Feykir - 28.06.2012, Blaðsíða 3

25/2012 Feykir 3
DótaDagar
fimmtuDag, föstuDag
og laugarDag
20%
afsláttur
af leikföngum
og spilum!
Smábæjarleikar Arion banka og Landsbankamótið
Fótboltafjör beggja
vegna Þverárfjalls
Krakkar spiluðu fótbolta
beggja vegna við
Þverárfjallið sl. helgi en
Smábæjarleikar Arion banka
voru haldnir á Blönduósi og
Landsbankamótið var á
Sauðárkróki. Veðurguðirnir
léku við þátttakendur líkt og
aðra íbúa Norðurlands
vestra, með sólskini og
hlýjum vindum.
Á Smábæjarleikunum tóku
um 55 lið þátt frá 16 félögum
vítt og breytt um landið og
keppt var í yngri aldursflokkum,
bæði pilta og stúlkna. Talið er
að keppendur hafi verið um 500
talsins, auk þjálfara og liðstjóra.
„Því er óhætt að segja að íbúa-
fjöldi á Blönduósi hafi að
minnsta kosti þrefaldast um
helgina,“ segir á heimasíðu
Hvatar en þar má einnig finna
úrslit helgarinnar.
Yfir 500 þátttakendur voru á
Landsbankamótinu á Króknum
um helgina, einnig frá félögum
vítt og breytt um landið en
mótið er fyrir stelpur í 5. 6. og 7.
flokki.
Úrslit mótsins má finna á
heimasíðu Tindastóls. /BÞ Það var mikið fjör á vel heppnuðu Landsbankamóti á Sauðárkróki um helgina, enda veðrið gott og gaman í fótbolta. Myndir: ÓAB
Dómari á Smábæjarleikunum frá Hollandi, 69 ára að aldri. Mynd: Guðmundur Karl Ellertsson
Myndir frá Smábæjarleikunum á Blönduósi. Myndir: Húni.is