Feykir - 22.03.2012, Blaðsíða 5

12/2012 Feykir 5
( RABB-A-BABB ) oli@feykir.is
Muggi
NAFN: Guðmundur St. Ragnarsson, betur þekktur sem ,,Muggi“
á gömlu heimaslóðunum.
ÁRGANGUR: Ég kom í heiminn á hinu heilaga ári 1969.
FJÖLSKYLDURHAGIR: Faðir Ragnars Darra (18) og Gylfa Steins
(15). Á heimilinu eru 2 norskir skógarkettir, Atlas von
Ásvallagata og Ottó Fýrsson.
BÚSETA: Ásvallagata, 101 Reykjavík.
STARF / NÁM: Ég starfa sem lögmaður í Reykjavík hjá Versus
lögmönnum og Verjendum. Lögfræðingur frá HÍ og stúdent
frá FáS (nú FNV).
BIFREIÐ: Gráleit af millistærð, ættuð frá landi sólarinnar.
HESTÖFL: Mættu vera fleiri.
HVAÐ ER Í DEIGLUNNI: Að verja mann og annan.
Hvernig hefurðu það? Svona B+
takk fyrir.
Hvernig nemandi varstu? Ég fékk
ávallt topp einkunn fyrir hegðun
enda vel upp alinn við ósa Blöndu.
Annars oftast B+ nemandi.
Hvað er eftirminnilegast frá ferm-
ingardeginum? Að bekkjarbróðir
minn og pabbi hans voru mjög
uppteknir af því að skoða og læra
á fermingargjöfina (Casio tölvuúr)
í athöfninni miðri. Annars var
tilfinningin bara góð að staðfesta
skírnina.
Hvað ætlaðir þú að verða þegar
þú yrðir stór? Íþróttakennari.
Hvað hræðistu mest? Að himn-
arnir falli á hausinn á mér og að
bensínlíterinn hækki á morgun, og
hinn og hinn…
Hver var fyrsta platan sem þú
keyptir (eða besta)? Back in
Black (AC/DC). Sú besta er The
Bends með Radiohead.
Hvaða lag er líklegast að þú takir
í Kariókí? Það er ekki séns! Mér
þykir vænt um fólk.
Hverju missirðu helst ekki af í
sjónvarpinu (fyrir utan fréttir)?
Mér finnst gaman af American Idol
sem er ákveðin þversögn í ljósi
síðasta svars.
Hvað fer helst í innkaupakröfuna
sem ekki er skrifað í tossa-
miðann? Fanta, 2 lítra.
Hvað er í morgunmatinn? Hafra-
grautur með rúsínum og eplum.
Uppáhalds málsháttur? Víst ávallt
þeim vana halt, að vera hress og
drekka malt!
Hvaða teiknimyndapersóna
höfðar mest til þín? Viggó Viðutan
klárlega. Finn líka til samkenndar
með Ástríki gallvaska þótt ég noti
ekki stera eða fíkniefni.
Hver er uppáhalds bókin þín?
Biblían er bók bókanna. Lord of
the Rings kemur næst.
Ef þú gætir hoppað upp í
flugvél og réðir hvert hún færi,
þá færirðu… Hef langað til að
fara til Colorado og Utah, fylkja í
Bandaríkjunum.
Hvað fer mest í taugarnar á þér
í fari þínu? Hvatvís og að eiga
erfitt með að segja nei. Svara
með tveimur svörum þegar ég er
spurður einnar.
Hvað fer mest í taugarnar á þér í
fari annarra? Hroki og þröngsýni.
Enski boltinn – hvaða lið og af
hverju? Liverpool. Liðið valdi mig
- óumflýjanleg en yndisleg örlög
árið 1974.
Hvaða íþróttamanni hefurðu
mestar mætur á? Lionel Messi er
ótrúlegur íþróttamaður, goðsögn
í lifandi lífi og heilsteypt persóna.
Michael Jordan var frábær þegar
hann var í NBA.
Heim í Búðardal eða Diskó
Friskó? Það bíður mín ekkert
brúðarval í Búðardal þannig að
það hlýtur að vera Diskó Friskó
enda ljómandi hressandi.
Hver var mikilvægasta persóna
20. aldarinnar að þínu mati?
Winston Churchill (og líka J.R.R.
Tolkien).
Ef þú ættir að dvelja aleinn á
eyðieyju, hvaða þrjá hluti tækirðu
með þér? iPhone með GPS,
Biblíuna og vel byggðan árabát.
Hver væri titillinn á ævisögu
þinni? „Ég vildi bara vera ofurhetja
– saga lögfræðings úr Húnaþingi.“
ÍÞRÓTTAFRÉTTIR FEYKIS > www.feykir.is/ithrottir
Tindastóll og Þór Þorláks-
höfn mættust í skemmti-
legum körfuboltaleik í
Síkinu sl. föstudagskvöld.
Grindavíkurbanar Benna
Guðmunds mættu fjallbrattir
til leiks eftir að hafa á
dögunum lagt meistarana úr
Grindavík öðru sinni í vetur,
höfðu þó ekki erindi sem
erfiði gegn Stólunum sem hafa
þrívegis lagt spræka Þórsara í
parket í vetur. Þeim finnst því
sennilega skemmtilegra að
mæta meisturunum en
Tindastólsmönnum. Úrslit
kvöldsins voru 97-80 fyrir
Tindastól en leikurinn var jafn
og spennandi framan af en í
fjórða leikhluta tóku Stólarnir
völdin.
Stig Tindastóls: Miller 25 stig/7 fráköst,
Allen 25/9, Tratnik 11/10, Hreinsi 9,
Helgi Margeirs 8, Rikki 7, Þröstur 6 og
Helgi Rafn 6/8.
Á sunnudagskvöld heimsótti
Tindastóll Snæfellinga í
Stykkishólm í baráttuleik en
bæði lið gerðu tilkall til sjötta
sætis í Iceland Express
deildinni. Með sigri hefðu
Stólarnir tryggt sér sæti í
úrslitakeppninni en tap varð
staðreynd eftir að Snæfell átti
Iceland Express deildin
Stólarnir öruggir
góðan endasprett í leiknum.
Lokatölur í Hólminum voru
89-80.
Stig Tindastóls: Allen 28, Miller 20, Helgi
Freyr 7, Hreinsi 6, Þröstur 6, Helgi Rafn 6,
Tratnik 4 og Rikki 3.
Öruggir í úrslitakeppnina
Ljóst er að eftir leik ÍR og
Keflavíkur sl. mánudagskvöld
er Tindastóll kominn áfram í
úrslitakeppnina þar sem ÍR,
sem mögulega gat náð
Tindastóli að stigum, tapaði
sínum leik.
Í kvöld koma Njarðvíkingar
í heimsókn á Krókinn og
ræðst þá hvort Tindastóll
haldi 7. sætinu eða missi það
til gestanna sem nú sitja í 8.
sæti. /PF & ÓAB
Fyrsti leikur lengjubikarsins
hjá Meistaraflokki kvenna í
Tindastól fór fram í
Boganum á sunnudags-
kvöld er stelpurnar mættu
liði Hattar frá Egilsstöðum.
Þrátt fyrir að leikurinn hafi
tapast 5-0 segir Pétur
Björnsson þjálfari liðsins að
batamerki væri á liðinu frá
síðasta æfingaleik sem var
við Þór Ak. -Mörk Hattar komu eftir
stungusendingar inn fyrir
vörnina og eitt úr horni. Okkar
lið var þó líka að sækja og það
gefur góð fyrirheit.
Það er greinilegt að flestar
eru að komast í gott líkamlegt
form þó svo að við eigum eftir
að vinna í snerpu og hraða.
Stelpurnar hafa verið að lyfta
frá því í janúar og vinna í
þrekþættinum og því eru þær
ekki eins snarpar og ætlast er til
að þær verði þegar undir-
búningstímabilinu lýkur. En
framundan er að vinna í taktík
liðsins og gera það að heil-
steyptri liðsheild fyrir Íslands-
mót, segir Pétur en stelpurnar
munu spila æfingaleik við
Álftanes 30. þessa mánaðar.
-Síðan verðum við á æfingum á
Akranesi í tvo daga eftir það og
svo munum við fara í æfinga-
ferð til Spánar um páskana, þar
sem einnig verður spilað við
spænskt lið, en aðal atriðið í
þessum tveimur ferðum er að
komast á völl í fullri stærð og
geta unnið í taktík liðsins. Við
Tuðruþeytingur
Tap í fyrsta leik
hjá stelpunum
ÍÞRÓTTAMOLAR
Frjálsíþróttasambands Íslands
Friðrik heiðraður
fyrir vel unnin
störf
Friðrik Steinsson, formaður
Frjálsíþróttaráðs UMSS, var
heiðraður á þingi Frjáls-
íþróttasambands Íslands sem
haldið var á Selfossi dagana
16.-17. mars. Friðriki var fært
silfurmerki FRÍ fyrir vel unnin
störf í þágu frjálsíþróttanna,
samkvæmt heimasíðu Tinda-
stóls.
Á þinginu var einnig
kjörinn nýr formaður FRÍ,
Jónas Egilsson og Ásbjörn
Karlsson var endurkjörinn
formaður laganefndar FRÍ.
Jónas hefur verið framkvæmd-
astjóri sambandsins frá 2010
og gegndi áður formennsku á
árunum 1997-2006. /BÞ
Mikið um að vera á skíðunum
Unnu til fjölda
verðlauna
Skíðadeild Tindastóls sendi
keppendur á Jónsmót 9-12 ára
og meistaramót SKÍ 11-12 ára
á Dalvík um síðustu helgi. Að
sögn Sigurðar Bjarna Rafns-
sonar formanns skíðadeildar
Tindastóls stóðu þau sig öll vel
og unnu til fjölda verðlauna á
mótunum.
Margt skemmtilegt er
framundan hjá skíðadeildinni
en um næstu helgi verður
haldið Sauðárkróksbakarís-
mót í Tindastóli þar sem allir
sem vilja geta verið með.
Keppt verður í öllum aldurs-
flokkum bæði í svigi og stór-
svigi. /PF
Sund
Skriðsund fyrir
fullorðna
Sunddeild Tindastóls býður
fullorðnu fólki upp á
skriðsundsnámskeið fyrir
byrjendur og lengra komna,
sem og þeim sem vilja bæta
tækni í öðrum sundgreinum.
Byrjað var sl. þriðjudag en
kennari er Sigurjón Þórðarson.
/PF
verðum að gera okkur grein
fyrir því að stelpurnar hafa ekki
sama möguleika og önnur lið til
að vinna markvisst í taktík
vegna vallaraðstæðna og því
verðum við að nýta tímann vel
þegar við komumst á velli í
fullri stærð.
Pétur segir að stelpurnar eigi
mikið lof skilið fyrir dugnaðinn
í vetur, þær hafi verið mjög
samviskusamar við æfingar og
ekki vílað fyrir sér að mæta í
ræktina snemma á morgnanna
og er hann bjartsýnn á það að
vinna vetrarins og sú vinna sem
framundan er eigi eftir að skila
stelpunum góðum úrslitum í
sumar.
Nokkrar breytingar hafa
verið á liðinu frá fyrra tímabili
og má þar nefna að Rakel
Hinriksdóttir Más Jónssonar á
Syðstu-Grund kemur frá KA/
Þór og þá er ljóst að Tóta mun
ekki verja markið í sumar þar
sem erfingi er á leiðinni hjá
henni. /PF