Feykir - 07.06.2012, Blaðsíða 5

22/2012 Feykir 5
( ÍÞRÓTTAGARPURINN ) palli@feykir.is
Helga Einarsdóttir var valin í
kvennalandsliðið í körfubolta
sem lék á Norðurlandamótinu
í Osló um síðustu helgi.
Íslenska landsliðið hafnaði í
3. sæti með 2 sigra og 2 töp.
Helga er uppalin í Tindastól
en hefur verið leikmaður KR
undanfarin misseri. Feykir
sendi þessari mögnuðu valkyrju
garpaspurningar.
Helstu íþróttaafrek: Helga
Einarsdóttir - Seltjarnarnesi.
Árgangur: ‘88
Hvar ólstu upp? Raftahlíð 32,
Sauðárkróki
Hverra manna ertu? Faðir minn
heitir Einar Sigurjónsson og móðir
er Margrét Erna Halldórsdóttir
(Lilla) frá Stóru-Seylu
Íþróttagrein: Körfubolti
Íþróttafélag/félög: Tindastóll &
KR, spilaði einnig með Stjörnunni
í fótbolta í nokkur ár.
Helstu íþróttaafrek: Landsleikir
ásamt Íslands-, Deildar- og
Bikarmeistaratitlum.
Skemmtilegasta augnablikið:
Þegar ég sá e-mailið um að ég
hefði komist í 12 manna hóp
í landsliðinu fyrir 3 vikum, en
ég hafði ekki spilað leik frá því í
janúar vegna meiðsla og það var
búið að vera ansi erfitt.
Neyðarlegasta atvikið: Það var
grátbroslegt fyrir 2 árum í leik á
móti Val. Sigríður Inga Viggós,
vinkona mína og Króksari, var að
spila með Val og segir við mig í
upphitun að nú fái ég að finna
fyrir því og við glottum báðar að
því. Það endar þannig að við erum
að stökkva upp í frákast saman
og dettum, hnéð á mér beyglast
undir okkur og gefur sig. Það þurfti
að kalla á sjúkrabíl og endaði ég
þetta kvöld upp á Slysó.
Einhver sérviska eða hjátrú?
Nei.
Uppáhalds íþróttamaður?
Helga Einarsdóttir / körfuboltakona í KR
Væri til í vítakeppni
við Alla Munda
Guðjón Valur, með flottari íþrótta-
mönnum þjóðarinnar.
Ef þú mættir velja þér andstæð-
ing, hver myndi það vera og í
hvaða grein mynduð þið spreyta
ykkur? Vítakeppni við Alla Munda.
Hvernig myndir þú lýsa rimm-
unni? Alli telur sig ósigrandi á
vítalínunni og því yrði þetta ansi
hörð keppni – yrði örugglega helsta
afrek mitt á vellinum til þessa ef ég
myndi fara með sigur af hólmi úr
þeirri viðureign.
Helsta afrek fyrir utan íþrótt-
irnar? Það er nú ekki afrek en ég
þakka fyrir alla þá góðu vini sem ég
á. Stundum er ég hissa að þeir tali
ennþá við mig því afgangstími fyrir
utan lærdóm og körfubolta er ekki
mikill.
Lífsmottó: Vera dugleg, fylgja minni
sannfæringu og vera trú sjálfri mér.
Helsta fyrirmynd í lífinu: (og af
hverju). Foreldrar mínir fara þar
fremst í flokki en auðvitað er ég ekki
alltaf sammála þeim og reyni þá að
gera það sem ég tel réttast.
Hvað er verið að gera þessa
dagana? Ég kom heim á Krókinn
í nokkra daga eftir að ég kom frá
Noregi, síðan fer ég suður og við
tekur sumarvinna og æfingar á fullu.
Hvað er framundan? Skemmtilegt
sumar, vonandi gott tímabil í
körfunni og svo klára ég heilbrigðis-
verkfræði á næsta ári frá HR.
ÍÞRÓTTAFRÉTTIR FEYKIS > www.feykir.is/ithrottir
Helga Einars í leik með KR. Mynd: Karfan.is
Knattspyrna : 1. deildin - Tindastóll - ÍR 2-4
Lukkan með ÍR-ingum
Tindastóll fékk ÍR í
heimsókn sl. laugardag á
Sauðárkróksvöll og var
spilað við ágætar aðstæður,
glampandi sól en nokkuð
spræka hafgolu.
Á 16. mínútu kom fyrsta
mark leiksins. Max Touloute
pressaði annan miðvörð ÍR
leiftursnöggt, stal boltanum og
náði að skapa sér færi sem hann
kláraði laglega. Aðeins fjórum
mínútum síðar unnu Stólarnir
boltann á miðjunni og spiluðu
honum strax á Ben Everseon
sem kom sér laglega í ágætt
skotfæri og markvörður
gestanna kom engum vörnum
við. Staðan 2-0. Eftir þetta voru
heimamenn með traustatak á
leiknum og áttu nokkra fína
möguleika eftir hornspyrnur.
Í síðari hálfleik breyttu
gestirnir aðeins til og færðu
stjörnuleikmanninn sinn, Nigel
Quashie, inn á miðjuna. Þetta
virtist litlu breyta fyrst um sinn,
Stólarnir fengu 2-3 fín færi til að
auka við forystuna en fóru illa
með færin og náðu aðeins að
skjóta Axel Vignisson mark-
mann ÍR í stuð. Qusashie gerði
fyrsta mark ÍR á 63. mínútu og
er skemmst frá því að segja að
gestirnir gerðu 4 mörk á 20
mínútna kafla og sigruðu 2-4 og
á þeim kafla var lukkan í liði
með ÍR-ingum því nánast hvert
skot þeirra rataði í bláhornið.
Leikurinn var í heildina jafn
en óhætt að fullyrða að niður-
staðan hafi ekki verið í takti við
gang leiksins. /ÓAB
Úr leik Tindastóls og ÍR.
Erfitt hjá stelpunum
1.deild kvenna
Stelpurnar í meistaraflokki
Tindastóls hafa staðið í
ströngu undanfarið en þær
heimsóttu Keflvíkinga á
Nettóvöllinn í Íslandsmótinu
sl. föstudag en urðu að lúta í
lægra haldi fyrir gestgjöf-
unum.
Síðastliðinn þriðjudag fóru
þær á Akranes til að reyna sig við
ÍA í bikarkappninni sem ber
nafnið Borgunarbikarinn. Þar
urðu þær undir svo um munaði
því Skagastúlkur unnu leikinn 7
– 0. Næsti leikur Tindastóls
verður á móti Fram á útivelli
sunnudaginn 10. júní og eru
Skagfirðingar sunnan heiða
hvattir til að mæta í stúkuna og
styðja við bakið á stelpunum. /PF
Endurvakning á
2. flokki kvenna
Knattspyrna
Yngri flokkar Tindastóls
spiluðu þrjá leiki um helgina.
3. flokkur kvenna byrjaði á
föstudaginn og spilaði gegn
Keflavíkurstúlkum suður með
sjó.
Úrslit leiksins urðu 3-3.
Guðný Vaka skoraði 2 mörk og
Kolbrún Ósk 1. Á laugardaginn
spilaði svo nýendurvakin 2.
flokkur kvenna í bikarnum á
móti BÍ/Bolungarvík fyrir
vestan. Úrslit leiksins urðu 3-2
fyrir BÍ/Bolungarvík og þurfum
við því að bíða næsta árs eftir
næsta leik þeirra því stelpurnar
eru ekki skráðar til leiks í
íslandsmótinu í ár.
Á sunnudag fengu svo
strákarnir í 4. flokki Þór 2 í
heimsókn og töpuðu leiknum
0-2. /PF
Með sinn fyrsta
sigur í 3. deildinni
Siglingaklúbburinn Drangey
Siglingaklúbburinn Drangey
tók á móti lið KB síðastliðinn
laugardag og var spilað á
Sauðárkróksvelli. Staðan var
jöfn í hálfleik en í síðari
hálfleik reyndust
Drangeyjarjarlarnir sterkari og
sigldu í höfn 4-2 sigri.
KB stendur fyrir Knatt-
spyrnufélag Breiðholts en um er
að ræða nokkurs konar varalið
Leiknis. Þeir náðu forystunni
með marki Stefáns Gunnars-
sonar á 24. mínútu. Tíu mínútum
síðar jafnaði Benjamín Gunn-
laugarson metin og staðan 1-1 í
hálfleik. Aftur kom Stefán KB
yfir á 60. mínútu en
skallamaskínan Bjarki Már
Árnason jafnaði metin stuttu
síðar og strax í kjölfarið kom
Hilmar Þór Kárason Drangey
yfir. Það var síðan Ingvi Rafn
Ingvarsson sem gulltryggði
sigurinn með marki undir lok
venjulegs leiktíma.
Drangey hefur nú leikið þrjá
leiki; unnið einn leik, gert eitt
jafntefli og tapað einum. Liðið er
í 2.-5. sæti í b-riðli 3. deildar en
átta lið eru í riðlinum. Næsti
leikur er gegn ÍH á Kapla-
krikavelli á morgun en næsti
heimaleikur er 16. júní gegn liði
SR en það ku vera varalið Þróttar
Reykjavík. /ÓAB