Feykir - 28.06.2012, Blaðsíða 5

25/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
Skoruðu sigurmarkið
á lokamínútunum
Knattspyrna : 1. deild kvenna
Stúlkurnar úr Meistaraflokki
Tindastóls áttu hörku
spennandi leik við lið
Grindavíkur sl. föstudags-
kvöld, 22. júní, á Sauðár-
króksvelli og endaði hann
með sigri Tindastóls 1-0.
Það var Rakel Hinriksdóttir
sem setti boltann í markið fyrir
Tindastól á lokamínútum leiks-
ins.
Eitt rautt spjald fór á loft í
leiknum og var það Þórkatla Sif
Albertsdóttir leikmaður Grinda-
víkur sem var vísað af velli en
áður hafði hún fengið
áminningu. Í sama liði fékk
Sarah Wilson einnig gult spjald
en í Tindastólsliðinu fengu þær
Rakel Hinriksdóttir og Sunna
Björk Atladóttir sitt hvort gula
spjaldið.
Tindastóll er nú í sjötta sæti í
B-riðli með 6 stig en lið
Grindavíkur er statt í því sjöunda
með 3 stig. /BÞ
Skotfimi
Landsmót Skotíþróttasambands Íslands í
leirdúfuskotfimi (skeet) fór fram á Blönduósi
sl. helgi. Félagsmenn úr Markviss stóðu sig
með ágætum en komust þó ekki á pall í
einstaklingskeppninni en Markviss hafnaði í
öðru sæti í liðakeppninni.
Sigurvegari mótsins var Hákon Þór Svavarsson
(SFS), í öðru sæti hafnaði Örn Valdimarsson (SR)
og Ellert Aðalsteinsson í 3. sæti. Dagný H.
Hinriksdóttir (SR) stóð uppi sem sigurvegari í
kvennaflokki eftir harða keppni við Margréti Elfu
Hjálmarsdóttur (SR). Sigurður Unnar Hauksson
(SKH) vann unglingaflokkinn og Davíð Ingason
(SFS) sigraði Öldungaflokk. SR vann liðakeppnina,
Markviss í öðru sæti og SIH í því þriðja.
„Okkar menn stóðu sig með ágætum, Brynjar
skaut 96 og vann 2. flokk og hafnaði í 12. sæti á
mótinu. Bergþór formaður skaut 105 og Guðmann
skaut 104 og komust báðir í úrslit þar sem Bergþór
hafnaði í 4. sæti eftir bráðabana við Ellert
Aðalsteinsson SR og Guðmann í 5. sæti,“ segir á
facebook-síðu Markviss. /BÞ
Vel heppnuðu Landsmóti STÍ lokið

Heilir og sælir lesendur góðir.
Það er Jói í Stapa sem á fyrstu vísuna að
þessu sinni.
Ljómar austrið, lifnar jörð
litir traustir skarta.
Fagnar traust og fagurgjörð
fuglaraustin bjarta.
Önnur vísa kemur hér eftir Jóa.
Ætíð mína léttir lund,
lífið sem ég unni,
ylríkt kvöld að eiga stund
úti í náttúrunni.
Tryggur vinur þáttarins spyr um hvort
einhver kannist við vísur eftir Svein
Jónsson sem kenndur var við Grímstungu
í Vatnsdal. Bróðir Sveins var Þorleifur
Jónsson á Blönduósi og hafa birst eftir hann
vísur í þessum þáttum. Bið lesendur að
gefa upplýsingar ef þeir kunna vísur eftir
þá bræður. Þá bið ég lesendur að vera svo
góða að leiðrétta um höfund næstu vísu
sem mig minnir að sé eftir Hjörleif Jónsson
á Gilsbakka.
Góða veðrið margir meta,
mestar fréttir það ég tel.
Sjómenn hafa haft að éta
og heyskapurinn gengur vel.
Minnir endilega að næsta vísa sé einnig eftir
Hjörleif.
Oft er gallað umhverfið
æskan fallvölt líður.
Eftir Fjalla-Eyvindi
ennþá Halla bíður.
Næst er til þess að taka að spurt hefur verið
um eftirfarandi vísu.
Það er dauði og djöfuls nauð
er dyggðasnauðir fantar,
safna auð með augun rauð
en aðra brauðið vantar.
Hef lengi haldið að umrædd vísa sé eftir
Sigurð Breiðfjörð en kannski er það ekki rétt
munað. Gott að fá leiðréttingu þar á. Gaman
að hafa næst yfir hringhendu eftir Ágúst
Guðbrandsson.
Dvínar bjarmi, nálgast nótt
náðar armar skína.
Við sumars barm ég sofna rótt
svæfi harma mína.
Dásamleg vorvísa kemur hér næst eftir
Ágúst.
Eykur varma í vona – ós
vöxtur í bjarmans fljóti.
Lyfta barmi reyr og rós
röðuls armi móti.
Bætum einni við eftir Ágúst.
Austan blærinn golu glaður
gnípur þvær og tinda strýkur.
Vísnaþáttur 573
Loftið tæra hress og hraður
hrista nær svo lognið fýkur.
Einhverju sinni er ágæt vinkona Birgis
Hartmannssonar átaldi hann fyrir drykkju-
skapinn varð til svofelld svarvísa.
Lep ég vín á ljúfum fundum
líkt og fleiri menn.
Orðið hef þó edrú stundum
en aldrei lengi í senn.
Reynslunni ríkari yrkir Birgir.
Þegar ég með fullan fleyg
fór um gleðislóðir,
og rausnarlega veitti veig
vinir birtust góðir.
Brennivín þá búið er
brostinn gleðistrengur.
Mínum vinum fækka fer
þeir finnast ekki lengur.
Birgir sem er eins og margir vita, Skagfirð-
ingur heldur áfram.
Mér var ei sú gáfa gefin
að gæta hófsins byðist vín.
Þó ég vildi vanda skrefin
varð hún hlykkjótt slóðin mín.
Oft hef notið yls frá svönnum
öðlast frægð af skaupinu.
Líkt og fleiri Fljótamönnum
fundist gott í staupinu.
Áfram skal haldið með ágætar vísur úr
Skagafirði. Ragnar Örn mun höfundur að
þessari.
Ýmsir falla í öldurótið
aðrir hljóta lán og hylli.
Margir kasta flugu í fljótið
en fáum gefin veiðisnilli.
Á hestamannamóti yrkir Ragnar.
Mátti vart á milli sjá
mjög er blandin vissan.
Hvort á meiri kostum lá
knapinn eða hryssan.
Maður nokkur sagði frá því að hann hefði
mætt á förnum vegi glæsilegri konu á
miklum gæðingi. Ragnar orti.
Ef ég mætti gæðings gildi
glæsireisn og snilli bera.
Fákur þá ég feginn vildi
fóta þinna milli vera.
Þá er komið að lokavísu þessa þáttar. Mun
hún ort um 1930 við jarðarför á vordegi.
Höfundur Jóhann B. Jónsson.
Líndúksblæja foldar fríð
felur duldu sárin.
Sólargeisla brosin blíð
breiðast yfir tárin.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON )
Frá leik Tindastóls og Grindavíkur.
Knattspyrna : 1. og 3. deild karla
M.fl. Tindastóls tapaði 2:0
fyrir Fjölni þann 21. júní sl.
þegar liðin mættust á
Fjölnisvelli. Fjölnisliðið er þá
komið í efsta sæti 1. deildar
karla en á sama tíma tapaði
Þór Akureyri, sem var á
toppnum, fyrir KA, 3:2.
Það voru þeir Bjarni
Gunnarsson og Þórir Guðjóns-
son sem settu boltann í netið
fyrir Fjölni. Sem fyrr segir er
Fjölnir þá efst í deildinni með 15
stig en Tindastóll í því áttunda
með sjö stig.
Leikmenn Drangeyjar
völtuðu yfir lið Ýmis sl.
sunnudagskvöld, þann 24. júní,
en leikið var á Sauðárkróksvelli
við ágætar aðstæður. Staðan í
hálfleik var 1-0 en Eyjapeyjarnir
gerðu sér lítið fyrir og bættu
fimm mörkum við í síðari
hálfleik og lokatölur því 6-0.
Fyrsta mark leiksins gerði
Gunnar Stefán Pétursson á 11.
mínútu en í síðari hálfleik spýtti
Ingvi Rafn Ingvarsson rækilega í
lófana og gerði næstu þrjú mörk
leiksins, fyrsta markið kom á 49.
mínútu, það næsta kom þremur
mínútum síðar og Ingvi kvittaði
svo fyrir þrennunni á 75. mínútu.
Hilmar Þór Kárason gerði
fimmta mark Drangeyjar á 82.
mínútu og það var síðan Stefán
Hafsteinsson sem batt enda-
hnútinn með marki á 87.
mínútu. /BÞ & ÓAB
Tap og stórsigur