Feykir - 10.05.2012, Blaðsíða 6
6 Feykir 18/2012
-Eftir fjögur ár í sömu vinn-
unni í Danmörku langaði mig
að gera eitthvað annað. Ég
hugsaði um að fara í háskóla
en gat ómögulega ákveðið hvað
eða hvar ég vildi læra, svo ég
ákvað að fara bara í ævintýri til
að safna í reynslubankann. Það
fyrsta sem mér datt í hug var að
fara til annars lands og vinna
í 1-2 ár, ég ákvað að athuga
með að fara sem sjálfboðaliði
til Suður-Ameríku og hafði
samband við AUS (Alþjóðlega
Ungmenna Sambandið). En
að fara sem sjálfboðaliði utan
Evrópu kostar frekar mikið og
það var þá sem ég fann EVS. Að
fara sem sjálfboðaliði í gegnum
EVS er frítt, eða því sem næst,
það þarf einungis að borga 10%
af ferðakostnaðinum. Það er
endalaust af verkefnum sem
hægt er að sækja um, í næstum
öllum löndum Evrópu. Um
leið og ég fann þetta út fór
ég strax að sækja um hin og
þessi verkefni í hinum ýmsu
löndum, segir Birgir en mest
langaði hann þó að fara til
Spánar í hitann en hann greip
tækifærið þegar AUS auglýsti
verkefni í Tékklandi og fór af
stað.
-Núna er ég að vinna
sem Sjálfboðaliði í bæ sem
heitir Prostějov í Tékklandi,
í „upplýsingamiðstöð“ sem
er staðsett í skóla að nafni
CMG. Starf mitt felst aðallega
í því að skapa afþreyingu fyrir
almenning í bænum sem
og fyrir börn og unglinga
í skólanum. Ég er með
enskutíma einu sinni í viku
fyrir alla aldurshópa og tek
þátt í íþróttum með krökkum
þegar ég hef tíma. Ég hef haldið
„juggling“ kennslu og margt
fleira, segir Birgir en „juggling“
er sú list að halda hlutum á
lofti eins og boltum eða keilum
Birgir Freyr Gunnarsson ungur Sauðkrækingur hélt á vit ævintýranna úti í hinum stóra heimi,
safnar í reynslubankann og ferðast um framandi lönd. Þegar hann náði 18 ára aldrinum
fluttist hann til Danmerkur, stundaði þar vinnu í fjögur ár þar til ævintýraþráin dró hann
áfram og núna vinnur hann sem sjálfboðaliði í Tékklandi. Birgir Freyr er sonur Guðrúnar Olgu
Baldvinsdóttur á Sauðárkróki og Gunnars Freys Kristjánssonar sem býr í Danmörku og segir
hann hér frá dvöl sinni í Tékklandi.
Birgir Freyr Gunnarsson lét skemmtilegan draum rætast
Ævintýri í Tékklandi
líkt og fjöllistafólki er tamt að
gera. Einnig skipulagði hann
íslenskt kvöld, þar sem hann
útbjó graflax, túnfisksalat og
djöflatertu á íslenskan máta og
allir fengu að smakka á meðan
myndasýning frá Íslandi rúllaði
á breiðtjaldinu. -Þá var farið
í sjómann en ég virtist ekki
kunna neina íslenska leiki og
svo sýndi ég kvikmyndina
Sódóma Reykjavík á breiðtjaldi
með tékkneskum texta í lok
kvöldsins.
-Tékkland er æðislegt
land og ég gæti ekki verið
meira hamingjusamur með
að vera hérna. Fólkið er mjög
áhugasamt um að fá að heyra
allt um Ísland og íslenska
menningu og virðist vera mjög
opið gagnvart útlendingum.
Eini gallinn við Tékkland er
að enska er ekki mjög vinsæl
hérna. Flestir að minnsta kosti
virðast kunna örlítið en eru
hræddir eða feimnir við að tala
hana. Langauðveldast er þó að
tala við fólk undir 25 ára, því
það kann nokkuð í ensku. En
á móti þessum eina galla koma
svo margir kostir, segir Birgir og
telur upp ódýrt og gott áfengi,
góðan mat, risa matarskammta
á veitingastöðum, skemmtilegt
fólk sem ekki er svo ósvipað
Íslendingum, borgin Prag,
og margt fleira. -En það allra
besta er hvað fólkið hérna
verður ánægt að hitta Íslending.
Það virðist sem fáir hafi hitt
Íslending og alla langar í
ferðalag til Íslands.
-Dæmi um það hvað fólk
hér er opið fyrir útlendingum
er þegar ég hitti eitt sinn fjórar
manneskjur sem ekki voru
frá þessum bæ en voru hérna
vegna fjölskylduhittings. Ég
hitti þau fyrir framan húsið mitt
og þau báðu mig um að vísa sér
á næsta pöbb en ég skildi ekki
hvað þau sögðu og svaraði á
ensku. Við byrjuðum að spjalla
á ensku og það endaði með því
að ég fór með þeim á pöbbinn
og svo síðar í fjöldskyldupartíið
sem af einhverjum ástæðum
var með kommúnistaþema
en fólkið var klætt eins og
kommúnistar, segir Birgir sem
var hæstánægður með veisluna.
Stórt verkefni
í vændum
Nú er stærsta verkefni Birgis
á næsta leiti en verið er að
skipuleggja „Youth Exchange“
verkefni sem snýst um það
að fá hóp af ungu fólki saman
til að vinna að sameiginlegu
markmiði. -Oftar en ekki er
um ungt fólk að ræða með
VIÐTAL Páll Friðriksson
Það var hart barist í sjómanni á íslenska kvöldinu. Margt er að skoða enda landslagið fallegt og mannlífið gott.