Feykir - 10.05.2012, Blaðsíða 5
18/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
Sl. laugardag stóðu hinir
síungu Molduxar fyrir
öldungamóti í körfubolta í
Síkinu á Sauðárkróki þar
sem átta lið, tvö heima- og
sex aðkomulið, börðust um
að ná bikarnum góða.
Leikið var í tveimur riðlum
og háðu efstu lið þeirra,
Molduxar og Skotfélagið frá
Akureyri hörkurimmu í
úrslitaleiknum.
Skotfélagsmenn reyndust
sterkari aðilinn í leiknum og
náðu að landa sætum sigri á
gestgjöfunum sem af stakri
gestrisni gáfu eftir á síðustu
mínútunum.
Mótið þótti takast afar vel
og mörg góð tilþrif sáust,
engin alvarleg meiðsli á
mönnum sem þó gengu
margir stirðir til búningsklefa
að móti loknu. /PF
Molduxamótið í körfubolta
Molduxar köstuðu
frá sér sigrinum
Eftir að sameiginlegt lið
Kormáks/Hvatar komst í
gegnum forkeppni
bikarkeppni KSÍ í fyrsta
leik sumarsins með 1-0
sigri gegn á Hömrunum á
Hvammstangavelli mættu
þeir ofjörlum sínum í
Boganum á Akureyri,
Magna frá Grenivík.
Fyrsta markið kom á 41.
mín. er Hreggviður Heiðberg
Gunnarsson setti boltann í
markið fyrir Magnamenn og
aftur á þeirri 67. Þá bættu þeir
Ingvar Már Gíslason og Stefán
Haukur Gunnarsson mörkum
við nánast á sömu mínútunni
undir blálokin á 89. og 90.
mínútu og lokatölur 4 – 0. Þeir
sem komust á skýrslu fyrir
Kormák/Hvöt voru Jón Bene-
dikts Sigurðsson sem fékk
áminningu á 56. mínútu og
Hörður Gylfason sem einnig
fékk áminningu á þeirri 73. og
stuttu síðar brottvísun. Þar
með er bikardraumur Kor-
máks/Hvatar úr sögunni. /PF
Bikarkeppni KSÍ
Kormákur/Hvöt
mættu ofjörlum sínum
Meistarar á skíðum
Mikil og metnaðarfull starfsemi hjá Skíðadeild Tindastóls
Glæsilegur árangur barna úr Skíðadeild Tindastóls náðist á Andrésar
Andar leikunum sem haldnir voru 18. - 21. apríl síðastliðinn í Hlíðarfjalli
við Akureyri. Fjöldi þátttakenda á leikunum var um 630 að þessu
sinni á aldrinum 6–15 ára.
Farið var með 35 keppendur á
leikana sem stóðu sig allir með
sóma. Fjögur verðlaunasæti
voru skipuð keppendum úr
Skíðadeild Tindastóls, þeim
Maríu Finnbogadóttur sem
varð Andrésar Andar meistari í
stórsvigi 11 ára stúlkna og varði
titilinn frá því í fyrra en hún
hlaut einnig silfurverðlaun í
svigi og Birnu Maríu Sig-
urðardóttur sem varð þriðja í
svigi 11 ára og fjórða í stórsvigi.
Aron Már Jónsson varð áttundi
í svigi 12 ára sem er einnig
mjög góður árangur.
Um fimmtíu börn og
unglingar hafa æft skíði hjá
Skíðadeild Tindastóls í vetur og
þau koma bæði úr Skagafirði
og Húnavatnssýslu, nánar til-
tekið frá Sauðárkróki, Varma-
hlíð, Skagaströnd og Blönduósi.
Þjálfarar voru þeir Björgvin
Björgvinsson, Gunnar Björn
Rögnvaldsson, Snjólaug Jóns-
dóttir, Sveinn Sverrisson og
Vernharð Guðnason. Björgvin
og Gunnar Björn gefa ekki kost
á sér í þjálfun næsta vetur svo
búið er að auglýsa eftir þjálfara.
Æfingar í vetur voru mið-
vikudaga til laugardaga og tvö
mót í alpagreinum voru haldin
á skíðasvæði Tindastóls; Baka-
ríismótið og Steinullarmótið.
Mikill hugur er í iðkendum
alpagreina sem eru dyggilega
studdir af foreldrum en
foreldrafélag skíðabarna sér um
Aron Már náði mjög góðum árangri í svigi 12 ára drengja.
og rekur sjoppuna í fjallinu.
Ágóðinn af rekstri hennar í
vetur fór í að niðurgreiða
gistikostnað fyrir keppendur á
Andrésar Andar leikunum.
Það er óhætt að segja að þetta
er skemmtilegur og hressandi
félagsskapur og hvetjum við
fleiri til að koma og æfa með
okkur næsta vetur. /AJG
Skotfélagið sigraði Molduxamótið með Króksarann Stefán Hreinsson innanborðs (með bikarinn).
Birna María krækti í bronsið í svigi 11 ára stúlkna.
María Finnbogadóttir varð Andrésar Andar-meistari í stórsvigi 11 ára stúlkna. Myndirnar tók Þórir Ó. Tryggvason.
Þriðjudeildarliðið Drangey á
Sauðárkróki lék við KF í
Fjallabyggð um helgina í
bikarnum og fékk slæma
útreið frá nágrönnum
sínum hinumegin við
Tröllaskagann.
Á heimasíðu Tindastóls
segir að leikurinn hafi byrjað
illa, en slæm varnarmistök
kostuðu Drangey mark á
upphafsmínútum leiksins.
Á 70. mínútu ná KF menn
að skora sitt annað mark og þá
misstu Drangeyingar móðinn
eftir að hafa lagt allt í að jafna
leikinn og ódýr mörk litu
dagsins ljós og KF komnir
með 5-0 forystu.
Hilmar Kára náði að klóra í
bakkann og minnka muninn
eftir mikinn atgang í teig KF
og lokatölur 5-1. Næsti leikur
hjá Drangey er 20. maí á
Sauðárkróksvelli gegn KFG.
/PF
Drangey úr leik í Bikarkeppni KSÍ
Fengu slæma útreið