Feykir - 10.05.2012, Síða 9

18/2012 Feykir 9

( MATGÆÐINGAR VIKUNNAR ) berglindth@feykir.is
Ólöf og Árnþór kokka
Bökur úr bakgarðin-
um og veitt í soðið
Árnþór Magnússon og Ólöf Sigurbjartsdóttir frá Sólbakka í
Húnaþingi vestra eru matgæðingar vikunnar að þessu
sinni. Þau skora á bændurna í Miðhópi í Víðidal, þau Óla
og Stínu (Ólaf Benediktsson og Kristínu Guðmundsdóttur)
að koma með næstu uppskriftir.
„Húsmóðirin hér er með græna fingur og eigum við ekki að
segja að húsbóndinn njóti góðs af, fær mikið af heilsusamlegu
grænmeti í hinum og þessum réttum sem henta jafnt í forrétti og
létta aðalrétti.“
FORRÉTTUR
Spínatbaka
200 g smjördeig, tilbúið
1 lauk
100 g beikon
3-4 hvítlauksrif
400-500 g spínat
½ tsk múskat
2 egg
1 dl matreiðslurjómi
200 g ostur, rifinn
salt og pipar eftir smekk
AÐFERÐ Við ákváðum að velja
spínatböku sem forrétt, hún er
gjarnan matreidd þegar kemur
fram á sumar og spínatuppskeran í
hámarki.
Deigið er flatt út og sett í
smurt bökuform. Laukurinn og
hvítlaukurinn er saxaður, beikonið
skorið í litla bita og þetta er léttsteikt
saman á pönnu. Spínatið er saxað
niður og bætt út á pönnuna, steikt
aðeins meira og múskati bætt saman
við. Pannan er tekin af hellunni og
ef mikill vökvi er á henni er honum
hellt af. Ostinum er hrært saman við,
hann á helst aðeins að bráðna. Þá er
fyllingin sett á deigið. Þá er að hræra
saman egg og rjóma og krydda eftir
smekk með salti og pipar, hella yfir
fyllinguna og baka við u.þ.b. 180°C í
35 til 40 mín.
Gott er að hafa með þessu Hvít-
lauks- og agúrkudressingu (lítil
dós grísk jógúrt, nokkrar brytjaðar
sneiðar af agúrku og 2 pressuð
hvítlauksrif) eða aðra þá dressingu
sem viðkomandi er hrifinn af.
AÐALRÉTTUR
Bakaðir
þorskhnakkar
Fyrir 6 manns
120 gr smjör
safi úr einni sítrónu
5-10 gr salt (eftir smekk)
svartur pipar, malaður
1 msk steinsselja
3-4 hvítlauksrif, söxuð
10 gr sítrónupipar (eftir smekk)
1 teningur kjúklingakraftur
AÐFERÐ Við erum bæði mikið fyrir
fiskmeti og aðalrétturinn okkar
ber keim af því. Best þykir okkur
að komast á sjóinn á kajökunum
og veiða í soðið, þannig bragðast
maturinn allra best. Í aðalrétt teflum
við fram bökuðum þorskhnökkum,
krydduðum með hvítlauk og sítrónu.
Hér gæti einhvern verið farið að
gruna að okkur þyki hvítlaukur
góður og jú, það verður bara að
viðurkennast.
Ofninn er hitaður í 175°C.
Matreiðslan er þannig að smjörið er
brætt í potti á miðlungshita, þegar
það er bráðið er sítrónusafanum,
salti, pipar, steinselju og hvítlauk
bætt út í. Suðan er látin koma
upp og hrært í pottinum af og til
í u.þ.b. 10 mínútur eða þangað
til þetta fer að þykkna aðeins. Þá
er kjúklingateningnum bætt út
í. Þorskhnakkarnir eru settir á
bökunarplötu með bökunarpappír
undir og helmingnum af bráðna
smjörleginum er penslað yfir og
kryddað með sítrónupipar. Einnig
AÐSENT ÁSMUNDUR EINAR DAÐASON SKRIFAR
Jöfnun rafmagns- og
húshitunarkostnaðar
Með tilliti til byggðasjónar-
miða og jafnræðis til
búsetuvals, er ekki verjandi að
verð á jafn mikilvægum
nauðsynjum og rafmagni og
heitu vatni til húshitunar
skuli vera jafn breytilegt milli
landsvæða og raun ber vitni.
Það er nauðsynlegt að endur-
skoða núverandi löggjöf og
hefur Framsóknarflokkurinn
lagt fram á Alþingi tillögur um
hvernig jafna megi búsetu-
skilyrði hvað þennan þátt
snertir.
Jöfnunarkerfið
virkar ekki í dag
Núgildandi kerfi við jöfnun
rafhitunar virkar þannig að
iðnaðarráðherra ákveður upp-
hæð niðurgreiðslna eftir sam-
þykkt fjárlaga ár hvert. Slík
ákvörðun er ekki einföld þar
sem endurskoðunarákvæði
niðurgreiðslu á hverja
kílóvattstund er ekki bundin
fyrirfram gefnum ramma og
þarf því að byggjast á mati.
Kerfið er þungt í vöfum og
með því að ráðherra ákveði
tiltekna fjárhæð fyrir ákveðið
tímabil, nær kerfið ekki að
mæta örum breytingum á
verði nema með sífelldri
endurskoðun.
Dreifing raforku er niður-
greidd á nánar tilgreindum
svæðum með það að markmiði
að stuðla að jöfnun kostnaðar
við dreifingu raforku til
almennra notenda. Ráðherra
ákveður í reglugerð ákveðna
krónutölu á hverja kíló-
vattstund sem niðurgreiðsla
dreifingarkostnaðar á að vera
og þarf í þeim efnum að reyna
að sjá fyrir verðþróun komandi
mánaða. Reynist mat ráðherra
ekki rétt þarf að breyta
reglugerðinni í samræmi við
þróunina.
Af þessu má sjá að kerfinu
er í raun handstýrt af ráðherra
og ber það þess merki að verið
er að elta óhjákvæmilegar
verðlagsbreytingar. Það hefur
það m.a. í för með sér að
kostnaður notenda á þeim
svæðum þar sem dreifing
raforku er niðurgreidd hefur
aukist vegna þess að
niðurgreiðslan hefur ekki náð
að halda í við verðþróun.
Jöfnunarsjóður vegna
húshitunar- og
raforkukostnaðar
Við höfum fyrirmynd af því
hvernig hægt sé að tryggja
jöfnuð án beinnar aðkomu
ráðherra eða ríkisstjórnar. Í
dag er starfræktur flutnings-
jöfnunarsjóður olíuvara sem
er fjármagnaður með sérstöku
flutningsjöfnunargjaldi á allar
olíuvörur sem fluttar eru til
landsins. Neytendastofa ákv-
eður á þriggja mánaða fresti
hversu hátt gjaldið er og skal
gjaldið nægja til að greiða
flutningskostnað á olíuvörum
milli staða innan lands. Þær
tillögur sem Framsóknar-
flokkurinn hefur lagt fram á
Alþingi fela í sér að komið
verði á fót sambærilegum jöfn-
unarsjóði fyrir húshitunar-
kostnað og kostnað við
dreifingu á raforku. Gert er ráð
fyrir því að sjóðurinn yrði
fjármagnaður með jöfnunar-
gjaldi á hverja framleidda
einingu af orku, raforku eða
jarðvarmaorku, sem næmi
þeim kostnaði sem nauðsyn-
legur er á hverjum tíma til að
niðurgreiða að fullu húshit-
unarkostnað og kostnað við
dreifingu raforku. Þannig væri
mögulegt að ná fullkominni
jöfnun á kostnaði á landsvísu.
Nái tillagan fram að ganga yrði
skref stigið í rétta átt varðandi
aukið byggðajafnrétti á Íslandi.
Ásmundur Einar Daðason
Alþingismaður
Framsóknarflokksins
er gott að mylja svolítinn svartan
pipar yfir í leiðinni. Plötunni er
síðan lokað með álpappír. Þetta
er bakað í ofni í 15-20 mín. og
fylgjast þarf vel með í lok tímans
svo þorskurinn ofeldist ekki.
Afganginum af smjörinu er
haldið heitu og notað til að bera
fram með fiskinum.
Með hnökkunum er afbragðs-
gott að búa til kartöflustöppu
úr kartöflum, smjöri, rjóma og
dijonsinnepi. Gott hvítvín með
fiskinum skemmir heldur ekki
fyrir.
EFTIRRÉTTUR
Rabbabarabaka
400 gr rabbabari
2 egg
1 dl hveiti
2 ½ dl sykur
1 ½ dl púðursykur
50 gr smjör (þarf að vera
mjúkt)
1 ¾ dl hveiti
AÐFERÐ Eftirrétturinn er úr
garðinum eins og forrétturinn
en fátt jafnast á við þessa
rabbabaraböku með vanilluís eða
þeyttum rjóma, hún er algert æði.
Rabbabari er brytjaður fremur
smátt og settur í smurt eldfast
mót/form. Egg, hveiti og sykur
er hrært létt saman og sett yfir
rabbabarann. Þá er púðursykri og
smjöri (þarf að vera mjúkt) hrært
saman og út í það bætt hveiti
þannig að hræran verði svona
„mulningur“ sem er stráð yfir
deigið. Þetta er síðan bakað við
200°C í u.þ.b. 45 mín.
Verði ykkur að góðu!