Feykir - 03.05.2012, Side 4

4 Feykir 17/2012
AÐSENT ÁSMUNDUR EINAR DAÐASON SKRIFAR
Skattaafsláttur vegna
aksturs til og frá vinnu
Atvinnusvæði hafa stækkað
og breyst á undanförnum
árum sem hefur valdið
auknum akstri margra til og
frá vinnu. Víða á
landsbyggðinni eru engar
almenningssamgöngur og því
um fátt annað að ræða en
notast við einkabílinn. Á
norðurlöndum er kerfi sem
gerir ráð fyrir
skattaívilnunum til fólks sem
býr við þessar aðstæður.
Í Danmörku geta launþegar
fengið sérstakan skattafslátt ef
vinnustaður er í meira en 12
km fjarlægð frá heimili hans.
Fólk á jaðarsvæðum getur
síðan fengið 2 danskar krónur
(DKR) í skattafslátt fyrir hvern
kílómetra sem ekið er umfram
24 km á hverjum vinnudegi.
Jaðarsvæðin eru skilgreind út
frá ákveðnum þáttum, t.d.
lágum tekjum, þar sem tekjur
á hvern íbúa fara ekki yfir 90%
af landsmeðaltali en einnig er
litið á íbúaþróun við mat á
jaðarsvæðum.
Í Svíþjóð er veittur
skattafsláttur ef eitthvert
eftirtalinna atriða á við: Meira
en 5 km eru á milli heimilis og
vinnustaðar, launþegi sparar
samanlagt tvær klukkustundir
í ferðatíma við að nota bíl
fremur en opinber samgöngu-
tæki eða þegar farið er á bíl
minnst 60 daga á ári og 300
mílur eknar í tengslum við
starf. Skattafsláttur er einungis
veittur fyrir útgjöld umfram
9.000 sænskar krónur (SEK).
Taxtinn er 18,50 SEK fyrir
hverja mílu sem ekin er.
Í Noregi er svipað fyrir-
komulag og í Danmörku og
Svíþjóð þegar kemur að
skattafslætti vegna aksturs í og
úr vinnu. Taxtinn fyrir árið
2011 er 1,50 norskar krónur
fyrir hvern kílómetra að frá-
dregnum neðri mörkum,
13.700 NKR (taxti fyrir árið
2010 samkvæmt Skatt Midt-
Norge). Dæmið gæti því litið
svona út hjá einstaklingi sem
ekur 25 km hvora leið í eitt ár
(230 vinnudagar):
25x2x1,5×230–13.700 = 3.550
NKR í skattafslátt á ári. Þetta
gera 78.000 krónur á ári fyrir
þá sem þurfa að aka 25 km til
vinnu daglega.
Fyrir páska lagði Framsókn-
arflokkurinn fram þingsálykt-
unartillögu sem felur fjár-
málaráðherra að móta
sambærilega skattaumgjörð og
tíðkast í ofangreindum
löndum. Undirritaður er með-
flutningsmaður þessarar
tillögu en fyrsti flutningsmaður
hennar er Sigurður Ingi
Jóhannsson þingmaður Fram-
sóknarflokksins í suðurkjör-
dæmi.
Ásmundur Einar Daðason
Alþingismaður
Framsóknarflokksins
Blönduósbær
Framkvæmdastjóri
Þekkingarseturs á Blönduósi
Blönduósbær, Húnavatnshreppur, Heimilis-
iðnaðarsafnið ses.,Textílsetur Íslands ses.,
Laxasetur Íslands ehf., Háskólinn á Hólum,
Samtök sveitarfélaga á Norðurlandi vestra,
Landsvirkjun og Farskólinn – Miðstöð
símenntunar á Norðurlandi vestra hafa stofn-
að Þekkingarsetur sem hefur það að mark-
miði að stuðla að aukinni þekkingu og fjöl-
breytni atvinnulífs í Austur-Húnavatnssýslu
með fræðslustarfi, eflingu háskólamennt-
unar, vísindarannsóknum og nýsköpun á
sviðiTextíls, Hafís/ Strandmenningar og Lax-
fiska.
Óskað er eftir starfsmanni í 50% starf fram-
kvæmdastjóra setursins. Starfið er staðsett á
Blönduósi.
Helstu verkefni:
daglegur rekstur setursins og samræming
starfseminnar
hafa frumkvæði að stefnumótun í samráði
við stjórn
samskipti við stjórn og samstarfsaðila
skipulagning og stjórnun viðburða á
vegum þekkingarsetursins
afla fjármagns til reksturs og verkefna se-
tursins
tengiliður/fulltrúi setursins vegna þróunar
rannsóknarverkefna tengd áhersluþáttum
setursins
samskipti við fyrirtæki og stofnanir á
starfssvæði setursins
Hæfnikröfur:
reynsla af stjórnun og rekstri
framhaldsmenntun á háskólastigi æskileg
ríkir samstarfshæfileikar og hæfni til að
leiða saman ólíka hópa fólks
góð tungumálakunnátta
Umsóknarfrestur er til og með 7. maí 2012.
Umsóknir skulu sendar á netfangið
arnar@blonduos.is
Skorað á Alþingi að samþykkja ekki frumvörp ríkisstjór-
Sameiginleg mótmæli
34 sveitarfélaga
Eitthundrað þrjátíu og þrír sveitarstjórnar-
menn frá þrjátíu og fjórum sveitarfélögum á
landsbyggðinni hafa að beiðni formanns
byggðarráðs Sveitarfélagsins Skagafjarðar
sent frá sér ályktun þar sem Alþingi er
sterklega varað við því að samþykkja
fyrirliggjandi frumvörp ríkisstjórnarinnar til
laga um stjórn fiskveiða og veiðigjöld.
Stefán Vagn Stefánsson formaður byggðarráðs
Svf. Skagafjarðar segir sveitastjórn hafa þungar
áhyggjur af framkomnu frumvarpi og telji að með
því sé vegið að grunnstoð atvinnulífs í héraði sem
geti haft alvarlegar afleiðingar fyrir fjárhagslega
afkomu sveitarsjóðs. Stefán segir að um mikinn
tilflutning á fjármagni sé að ræða af landsbyggðinni
og til höfuðborgarsvæðisins og að nauðsynlegt sé
að endurskoða frumvörpin og láta fara fram
óháða úttekt á þeim gagnvart sveitarfélögum
landsins sem og einstökum landshlutum.
Ályktunin er eftirfarandi: „Við undirrituð
vörum Alþingi sterklega við því að samþykkja
fyrirliggjandi frumvörp ríkisstjórnarinnar til laga
um stjórn fiskveiða og veiðigjöld.
Greinargerð óháðra sérfræðinga, sem fylgir
frumvörpunum og sem unnin var að beiðni
sjávarútvegs-og landsbúnaðarráðuneytisins, ætti
að hvetja löggjafann að staldra við og ígrunda
gaumgæfilega áhrif lagasetningarinnar á rekstur og
afkomu sjávarútvegsfyrirtækja og á sjávarbyggðir
landsins.
Sérfræðingarnir búast við „umhleypingum á
næstu árum meðan útgerðin lagar sig að breyttum
aðstæðum“ og segja að áformuð lagasetning muni
verða „mjög íþyngjandi fyrir rekstur sjávarútvegs-
fyrirtækja“. Enn fremur að hækkun veiðigjalds
muni án efa „kippa stoðum undan skuldsettari
útgerðarfyrirtækjum.“
Þá benda sérfræðingarnir á að byggðaaðgerðir
frumvarpsins séu „ólíklegar til að ná þeim mark-
miðum sem stefnt er að“, enda skorti enn þann
„langtímastöðugleika sem getur skapað grundvöll
fyrir uppbyggingu atvinnulífs í sjávarbyggðum“.
Undirritaðir telja að þessi varnaðarorð, sem
fylgja frumvörpunum, séu meira en næg ástæða
fyrir alþingismenn til að leggja málin til hliðar
frekar en að stuðla að því að lögfesta þau og stuðla
þannig að „umhleypingum“ með alvarlegum
afleiðingum fyrir fólk og fyrirtæki í sjávarbyggðum
landsins, m.a. mögulegri lækkun launa sjómanna
og fiskverkafólks, lækkunar útsvarstekna sveitar-
félaga, minni fjárfestingagetu sjávarútvegsfyrir-
tækja á landsbyggðinni og þar með enn minni
atvinnuuppbyggingu á landsbyggðinni en nú er.
Við slíkt verður ekki unað.“
/PF
Björgunarsveitin Strönd á Skagaströnd
Kaupir björgunarbát
Björgunarsveitin Strönd á
Skagaströnd keypti björg-
unarbát af Björgunarsveit-
inni Ársæli á Höfuðborgar-
svæðinu fyrir skömmu.
„Eftir skoðun og leiðbein-
ingar á tækjum var gengið frá
kaupum og bátnum pakkað
undir segl – og drifið sig aftur
norður,“ segir á facebook-síðu
Ársæls. Samkvæmt síðunni
skruppu félagarnir í Björgunar-
sveitinni Strönd suður yfir Kjöl í
gær og renndu í hlað í Gauja-
búð, á Seltjarnarnesi, á mínút-
unni 17:00 til að skoða og kaupa
björgunarbátinn.
Ársæll óskaði þeim loks til
hamingju með bátinn, og það
gerir Feykir einnig. /BÞ
Björgunarsveitarmenn frá Strönd og Ársæli handsala kaupin. Mynd: BJSV Ársæll.