Feykir - 14.06.2012, Blaðsíða 2
2 Feykir 23/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
Lögreglunni á Sauðárkróki
var snemma á laugardags-
morgun tilkynnt um
nauðgun fyrr um nóttina
sem átti að hafa átt sér
stað í heimahúsi í bænum.
Samkvæmt Rúv.is fór
Lögreglan á staðinn, fékk
frásögn konunnar af
atburðum og upplýsingar
um meintan geranda fór svo
í húsið þar sem meint atviki
átti sér stað og fann þar
manninn sofandi og tók af
honum skýrslu. Konan og
maðurinn, sem eru bæði um
tvítugt, höfðu hist í sam-
kvæmi fyrr um kvöldið.
Konan var færð á Heil-
rigðisstofnunina á Sauðár-
króki þar sem hún fékk
fyrstu hjálp og í framhaldinu
var farið með hana á neyðar-
móttöku á Akureyri. /BÞ
Sauðárkrókur
Nauðgun í
heimahúsi
LEIÐARI
Allir á vaktinni
Nú er sumarið mætt með sínar uppákomur og hátíðir og
mikið um að vera á norðvestursvæðinu öllu. Hjá Feyki eru
sumarfrí starfsmanna að hefjast og skiptumst við Berglind á
að vera á vaktinni við að skrifa í blaðið og á netið og tökum
fagnandi við öllu efni frá lesendum sem heima á í miðlunum
tveimur. Ef þú ert með frétt, hugmynd að frétt eða umfjöllun
af einhverju tagi, myndir frá því sem er að gerast eða var að
gerast þá værum við fegin að fá símtal eða póst og við
reynum að gera efninu skil. Feykir sjálfur mun svo fara í frí
vikuna fyrir og vikuna eftir verslunarmannahelgi.
Njótið sumarsins.
Páll Friðriksson
ritstjóri
Afskipti höfð
af hrossabónda
Skagafjörður
Fulltrúar Matvælastofnunar
og Leiðbeiningarmiðstöðvar-
innar í Skagafirði þurftu að
hafa afskipti af bónda í
Skagafirði sem sakaður hefur
verið um að veita hrossum
sínum ekki nægilega góðan
aðbúnað.
Hafði embættinu borist
ábendingar um að ekki væri gætt
nægilega vel að velferð hrossanna
á bænum sem einkum lýsti sér í
því að nokkur þeirra voru illa
bitin, hölt og bólgin. Mátti þar
ætla að graðhestur sem gengur
með stóðinu sé meintur orsaka-
valdur en það eru einkum ung
hross sem hafa lent fyrir barðinu
á honum.
Myndband af einu hrossinu
var sett á netið og vakti það mikil
viðbrögð í netheimum. Það
sýndi hross sem hafði verið bitið
það illa í vinstri síðu eða nára
með þeim afleiðingum að það
átti erfitt með gang.
Samkvæmt heimildum
Feykis voru gerðar ákveðnar
kröfur af hálfu Matvælastofnun-
ar, sem fer með málefni dýra-
heilbrigðis, og þess krafist að
strax yrði kallaður til dýralæknir
til að sinna því tryppi sem sést á
myndbandinu. Einnig var
bóndanum gert að aðskilja eldri
og yngri hross til að koma í veg
fyrir að atvik sem þetta endur-
taki sig. /PF
Sá eini sem skilaði
hagnaði 2011
Aðalfundur Sparisjóðsins Afls
Aðalfundur Sparisjóðsins Afls
(Siglufjarðar og Skagafjarðar)
var haldinn heim að Hólum í
Hjaltadal fimmtudaginn 23.
maí sl. Formaður Sparisjóðs-
stjórnar Þórbergur Guðjóns-
son flutti skýrslu stjórnar og
Sparisjóðsstjóri Ólafur
Jónsson fór yfir rekstur
Sparisjóðsins á síðasta ári.
Reksturinn á síðasta ári
skilaði niðurstöðu upp á tæpa
2,125 milljarða í hagnað en þá
er búið að tekjufæra leið-
réttingar vegna erlendra lána á
móti gjaldfærslu 2010 sem
skilaði 2,052 milljarði í tap þá,
þannig að raunverulegur hagn-
aður af hefðbundinni starfsemi
skilaði ríflega 70 milljónum
króna.
Í máli formanns og Spari-
sjóðsstjóra kom fram hve mikil
óvissa ríkir á íslenskum fjár-
málamarkaði og ber brýna
nauðsyn til að hraða afgreiðslu
dóma í gengismálum og hraða
afgreiðslu annarra mála svo
sem umræðu um verðtrygg-
ingu svo hægt sé að gera
áætlanir um rekstur með meiri
vissu en nú er. Reikningurinn
var samþykktur samhljóða en
um það bil 20 stofnfjáreigend-
ur voru mættir á fundinn.
Nokkrar umræður urðu
um tilboð Arion banka sem er
langstærsti eigandi stofnfjár-
bréfa, til stofnfjárhafa fyrir
síðustu jól á genginu einum að
nafnverði. Fram kom að stofn-
fjáreigendur þyrftu að vita
betur um áhrif dóma á stöðu
sína og hver verðmæti væru í
stofnfjárbréfunum til að taka
mætti upplýsta afstöðu um
sölu eða kaup.
Samstaða var á fundinum
og enginn bilbugur í stofnfjár-
eigendum. Telja þeir mikilvægt
að hafa peningastofnun í hér-
aði sem sé bakhjarl mennin-
gar, íþrótta og lista og geti stutt
við grunnþætti nærsamfélags-
ins.
Ný stjórn var kjörin, en
hana skipa: Ágúst Guðmunds-
son, Finnur Kristinsson,
Gunnar M. Guðmundsson,
Hulda Pétursdóttir og Anna
Skúladóttir. Stjórnin var kjörin
einróma.
Þess má geta að Sparisjóð-
urinn Afl var eini sparisjóð-
urinn á landinu sem skilaði
hagnaði rekstrarárið 2011. /PF
Byggðarráð Skagafjarðar
getur ekki orðið við umsókn
Söguseturs íslenska
hestsins um rekstrarstyrk á
árinu 2012, nema að
mótframlag frá ríkinu komi
til rekstrarins eins og verið
hefur á undangengnum
árum.
Þetta var ákveðið á fundi
Byggðarráðs fyrir skömmu
en ráðið vill samt sem áður
að Byggðasafns Skagfirðinga
tryggi að sýning Sögu-
setursins verði opin í sumar
með því að leggja verkefninu
til starfsmann. /PF
Sögusetur íslenska
hestsins
Fær ekki
rekstrar-
styrk
Skagafjörður
Sláttur hafinn
Trausti Kristjánsson bóndi á
Syðri-Hofdölum í Skagafirði
hóf heyskap í þurrkinum á
sunnudag er hann sló um
þriggja hektara nýrækt frá í
fyrra. Ágætt gras var á
túninu sem slegið var en
Trausti segir að lítið sé að
gerast á öðrum stykkjum
vegna þurrka.
Það eina sem bjargar er að
gróður fór vel af stað í vor og
segir Trausti að hann hafi náð
að bera á fyrir hretið sem skall
á landinu fyrir skömmu og
þakkar hann því að gróður
hefur náð þó þetta langt.
Ekkert sé að gerast í flögum frá
því í vor þar sem lítið sem
ekkert hefur rignt en náttfallið
nái þó aðeins að væta rætur á
túnum.
-Það er kannski að það fari
nú að rigna fyrst ég er byrjaður
að slá, segir Trausti í gaman-
sömum tón. /PF
Fyrsta harmónikuhátíð sumarsins
Ljúfir tónar í Ásbyrgi
Harmónikufélögin Nikkólína
og Harmónikuunnendur í
Húnavatnssýslum halda
fyrstu harmónikuhátíð
sumarsins dagana 15.
– 17. júní nk., í félagsheim-
ilinu Ásbyrgi í Miðfirði.
„Þetta er hátíð fyrir alla
fjölskylduna. Góð aðstaða er á
tjaldsvæðinu við félagsheimilið
fyrir gesti hátíðarinnar,“ segir í
frétt á Húna.is.
Hljómsveit Sveins Sigurjóns-
sonar spilar á föstudagskvöld,
en Harmónikufélagið Nikkó-
lína á laugardagskvöld. „Við
viljum hvetja unga fólkið til að
koma líka og æfa sig að dansa
við pabba og mömmur, afa og
ömmur, því hjá Harmóniku-
unnendum er alls ekkert
kynslóðabil,“ segir á Húna-
horninu.
Miðaverði er stillt í hóf,
aðeins 5.000 krónur fyrir
helgina á mann (dans og
aðstaða). 12 ára og yngri fá frítt.
Kaffisala verður á staðnum. /BÞ
Laxasetur Íslands
Opnar á þjóðhátíðardaginn
Laxasetur Íslands verður
opnað á þjóðhátíðardaginn,
sunnudaginn 17. júní nk.
„Allir eru velkomnir að
koma og sjá lifandi laxfiska
og skemmtilega og
fræðandi sýningu,“ segir í
auglýsingu í nýjasta eintaki
Gluggans.
Laxasetur Íslands ehf. var
stofnað þann 23. júní 2011 og
eru hluthafar nú 28 einstakl-
ingar, stofnanir og fyrirtæki.
Samkvæmt auglýsingu er hægt
að gerast hluthafi í félaginu til
23. júní 2012.
Laxasetur Íslands ehf. er til
húsa að Efstubraut 1, Blönduósi
og verður opið frá kl. 11 – 18 á
sunnudag, en opnunartími í
sumar verður frá kl. 10 – 18 alla
daga. /BÞ
Það verður nóg um að vera
á Norðurlandi vestra nú
um helgina.
Haldið verður upp á
þjóðhátíðardaginn á sunnu-
dag. Jónsmessuhátíð er á
Hofsósi, harmonikkuunn-
endur ættu að finna eitthvað
við sitt hæfi í Ásbyrgi og
Léttfeti verður með félagsmót,
tveir fótboltaleikir verða á
Króknum og Kvennahlaup
víðast hvar.
Já, nú er gaman! /ÓAB & BÞ
Stemning á Norðurlandi
Hæ hó!