einhverjir sem
geta hresst upp á minnið hjá
mér.
Munstraður í Þrótt
Eysteinn var mikið í íþróttum á
sínum yngri árum, æfði frjálsar
VIÐTAL Páll Friðriksson
Hringnum lokað
Eysteinn Pétur Lárusson kominn heim
Eysteinn Pétur Lárusson er búinn að loka hringnum ef svo mætti segja en á
síðasta ári flutti hann heim á Blönduós eftir nokkurra ára fjarveru og tók að sér
framkvæmdastjórastöðu Hvatar og USAH auk þess að þjálfa alla yngri flokka
félagsins. Eysteinn hefur átt glæstan feril í fótboltanum því eftir að hafa leikið
með sínu heimaliði, Hvöt, lék hann um tíma með Tindastóli áður en hann fór
suður og átti góðan tíma hjá Þrótti. Eysteinn var spurður út í ferilinn og hvað hafi
orðið til þess að hann ákvað að koma aftur á æskustöðvarnar.
Þegar blaðamaður náði tali af
Eysteini var hann í óða önn að
skipuleggja keppnisferð 5.
Flokks karla á Goðamót á
Akureyri en gaf sér nokkrar
mínútur fyrir spjall áður en
lagt yrði í´ann. Margar helgar
eru skipulagðar fyrir yngri
flokkana í boltanum víða um
landið og er Eysteinn við-
loðandi þær flestar. Auk þess
að starfa hjá Hvöt er hann í
20% starfi hjá Ungmenna-
sambandi Austur-Húnavatns-
sýslu, USAH en þar er verið að
skipuleggja aldarafmæli sam-
bandsins sem fagnar þeim
áfanga á árinu.
Eysteinn er sonur Lárusar
Jónssonar og Sigrúnar Zopho-
níasdóttur sem búsett eru á
Blönduósi, giftur Brynhildi Olgu
Haraldsdóttur, eða Hildu eins og
hún er kölluð, og eiga þau þrjá
stráka. Eysteinn grínast með það
að vera að safna í fótboltalið en í
það eru þeir komnir Lárus Orri
sem verður tveggja ára í maí,
Haraldur Björgvin sem verður
sex ára í maí og Rúnar Ingi sem
verður níu ára í september.
Eysteinn segir að það hafi verið
mjög gott að alast upp á
Blönduósi og eftir að hafa verið
búsettur fyrir sunnan með
strákana þá mætti segja að það
hafi í raun verið forréttindi.
Frjálsræðið er mun meira þó
kannski hafi stundum verið
einum of að mati Eysteins nú, en
í minningunni var leikið sér öll
kvöld úti, hvort sem þá var
sumar eða vetur. –Það var ekki
verið að hafa áhyggjur af manni
þannig, ekki það að þetta hafi
verið afskiptalaust en það er
kannski munur en þær áhyggjur
sem maður hefur gagnvart
börnunum þegar maður var þar,
segir Eysteinn en viðurkennir að
margt hafi breyst frá því sem
áður var.