Feykir - 29.03.2012, Blaðsíða 9

13/2012 Feykir 9
Næturgárun
Gillon með nýja plötu
Út er komin platan Næturgárun með Gillon en bak við það listamanns-
nafn leynist Skagfirðingurinn Gísli Þór Ólafsson. Næturgárun er fyrsta plata
höfundarins sem áður hefur gefið út fimm ljóðabækur á tímabilinu 2006-
2010. Gísli er einn úr áhöfn hinnar mögnuðu hljómsveitar Contalgen Funeral
sem hefur gert garðinn frægan á útvarpsstöðvum landsins. Feykir sendi Gillon
nokkrar laufléttar spurningar í tilefni útgáfunnar.
Hvernig myndir þú lýsa
Næturgárun?
Platan er safn níu laga sem
samin voru á tímabilinu
1997-2010 og valin framyfir
tvær aðrar plötuhugmyndir
sem eru á teikniborðinu. Mig
langaði til að fyrsta platan
væri ögn aðgengilegri en hinar
plötuhugmyndirnar tvær og
valdi efni á hana með það í
huga.
Hvort kemur á undan lagið
eða ljóðið?
Vanalega samdi ég hvorttveggja
samtímis þegar ég var yngri
og var duglegri við það áður
að setjast niður við þá iðju,
en með tímanum hefur ferlið
oft verið lengra frá hugmynd
að lagi. Ef ég les ljóð og finnst
vera lag í því þá sem ég lag við
það og hefur það reynst mér
vel, en frekar við ljóð eða texta
annarra. Ég sem sjaldan texta
einungis til þess að semja lag
við hann og eru útgefin ljóð
mín enn að mestu leyti aðskilin
tónlistinni, þ.e. ekki með
hrynjanda eða hljómfalli.
Setur þú þig í stellingar við
listsköpunina eða kemur
þetta að einhverju leyti af
sjálfu sér?
Þegar ég var yngri þá fór ég
stundum í þá stemningu að
semja lag, sem líka atvikaðist
þegar ég var æfa mig og taka lög
eftir aðra og kannski ruglaðist
á tón eða hljómi (hljómagangi)
og úr varð hugmynd að lagi.
Auk þess hafa kveikjur af
lögum orðið með þeim hætti
að ég fæ frasa í hugann (frekar
en beint laglínu) eða línur sem
gætu verið vænleg byrjun á
texta og sest niður og sem lag
og texta.
Með tímanum (í sumarfrí-
um) hef ég reynt að rækta
þessa aðferð við leikritaskrif,
þ.e. skrifa samtöl eða senur og
semja svo lag sem mér finnst
að það eigi að vera lag. Þetta er
mjög skemmtilegt og felur í sér
að það sprettur ætíð eitthvað
fram sem kemur á óvart. En því
miður er þetta eitthvað sem ég
hef ekki ræktað nógu mikið.
Áttu þér eitthvert uppáhalds
lag á plötunni?
„Ást á internetinu“ er mjög
persónulegt og ég hafði erfiða
útsetningaleið í huga, en með
Fúsa gekk þetta upp og ég varð
mjög glaður þegar það lifnaði
við – einskonar losun.
Vegna aldurs sumra laga
þá get ég stundum hlustað
á þau hlutlaust og er lagið
„Næturkossar“ dæmi um slíkt,
en það lag er rúmlega 10 ára
gamalt og poppaði það upp í
tiltekt þegar ég var að yfirfara
lögin mín af kassettum yfir á
diska fyrir nokkrum árum.
Seiðandi gítartónar Fúsa í
lögunum „Fjólubláir draumar“
og „Um mann og konu“ eru
einnig aðlaðandi.
Hvar er hægt að nálgast
Næturgárun?
Hún er til í Skagfirðingabúð, í
Móðins – hárstofu (hjá Agnesi),
hjá B. Har og í Smekkleysu og
12 tónum fyrir sunnan. Einnig
er hægt að senda mér póst á
netfangið thorgillon@gmail.
com og svo er ég alltaf með
eintök í töskunni og fólk getur
kíkt við á skjalasafnið þar sem
ég vinn.
Hvað er í deiglunni?
Contalgenið er að fara að spila
á Blúshátíð í Reykjavík í byrjun
apríl og leggja lokahönd á
plötu og svo förum við Fúsi að
grunna mína næstu sólóplötu
sem á að innihalda lög mín við
ljóð Geirlaugs Magnússonar
úr bók hans Þrítengt sem
kom út árið 1996, en ég samdi
þessi lög í blábyrjun árs 1999
í kompunni við frystikistuna
í Raftahlíðinni, utan eitt sem
kom árið 2007 er ég leigði
með innbúi á Öldustígnum
en þar var píanó Ögmundar
Svavarssonar í stofunni og
lagið kom eitt kvöldið.
Hvaðan kemur
listamannsnafnið Gillon?
Við vorum nokkrir félagarnir
að sötra bjór á Dillon í
Reykjavík þegar ég var í
háskólanum. Árið var 2003
og þá um haustið birtist í
fyrsta skiptið ljóð eftir mig,
„Ást á suðurpólnum“ í Lesbók
Morgunblaðsins.
Mig langaði að aðskilja
ferlana eða greinarnar með
nafni, en tónlist hefur alltaf
fylgt mér frá því að ég var
krakki og er í raun nr. 1 þrátt
fyrir skemmtilegt daður við
leiklistar- og ljóðlistargyðjurn-
ar, og þarna á Dillon (eða á
leiðinni heim eftirá) spratt
nafnið Gillon uppí hugann. /PF
M
Y
N
D

A
.L
L
e
P
el
le
c
Í blíðunni síðastliðinn
laugardag fóru nokkrir
félagar úr björgunar-
sveitinni Húnum ásamt
öðrum góðum ferðafélögum
vestur á Holtavörðuheiði og
var fyrsta verkefnið að
komast upp á Tröllakirkju
og sinna viðhaldi á VHF
endurvarpa björgunarsveit-
anna. Hann er staðsettur á
toppi fjallsins (1.001
m.y.s.) og hafði verið
bilaður um nokkurn tíma.
Á heimasíðu Húna segir að
ekki hafi viðrað þar til nú til að
sinna viðhaldi á endur-
varpanum en vel gekk að
koma honum í lag og prófanir
gáfu til kynna að hann virkar
jafnvel og áður. /PF
Vestur-Húnavatnssýsla
Húnar á
Tröllakirkju
Þriðja og síðasta mótið í
Grunnskólamótaröðinni var
haldið sl. sunnudag í
Reiðhöllinni á Blönduósi og
var það Varmahlíðarskóli
sem bar þar sigur úr býtum.
Frábær þátttaka var á
mótinu og góð stemming.
Veður var gott og létu
krakkarnir það ekki á sig fá
þótt það hafi rignt í
örstutta stund, segir á
heimasíðu Neista.
Í heildina voru um 60-70
krakkar sem tóku þátt í hverju
móti fyrir sig í vetur. Sem fyrr
segir var það Varmahlíðarskóli
sem vann stigakeppnina og er
þetta fjórða skiptið í röð sem
þeir sigra og hafa því alltaf
unnið. Æskulýðsnefndir
félaganna standa að þessari
mótaröð og þátttökurétt hafa
börn og unglingar á grunn-
skólaaldri sem búa á svæðinu
og keppa í nafni þess skóla
sem þau stunda nám við.
Skólarnir eru alveg ótengdir
mótunum að öðru leiti.
Stigakeppnin fór svo:
1. sæti Varmahlíðarskóli 105 stig
2. sæti Grsk. Húnaþings vestra 94 stig
3. sæti Húnavallaskóli 78 stig
4. sæti Árskóli 42 stig
5. sæti Blönduskóli 39 stig
6. sæti Grunnsk. Austan Vatna 21 stig
/BÞ
Varmahlíðarskóli sigraði
í Grunnskólamótinu
Fjórði
sigurinn í
röð