Feykir - 07.06.2012, Blaðsíða 6

6 Feykir 22/2012
Hannes var staddur á
Sauðárkróki í síðustu
viku og náði Feykir tali af
Skagfirðingnum sem ákvað
að stinga sér í djúpu laugina
og taka þátt í forsetaslagnum
á Íslandi en Hannes er
búsettur á Bjarnastöðum
í Akrahreppi samkvæmt
Þjóðskrá. Einnig segir hann
frá uppákomunni í Hörpu.
Hannes Bjarnason er fæddur
á Sauðárkróki þann 25. apríl
1971 er uppalinn í Eyhildar-
holti í Skagafirði, sonur
hjónanna Bjarna Gíslasonar,
fv. skólastjóra og bónda í
Eyhildarholti, og Salbjargar
Márusdóttur, f. 1945, húsmóð-
ur og kennara. Haustið 1998
fluttist Hannes til Noregs
þar sem hann nam áfram
landafræði við Høgskolen i
Telemark og útskrifaðist frá
Háskóla Íslands með BS próf
í Landafræði 2001. Haustið
2008 hóf Hannes nám við
Handelshøgskolen BI í Osló og
nam Master of Management.
Hannes er kvæntur Charlotte
Kvalvik og saman eiga þau eina
dóttur en frá fyrra sambandi á
Hannes tvö börn og Charlotte
eitt barn.
Hannes er búinn að þeysast
vítt og breitt um landið að safna
meðmælendum og náði hann
að klára það innan tímamarka.
-Þetta er búið að ganga
þokkalega en eins og ég vissi
og var búinn að sjá fyrir löngu
þá er á brattann að sækja sem
og það fólk sem ég hafði talað
við áður en ég fór út í þetta. Við
stílum á það að koma seint inn
í baráttuna, ég er gjörsamlega
óþekktur, fólk þekkir ekki
andlitið en allir hinir hafa
þannig lagað forskot. Nú snýst
þetta næstu vikurnar um það
að vera í fjölmiðlum og kynna
sig svolítið. Ríkisútvarpið fer
af stað með sína umfjöllun
bráðum og þá hugsa ég að
hlutirnir breytist svolítið og það
er vonandi að hlutirnir breytist
og aldrei að vita hvað gerist upp
úr því.
Að sögn Hannesar er þetta
búið að vera geysileg vinna
bæði að kynna sig, fjölskylduna
framboðið og þau málefni
sem hann leggur upp með en
hann segir jafnframt að þetta
sé búið að vera mjög gefandi
og gengið ágætlega að safna
undirskriftunum.
-Það gekk alveg ljómandi,
vonum framar reyndar. Við
erum ekki með neitt batterí á
bak við okkur það er bara ég
og fjölskylda mín og kjósendur.
Það eru engin stjórnmálaöfl
sem standa á bak við framboð-
ið hjá mér né nokkur fjár-
málaöfl. Það eru sem sagt engin
hagsmunasamtök þannig að
við höfum gert mjög mikið
sjálf. Það er áhugavert að það
datt nánast ekkert út af undir-
skriftunum í Vesturfjórðungi,
nánast ekkert í Norður-,
og Austurfjórðungi. En við
misstum í kringum 140
undirskriftir í Suðurfjórðungi.
Hvað liggur að baki þar, veit
ég ekki. Það gæti hafa komið
við flesta frambjóðendurna að
undirskriftir voru að detta út
eða þær falsaðar hjá einhverjum
öðrum en ef nöfnin finnast á
öðrum lista detta þau út hvort
sem þau eru rétt skrifuð „face to
face“ hjá mér eða ekki. Það gæti
hafa komið svolítið illa við mig.
En við fórum út á seinni part á
miðvikudegi og um miðjan dag
á fimmtudegi náðum við að
safna 200 undirskriftum þannig
að það gekk alveg ljómandi vel.
Svo skilaði ég þeim seinni part
fimmtudags til kjörstjórnar
og þetta gekk allt að óskum.
Hannes segist finna fyrir því
að vera óþekkt andlit að safna
undirskriftum. Í Kringlunni
var hann t.d. spurður fyrir
hvern hann væri að safna og
þegar hann svaraði að það væri
fyrir þann sem þar stæði hrökk
fólk í kút. Fjölmiðlaumræðan
hefur að mestu snúist um tvo
frambjóðendur og ekki farið
framhjá neinum og þá hlýtur
baráttan að vera erfiðari.
-Það er það náttúrulega.
En við vissum það alveg fyrir
og reiknuðum með því að það
yrði þannig. Ég er svo sem
búinn að tala um það við mitt
fólk að ef ég fengi yfir 5% fylgi
um miðjan júní þá er aldrei að
vita hvað gerist. Í mínu tilfelli
gæti maður komist frekar að
í fjölmiðlum og þá haldið vel
áfram. En það er alveg rétt,
fjölmiðlar stýra þessu mjög
mikið og við sjáum framboðið
hjá Jóni Lárussyni á Selfossi þar
sem hann stílaði inn á það að
komast í fjölmiðla – sjónvarpið
- til að kynna sig en hann kom
að lokuðum dyrum allsstaðar,
segir Hannes. En hvernig skyldi
hafa gengið hjá honum að
komast í fjölmiðla?
-Það hefur ekkert gengið
mikið hingað til en hins vegar
verður að segjast eins og er að ég
hef ekkert verið að berjast í því
að komast í fjölmiðlana ennþá.
Það voru undirskriftirnar
fyrst og fremst og ferðalögin
um landið sem þeim fylgdu
sem tóku allan tímann og það
skipti öllu máli að ná þessum
undirskriftum. En núna fer það
að skipta máli að koma sér í
fjölmiðlana.
Tók sveitarstörfin
framyfir
sjómennskuna
Þar sem sjómannadagurinn
er nýafstaðinn var Hannes
spurður að því hvort hann hafi
starfað á sjó. -Það eru líklega
þrír atvinnugeirar á Íslandi
sem ég hef nánast ekkert verið
í og kann lítið um en það er
sjómennska og fiskvinnsla,
heilsugæsla og svo bankar en
annars er ég með einhverja
reynslu frá flestum öðrum
atvinnugreinum. Þegar ég var
stráklingur á Króknum þá
voru margir af mínum félögum
Fylgdi minni
réttlætiskennd
VIÐTAL Páll Friðriksson
Baráttan um Bessastaði
Hannes Bjarnason stimplaði sig rækilega inn í forsetaframboðsumræðuna er hann ásamt
Andreu Ólafsdóttur og Ara Trausta Guðmundssyni ákváðu að ganga út úr kappræðum
Stöðvar 2 í Hörpu sl. sunnudagskvöld. Sitt sýnist hverjum um aðgerðir þremenninganna en
samkvæmt bloggheimum og lesendakönnun DV virðast fleiri fylgjandi því að rétt hafi verið
hjá þeim að ganga út.