Feykir - 01.03.2012, Blaðsíða 11
09/2012 Feykir 11
Feykir spyr...
Hefur þú
farið á skíði?
[ spurt í Árskóla á
Sauðárkróki ]
Helena Árnadóttir
-Já, ég fór í fyrsta skipti
síðasta föstudag, á
Vetrarleikunum. Það er
mjög gaman og ég ætla að
fara aftur.
Örvar Freyr Harðarson
- Já, ég fer stundum.
Ég fór síðast á skíði á
Vetraleikunum, það var
mjög gaman, sérstaklega að
fara í bátana.
Þórður Ari Sigurðsson
-Nei, ég kann ekki á skíði en
mig langar að prófa.
Stefanía Hermannsdóttir
-Nei, ég kann ekki á skíði en
bróðir minn fer stundum.
Mig langar líka að prófa.
Fe
yk
ile
g
a
f
lo
tt
a
af
þr
e
yi
ng
ar
ho
rn
ið
Já
, r
ey
nd
u
þi
g
vi
ð
þe
tt
a!
Verðlaun Sá sem fyrstur leysir þrautina
á skilið að fá risaknús!
Spakmæli vikunnar
Það eru mannréttindi að eiga sauðfé.
– Guðni Ágústsson
Blómfríður Ljótunn þótti
spennandi kvenkostur á sjötta
áratugnum. Seinna fór hún
úr tísku.
Hinrik Már Jónsson
Örlaga örsögur
Ótrúlegt
(en kannski satt)
Í Kentucky í Bandaríkjunum eru
helmingurinn af þeim sem gifta
sig í fyrsta sinn, unglingar.
Sudoku
( MATGÆÐINGAR VIKUNNAR ) berglindth@feykir.is
Sigrún og Benedikt kokka
Mexíkósk
kjúklingasúpa
FORRÉTTUR
Mexíkósk
kjúklingasúpa
1 kg kjúklingur
2 rauðar paprikur
2 laukar
2 rauðlaukar
17 dl vatn
400 gr rjómaostur
10 dl matreiðslurjómi
2 stk tómatpure í dós
2 dósir hakkaðir tómatar
3 teningar grænmetiskraftur
kryddað með salt og pipar
Aðferð: Steikið kjúklingabita
á pönnu, einnig lauk og
rauðlauk, allt sett saman í pott
og látið malla í 25 mín.
Gott er að setja blátt Doritos
snakk og rifinn ost yfir súpuna
þegar búið er að setja hana í
skálar.
Hjónin Benedikt Guðni Benediktsson stálsmiður
og Sigrún Birna Gunnarsdóttir tanntæknir eru
matgæðingar að þessu sinni. Þau eiga og reka
sauðfjárbú á Bergsstöðum á Vatnsnesi og starfa nú
eingöngu við búskapinn.
„Við keyptum jörðina og tókum við búskapnum í lok árs
2005 og búum hér ásamt börnunum okkar fjórum, þau eru:
Rakel Jana 14 ára, Arnheiður Diljá 9 ára, Ástvaldur Máni 5
ára og Emelía Íris 2 ára. Við þökkum vinum okkar þeim Leó
og Ölmu Láru kærlega fyrir áskorunina og okkur langar
til að skora næst á Þórdísi systir Benedikts og mann hennar
Unnstein en þau eru vön að töfra fram dýrindisrétti.
Við ætlum að deila með ykkur uppskrift að mexíkóskri
kjúklingasúpu sem hentar jafnt í saumaklúbbinn eða
fermingarveisluna, indónesískum lambakjötsrétti sem vekur
alltaf mikla lukku og heimagerðum ís.
AÐALRÉTTUR
Indónesískur
lambakjötsréttur
800 gr lambakjöt
1 stk laukur
1 stk hvítlauksrif
2 stk epli
1 stk appelsína
400 gr tómatsósa
1 dós tómatmauk
1,5 dl vatn
2 msk púðursykur
2 tsk sterkt karrý
örlítið salt
1 stk kjúklingateningur
1 dl rúsínur
Aðferð: Skerið lambakjötið
í bita, hitið olíu á pönnu og
brúnið kjöt, lauk og hvítlauk í
potti. Skerið epli og appelsínu
í bita, allt sett út í pottinn og
látið malla við vægan hita í
45 mínútur, hrærið í af og til.
Kryddið eftir smekk.
Meðlæti: Ferskt salat, kartöflur
og hrísgrjón.
EFTIRRÉTTUR
Toblerone ís
1 l rjómi, þeyttur
10 eggjarauður
10 msk sykur
100 gr Toblerone, rifið
vanilludropar eftir smekk
Aðferð: Þeytið eggjarauður og
sykur þar til hræran verður létt
og ljós. Bætið rifnu súkkulaði
út í, ásamt vanilludropunum
og hrærið rjómanum varlega
saman við með sleif, frystið t.d
í jólakökuformi.
Verði ykkur að góðu!