Feykir - 22.03.2012, Blaðsíða 10

10 Feykir 12/2012
Hönnunarkeppni í
félagsmiðstöðinni á Hofsósi
Ýmislegt
varð að
skrauti
Fyrir skömmu var haldin í
félagsmiðstöðinni á Hofsósi keppni
í hönnun og stíl og tókst vel að sögn
aðstandenda. Fimm þriggja manna lið
kepptu sín á milli og er óhætt að fullyrða
að það sé góð þátttaka í svo litlum skóla
sem raun ber vitni.
-Hvert lið fékk eins poka með ýmsum
hlutum sem þau þurftu að nota í hönnuninni
og var einstaklega gaman að sjá hvernig
þau notfærðu sér þá á fjölbreytta vegu, segir
Valdís Hálfdánardóttir starfsmaður hjá
frístundasviði sem aðstoðaði keppendur en
pípuhreinsarar urðu að hálsmenum, blöðrur
að hárskrauti og krempappír að hátískuskarti
hjá þeim. Liðin höfðu tvær klukkustundir
til að fullvinna módelið og veitti dómnefnd
tvenn verðlaun, fyrir 1. sæti og fyrir
frumlegustu hugmyndina. Myndir: Valdís /PF
Árshátíð Varmahlíðarskóla
í Miðgarði
Ungir og
upprennandi
Krakkarnir í Varmahlíðarskóla sýndu stjörnuleik
fyrir fullu húsi þegar Árshátíð yngri nemenda
skólans var haldin sl. laugardag. Leikritið sem
krakkarnir sýndu kallast Ljónið og er leikgerð
byggð á vinsælu Disney teiknimyndinni Konung
ljónanna, í íslenskri þýðingu Ólafs S. K. Þorvaldz.
Ísgerður Elfa Gunnarsdóttir sá um leikstjórn.
Nemendur og starfsfólk skólans lögðu greinilega
heilmikla vinnu í að gera sýninguna sem glæsilegasta
og augljóslega miklar æfingar sem liggja að baki.
Áhorfendur nutu sýningarinnar í botn, þar var mikið
hlegið og klappað og börn í salnum fylgdust heilluð
með leikritinu. Hér má sjá nokkrar myndir sem
blaðamaður Feykis smellti af ungu og upprennandi
leikurunum. /BÞ