Feykir - 04.04.2012, Side 2

2 Feykir 14/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Páskar
Til stendur að halda
stórtónleika sunnudaginn
22. apríl en söngfólk úr
kórum í Austur og Vestur
Húnavatnssýslum eru að
æfa söngdagskrá fyrir
tónleikana sem haldnir
verða í Blönduóskirkju og á
Hvammstanga. Á
efnisskránni er messa
Franz Schuberts í 9 liðum
auk tónlistar útsettri af
Gunnari Gunnarssyni.
Stjórnendur kóranna eru
Sólveig Sigríður Einarsdóttir,
Sigrún Grímsdóttir og Pálína
Fanney Skúladóttir en sr.
Sveinbjörn Einarsson verður
kynnir. Dagskráin verður
nánar auglýst þegar nær
dregur. /BÞ
Stórtónleikar
Krefjandi
verkefni
Nú fer páskahátíð í hönd og allir hlakka til kærkominna
frídaga með ótal veislum og súkkulaðiáti. Öll vitum við hvað
gerðist þá daga er merktir eru með rauðu á dagatalinu þ.e. á
skírdag, föstudaginn langa og sjálfan páskadag. En páskarnir
eiga lengri sögu því samkvæmt Wikipedia eiga páskarnir
uppruna í útför Gyðinga af Egyptalandi (Exodus) er Móses
leiddi Ísraelsmenn út úr ánauðinni hjá faraó, gegnum
Rauðahafið og eyðimörkina í átt til hins fyrirheitna lands
eins og sagt er frá í Biblíunni. Þar segir að Guð hafi sagt
Móses að hann ætli að „fara um Egyptaland og deyða alla
frumburði í Egyptalandi, bæði menn og fénað“ svo að faraó
sleppti gyðingum úr landi. Til þess að Guð gæti þekkt hvar
gyðingarnir bjuggu var þeim uppálagt að slátra lambi og
ríða blóði þess á dyrastafi hýbýla sinna. Pesah (páskar) hefur
í þessum texta verið þýtt sem „framhjáganga“ vegna þess að
Drottinn hét að „Er ég sé blóðið, mun ég ganga fram hjá
yður, og engin skæð plága skal yfir yður koma, þegar ég slæ
Egyptaland“.
Samkvæmt frásögum í Nýja testamentinu bar handtöku
og krossfestingu Jesú upp á páskahátíð gyðinga. Páskalambið
varð að tákni fyrir Jesú í hugum kristinna manna því honum
var fórnað á sama hátt og lambinu. Það er gott að hafa þetta
í huga þegar við kýlum vömbina um helgina. En Kristnir
menn halda páskadaginn sem gleði og fagnaðardag því
Jesús lifði þrátt fyrir að hafa verið tekinn af lífi á krossinum
og það gerir páskana að mestu hátíð kristinna manna og
forsendu kristinnar trúar.
Gleðilega páska.
Páll Friðriksson
ritstjóri
Varmahlíðarskóli varð
hlutskarpastur í sínum riðli
í Skólahreysti sem fram fór
á Akureyri í síðustu viku og
er þar með kominn í
úrslitakeppnina sem fram
fer þann 26. apríl í
Laugardalshöll.
Skagfirsku skólarnir í
Varmahlíð, austan Vatna og á
Sauðárkróki röðuðu sér í þrjú
efstu sætin en Húnavallaskóli
kom þar næstur. /PF
Varmahlíðarskóli
Í úrslitum í
Skólahreysti
Húnvetningur tekur sæti á Alþingi
Fundir fram á nætur
Húnvetningurinn Telma
Magnúsdóttir tók sæti á
Alþingi í síðustu viku en
hún var varamaður fyrir Lilju
Rafneyju Magnúsdóttur,
sem var stödd erlendis, og
starfaði þar í fjóra daga.
Telma hafði ekki sest á þing
áður og því undirritaði hún
drengskaparheit sitt áður en
hún settist á þingbekk. Á þingi
fékk hún tækifæri til að koma
skoðunum sínum á framfæri
varðandi ýmis mál og senda inn
skriflegar fyrirspurnir um mál
sem varða okkar kjördæmi,
ferðaþjónustu og náttúru-
vernd. „Þetta var skemmtileg
upplifun og ég er reynslunni
ríkari. Það er vissulega margt
sem kom á óvart, bæði jákvætt
og neikvætt,“ sagði Telma og
bætir við að hún telji það vera
hollt að setjast þarna inn í svo
stuttan tíma, því viðkomandi
sér hlutina líklega í allt öðru
ljósi en þeir sem hafa verið
þarna í lengri tíma. „Maður
tekur þátt af fullum krafti en á
sama tíma horfir á úr fjarlægð.
Það eru margir hlutir sem ég
myndi vilja sjá unna á allt annan
hátt en tíðkast nú en um leið
átta ég mig á að því verður ekki
breytt svo auðveldlega,“ segir
Telma. „Mér myndi til dæmis
þykja vænt um að sjá þingmenn
og -konur bera meiri virðingu
fyrir hvort öðru.“
Viðtal við Telmu verður birt
í næsta tölublaði Feykis. /BÞ
Skagfirska hljómsveitin
Funk that Shit! hafnaði í
þriðja sæti í Músíktilraunum
2012 á úrslitakvöldi
keppninnar í Austurbæ sl.
laugardags.
Gítarleikar sveitarinnar,
Reynir Snær Magnússon, hlaut
nafnbótina Gítarleikari Músík-
tilrauna 2012 og Guðmundur
Ingi Halldórsson, félagi hans úr
Funk that Shit!, var valinn besti
bassaleikarinn.
Á heimasíðu Rúv.is kemur
fram að hljómsveitin RetRobot
hafi fagnað sigri í keppninni og
í öðru sæti varð hljómsveitin
Þoka. Hljómborðsleikari
Músíktilrauna er Heimir
Klemensson úr Þoku, trommari
ársins var valinn Sólrún Mjöll
Kjartansdóttir úr White Signal
og rafheili ársins er Daði Freyr
Pétursson úr RetRobot. Söng-
varaverðlaunin hlaut Agnes
Björgvinsdóttir úr hljómsveit-
inni Þoku. Hljómsveit fólksins
var hljómsveitin White Signal
en hún var valin í símakosningu.
/BÞ
Músíktilraunir 2012
Funk that Shit! í þriðja
AÐSENT FRÉTTATILKYNNING FRÁ KVENFÉLAGI SEYLUHREPPS
Kvenfélag Seyluhrepps 80 ára
Nýlega var haldinn í Miðgarði
aðalfundur Kvenfélags
Seyluhrepps.
Þau mannaskipti urðu í stjórn
að við formennsku tók Sigríður
Helgadóttir í Víðiholti af Elínu
Sæmundsdóttur, Ytra-Skörðu-
gili. Er stjórnin þannig skipuð
nú að formaður er Sigríður
Helgadóttir, Víðiholti, gjaldkeri
er Jóna Ó. Jónsdóttir, Varma-
hlíð og ritari er Linda Björns-
dóttir, Halldórsstöðum.
Skráðir félagar eru nú 34 og
hefur félagatalan aukist jafnt og
þétt undanfarin ár.
Á þessu ári verður Kven-
félagið 80 ára og í tilefni þess
færði það Grunnskólanum í
Varmahlíð nokkra fjárupphæð
sem verja skal til heimilisfræði-
og textíl kennslu skólans. Við
gjöfinni tók Ágúst Ólason
skólastjóri.
Þess má geta að á síðasta ári
var veitt úr Minningarsjóði
Sigurlaugar Sigurðardóttur frá
Fjalli, peningaupphæð til Tón-
listarskólans í Varmahlíð sem
varið var til kaupa á nýju raf-
magnspíanói sem notað er við
kennslu þar. Minningarsjóð-
inn stofnaði Kvenfélagið til
heiðurs sínum fyrsta formanni.
Á myndinni eru þær konur sem færðu skólanum gjöfina, frá vinstri talið: Elín, Jóna, Sigríður auk
kennaranna Þyreyjar handmenntakennara og Bryndísar heimilisfræðikennari.
Nemendafélag FNV
Ósátt vegna
Söngkeppni fram-
haldsskólanna
Stjórn Nemendafélag
Fjölbrautaskóla Norðurlands
vestra er afar ósátt við
hvernig mál hafa þróast
vegna Söngkeppni
framhaldsskólanna en hún
hefur tekið breytingum frá
því sem verið hefur. Lögin
verða nú tekin upp og sýnd
á Mbl.is og þeim gefið
atkvæði með sms
kosningu.
Keppnin hefur verið haldin
á Akureyri síðustu fimm ár og
tekist vel að flestra mati en nú er
ætlunin að hún fari fram í
Reykjavík. Þeir tólf flytjendur
sem fá flest atkvæði fá að taka
þátt í aðalkeppninni sem fram
fer 21. apríl í beinni útsendingu
á RÚV en ljóst má vera að
fjölmennustu skólarnir hljóta
að hafa forskot á hina smærri í
sms kosningu.
Nemendafélagið FNV hefur
sagt sig úr Sambandi íslenskra
framhaldsskólanema og í
yfirgripsmikilli yfirlýsingu sem
það sendi frá sér er skorað á
stjórn Sambands íslenskra
framhaldsskólanema að segja af
sér í kjölfar mislukkaðra
breytinga. /PF