Feykir - 21.06.2012, Blaðsíða 9
24/2012 Feykir 9
( TÓN-LYSTIN ) oli@feykir.is
Þórólfur Stefánsson
Zepparnir eru líka
alltaf æði
Þórólfur Stefánsson er
brottfluttur Skagfirðingur sem
nú býr í Jönköping í Svíþjóð og
kennir þarlendum gítarslátt.
Hann fæddist árið 1961 og ólst
upp á Öldustíg 3 á Sauðárkróki
og svo náttúrlega í sveitinni
hjá afa og ömmu. Þórólfur fékk
snemma áhuga á gítarleik og
lék í nokkrum hljómsveitum
áður en hann flutti búferlum
til sænskra frænda vorra. En
nú er komið að hinum árlegu
V.S.O.T. tónleikum í Bifröst
sem fyrst voru settir upp fyrir
gamla kunningja sem langaði
að djamma eina kvöldstund
með Þórólfi. Það verður engin
undantekning þetta árið og
verða tónleikarnir haldnir nk.
laugardagskvöld og er liður í
Lummudögum.
Helstu tónlistarafrek? Eru að
eigin mati að hafa haldið 90 mín.
langa klassíska gítartónleika í
Hvammskirkju í Laxárdal á sama
tíma og Ísbirnir voru á vappi á
Skaganum og sloppið lifandi. Kirkjan
var troðfull af Skagabændum og
öðru góðu fólki.
Svo hef ég spilað alveg fullt við
allskonar aðstæður en er alltaf
stoltur yfir því að hafa fengið að
frumflytja gítarverkið "Dulcinea"
f. gítar og strengjasveit e. Þorkel
Sigurbjörnsson í Dómkirkjunni í
Linköping....
Uppáhalds tónlistartímabil? Er
líklega árin uppúr 67...til 72, annars
hefur alltaf verið fullt af góðri tónlist á
öllum tímabilum, að mínu mati.
Hvaða tónlist fær þig til að
sperra eyrun þessa dagana?
Gítarleikararnir Vicente Amigo og
Gerardo Nunez og grúppan Quadro
Nuevo. Zepparnir eru líka alltaf æði.
Hvers konar tónlist var hlustað
á á þínu heimili? Ragga Bjarna,
Ellý Vilhjálms, Óskalög sjúklinga,
Karlakóra og einsöngslög......
(mamma söng rosalega mikið við
heimilisstörfin).
Hvað var fyrsta platan/diskurinn/
kasettan/niðurhalið sem þú
keyptir þér? Bítlarnir, lítil LP Love me
do, keypt í Hljóðfæraverslun Sigríðar
Helgadóttur í skólaferðalaginu m. 6.
bekk til Reykjavíkur árið 1972.
Hvaða græjur varstu þá með? -Þá
voru allir með Dual Stereo græjur
(sem ég tengdi fyrsta rafgítarinn
minn í seinna meir og sprengdi í
tætlur, og útvarpið heima líka).
Hvað syngur þú helst í
sturtunni?-„...Yfir löööönd, yfir
hööööf....hvert sem liiiigja mín
spor......"
Wham! eða Duran? -NEI TAKK!!
Þú heldur dúndurpartí í kvöld,
hvað læturðu hljóma í græjunum
til að koma öllum í stuð?
-http://www.youtube.com/
watch?v=OLg7TtPE6ag -
UHHHHHHHHH YEAH...........= Led
Zeppelin
Þú vaknar í rólegheitum á sunnu-
dagsmorgni, hvað viltu helst
heyra? -http://www.youtube.com/
watch?v=mWW3zQttNsc = Pedro
Almodóvar - Hable con ella
Þú átt þess kost að fara hvert
sem er í heiminum og skella þér
á tónleika. Hvert færirðu, á hvaða
tónleika og hvern tækirðu með
þér? -Ég færi nokkur ár afturábak
í tímann með Skafta bróður á
tónleikana með Led Zeppelin í Royal
Albert hall 9. jan 1970
Hvaða tónlistarmann hefur þig
dreymt um að vera? -Engan...bara
þá mig sjálfan :D
Hver er að þínu mati besta plata
sem gefin hefur verið út?
-LED ZEPPELIN I, II, III og IV
/PF
Nýr rekstraraðili
tekinn við
( ÁSKORENDAPENNINN ) berglindth@feykir.is
Rakel Runólfsdóttir skrifar frá Hvammstanga
Hvað er að frétta?
Ég hitti gamlan vin
úr grunnskóla fyrir
skemmstu, hafði ekki
hitt hann í um það
bil 10 ár. Þetta voru
fagnaðarfundir og
þegar ég hafði heilsað
honum með kossi og
faðmlagi spurði ég
hann hvað væri að
frétta.
„Allt gott bara“ – já,
frábært sagði ég, þá
mundi ég eftir því að ég
sá á facebook að hann
var búinn að eignast
barn. Ég óskaði honum
aftur til hamingju með
barnið (var búin að
gera það á facebook).
Gengur ekki vel með
pjakkinn? - var næsta
spurning, ég vissi það
reyndar líka af því að
ég sá myndir af því á
facebook að barnið var
farið að skríða og búið
að jafna sig á kvefinu
sem það var með í
síðustu viku. „Jú hann
er frískur og hress“.
Heyrðu já, og þú varst
að útskrifast úr háskóla,
til hamingju með það
sagði ég aftur (ég
var líka búin að óska
honum til hamingju á
facebook). „Já, takk“.
Á þessum tímapunkti
var ég að átta mig á því
að ég vissi nákvæmlega
hvað var að frétta af
gamla vininum. Ég vissi
meira að segja hvað
hann gerði kvöldið áður,
hvað hann borðaði í
hádeginu og að hann
væri að fara til Spánar
eftir tvær vikur með
vinnufélögunum. Við
tók frekar vandræðaleg
en sem betur fer stutt
þögn.
... hvað er annars að
frétta af mömmu þinni
??! (hún er ekki með
facebook) Ég fékk
töluverðar fréttir af
mömmunni, vininum
fannst gaman að segja
frá og sérstaklega þær
óvæntu fréttir að hún
væri komin í sambúð
eftir að hafa búið ein
um áratuga skeið.
Ég hef ekki fengið
óvæntar fréttir síðan fyrir
facebook.
Næst þegar ég
hitti gamlan vin úr
grunnskóla er sennilega
bara best að koma sér
beint að efninu: „Hvað
er að frétta af mömmu
þinni?“.
- - - - -
Rakel skorar á Erlu
Ísafold Sigurðardóttur
á Blönduósi að taka við
pennanum.
Ferðaþjónustan á Hólum
Þann 1. júní sl. tók Valgerður
Björg Stefánsdóttir við rekstri
Ferðaþjónustunnar á Hólum
af Hildi Þóru Magnúsdóttur
sem hefur snúið sér að
tjaldstæðarekstri í Skagafirði.
Valgerður sem er nemi á
ferðamálabraut á Hólum mun
hún sjá um reksturinn í sumar
og halda svo áfram í skólanum
þegar haustar. Meðal þess sem
Ferðaþjónustan býður upp
á í sumar eru gönguferðir á
laugardögum sem kallast „Í
fótspor Guðmundar góða“
en þá verður farið upp í
Gvendarskál með leiðsögn.
Einnig verða farnar tvær lengri
gönguferðir í sumar og verður
þá gengið í þrjá daga í nágrenni
Hóla og í Þórðarhöfða en með
bækistöð á Hólum. Áhugasamt
göngufólk er hvatt til að kynna
og nýta sér þessa nýjung
Ferðaþjónustunnar á Hólum.
/PF
Þórólfur með fyrsta gítarinn sinn sem hann keypti af sjómanni fyrir eina brennivínsflösku.
Söngnámskeið,
Barokkmessa og
Lokatónleikar
Jón Þorsteinsson dósent við
tónlistarháskólann í Utrecht
í Hollandi, heldur meist-
aranámskeið í barokksöng
á Barokk-hátíðinni og eru
tímarnir opnir þeim sem vilja
fylgjast með.
Barokkmessa verður haldin
sunnudaginn 24. júní kl 11,
sem er jafnframt lokadagur
hátíðarinnar. Þann dag
verða einnig lokatónleikar
hátíðarinnar kl. 14 og verður
aðgangur ókeypis.
Barokkhátíðin á Hólum
er kjörið tækifæri fyrir alla
þá sem vilja kynna sér betur
barokktímabilið og tilvalið að
fá sér bíltúr heim að Hólum
og njóta þess sem hátíðin
hefur uppá að bjóða. Ekki
er nauðsynlegt að vera alla
dagana heldur er hægt að sækja
einstakan viðburð, allt eftir því
hvað hentar.
Nánar um hátíðina má
finna á www.barokksmidjan.
com eða hjá Kristínu Höllu
g ut t i k r i s t i n @ s i m n e t . i s .
Menningarráð Norðurlands
vestra styrkir verkefnið.