Feykir - 03.05.2012, Page 9

17/2012 Feykir 9

Heilir og sælir lesendur góðir.
Gaman að byrja þáttinn okkar að þessu sinni
með fallegri vísu eftir minn góða vin Grím
Gíslason frá Saurbæ í Vatnsdal.
Oft er leiðin okkur hál
og af gæðum skorið.
Syngjum þó um sumar mál
sólskinið og vorið.
Önnur ágæt vorvísa kemur hér eftir Grím.
Ef að vaka okkar þrár
og þörf til bjartra nátta.
Varla sígur svefn á brár
og seint farið að hátta.
Nú á vel við að leita í smiðju Ágústs
Guðbrandssonar með næstu vísu. Getur hún
með réttu kallast vorvísa.
Nú er dátt í austanátt
ylsins máttur vakinn
en vestan þráttgjörn veðra gátt
í vítis náttstað hrakin.
Önnur mögnuð hringhenda sem tengist
vorinu kemur hér eftir Ágúst.
Opnar fangið eygló væn
engi og drangar hlýna.
Jörðin angar gróður græn
geislar á vanga skína.
Ágúst mun hafa staðið í einhverjum deilum
við samferðamann á lífsins leið er hann orti
svo svakalega.
Svipt er fólið andans yl
illum skóla hlýðið.
Kjaftaólar teygjast til
tungan gólar níðið.
Þá er til þess að taka að í síðasta þætti birtist
vísa sem talin var eftir Jón á Gilsbakka. Hafa
nú tveir góðir vísnavinir úr Skagafirði haft
samband og ber þeim saman um að hún sé
eftir Hjörleif Kristinsson. Mun tilefnið hafa
verið það að gangnamaður úr Skagafirði
villtist og mun hafa farið suður Sprengisand.
Kann ég því miður ekki þá sögu til að geta
farið glöggt með. Þakka fyrir þessar góðu
upplýsingar. Einhverju sinni fyrir margt
löngu birtist í auglýsingablaði eftirfarandi
auglýsing. Ekki var getið um höfund en
undir stóð Skipaútgerð ríkisins. Mun þetta
reyndar hafa verið árið 1955.
Þó að breyti um bros og svip
bæði lönd og þjóðir.
Munið ykkar eigin skip
Íslendingar góðir.
Mikið finnst mér freistandi að rifja upp
meira af kveðskap snillinganna. Einhverju
sinni munu fjórir af þeim hafa farið til
Vestmannaeyja og ort þar kvöldstund í
samkomuhúsinu. Voru það auk Sveins,
Vísnaþáttur 569
Guðmundur, Helgi og Karl. Fyrsta fyrripart
Sveins botnar Karl svo.
Fold er þakin freðnum snjó
finn ég tak í baki.
Einn á skaki út á sjó
og í makahraki.
Næsta botn á Helgi Sæm.
Heyri ég vorsins hörpuslátt
hrím þó falli á jörðu.
Veturinn mun víkja brátt
þó vilji beita hörðu.
Eitthvað minnir mig að Sveinn hafi verið
að ávarpa mánann í næstu vísu sem
Guðmundur Sig. botnar svo eðlilega.
Ekki reynist öðrum ver
oft þó væri hálfur.
Því er best að blanda sér
brennivínið sjálfur
Eftir að hafa skráð niður þessa ágætu vísu
fer hausinn á mér að hafa efasemdir. Efast
ekki á nokkurn hátt um að rétt sé farið með
botn Guðmundar. Rifjast þó upp að fyrir
einhverjum árum birti ég vísu í þættinum
sem ég taldi þá góðar heimildir fyrir að væri
eftir Hauk Gíslason frá Eyvindarstöðum.
Var hún svohljóðandi.
Þegar maður orðinn er
eitthvað meira en hálfur.
Þá er best að blanda sér
brennivínið sjálfur.
Þarna kemur í ljós að nærri því er um sama
seinnipart að ræða. Getur verið að menn
yrki svo líkt. Bið lesendur að hafa samband
ef þeir kannast við þessi dæmi. Enn staddur
í Eyjunum góðu botnar Guðmundur svo vel
fyrir Svein.
Lít ég mey með lokka bjarta
logi kviknar mér í brjósti.
Sendi ég þér mitt sjúka hjarta
síðar meir í bögglapósti.
Ljúkum þessum skemmtilegheitum með
botni Helga sem vel á við að ortar séu í
Eyjum.
Hetjuliðið hlakkar til
að hrista af sér bölið.
Veitir þreyttum þrótt og yl
þjóðátíðarölið.
Gaman að hafa möguleika á að leita til
okkar ágæta Gríms Gísla með lokavísuna.
Mun hún gerð í júníbyrjun 1983.
Fýsir mig í fjallasal
frjáls er þar minn andi.
Þegar vakir vor í dal
verður fátt að grandi.
Verið þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )
Eljusemi, úthald,
kjarkur og þor
Tölvupósturinn
Hannes Bjarnason forsetaframbjóðandi
Á Atvinnulífssýningunni sem haldin var á Króknum um síðustu helgi var
forsetaframbjóðandinn Hannes Bjarnason frá Eyhildarholti með sýningarbás
og kynnti framboð sitt og ræddi við gesti og gangandi. Hannes sem nýkominn
er ásamt fjölskyldu sinni til Íslands frá Noregi tók vel í að svara tölvupósti
Feykis sem forvitnaðist lítillega um liðna helgi og baráttuna framundan.
Hvernig fannst þér
sýningin?
Sýningin var bæði Skagafirði
og öllum þeim sem að stóðu til
sóma. Það er alveg ótrúlegt
hversu mikil gróska er í
atvinnulífi svæðisins. Fjöl-
breytileiki var mikill og
skemmtilegur. Skagfirðingar
geta svo sannarlega vel við
unað!
Hvernig voru viðbrögð
sýningargesta við framboði
þínu?
Ég er mjög ánægður við
undirtektir sýningagesta. Fólk
gaf sér tíma til að spjalla og það
er mér mikils virði. Hver
líðandi stundar og liðinna
tíma. Og víðsýnn ætti nýr
forseti þjóðarinnar að vera –
eða hvað!
Hvernig ætlarðu að haga
kosningabaráttunni?
Ég er á ferð um landið, bæði til
að öðlast nýjan skilning á svo
mörgu og til að safna
undirskriftum. Ég stend í öllu
þessu einn og þetta er mjög
mikil vinna. Því vil ég nota
tækifærið og biðja um stuðning
frá öllum þeim sem kunna að
hafa áhuga á framboði mínu,
þ.e. stuðning til að safna
undirskriftum um gjörvallt
land. Ég segi að ég standi einn
að þessu, það er ekki allskostar
rétt því ég er með „eigin
samfylkingu“ með mér, þ.e.
Charlotte og börnin okkar
fjögur!
Nú hafa tveir frambjóð-
endur tekið afgerandi
forystu miðað við skoðana-
kannanir, Þóra og Ólafur
Ragnar. Hverjar telur þú
líkurnar á að þú náir þeim í
kjörfylgi?
Ég veit að hverju ég geng og
hingað til hefur allt farið á þann
veg sem ég bjóst við. Á ferð
minni um landið er ég alltaf að
hitta fólk sem vissi ekki einu
sinni að ég væri í framboði.
Það segir mér að óháðir
fréttaaðilar (RÚV) byrja um-
fjöllun sína af forsetafram-
bjóðendum fjórum vikum of
seint. Hvernig „hlutdrægir“
fjölmiðlar haga sínum skrifum
er þeirra mál.
Mælist ég með 8–10 % fylgi
upp úr miðjum júní þá trúi ég
því að ég eigi þokkalega
möguleika á kjöri. Ég trúi því
að eljusemi, úthald, kjarkur og
þor eigi upp á pallborð hjá
kjósendum, og ekki minnst að
fólk veit hverjir eru á bak við
mig og framboðið.
Þar er bara að finna Hannes,
Charlotte, þeirra fjögur börn
og kjósendur – engar gamlar
átakalínur þar, nei! Að sjálf-
sögðu verð ég að vinna fyrir
hverju einasta atkvæði sem
mér verður veitt – og ég vil ekki
hafa það öðruvísi!
Eitthvað sem þú vilt koma á
framfæri?
Ég vil þakka öllu því góða fólki
sem hvetur mig áfram, öllum
þeim sem hjálpa mér við það
að víkka sjóndeildarhringinn
og öllum þeim sem segja mér
sögu sína. Það er eitthvað sem
mun fylgja mér um ókomin ár!
/PF
einstaklingur lifir sínu eigin lífi
og á sér eigin sögu. Saga hvers
og eins rennur svo saman við
sögur annarra einstaklinga og
þannig verður þjóðarsálin til.
Persónulega öðlast ég meiri
víðsýni þegar ég hlusta á sögur
fólks og álit þess á málefnum
Fjölmargir gestir heimsóttu bás forsetaframbjóðandans Hannesar Bjarnasonar um helgina.