Feykir - 28.06.2012, Side 7
25/2012 Feykir 7
kirkjunni í umsjá og flutningi
heimafólks. Eftir tónleikana lá
leiðin á kaffihús Sólheima, sem
ber nafnið Græna kannan og
sumir fengu sér kaffi og kökur
á meðan aðrir laumuðu sér inn
í verslunina Völu og keyptu sér
ís í misstórum umbúðum.
Sólin kyssti skallann á hópn-
um og segja má með sanni að
veðurblíða dagsins hafi slegið
flestum dögum á Spáni út.
Eftir spjall við félaga okkar á
Sólheimum lá leiðin svo heim
á hótel þar sem flestir nýttu
tímann til að hvíla sig eftir
sólardaginn og safna kröftum
fyrir kvöldmat. Eftir dýrindis
máltíð og notalegt spjall, fór
hópurinn að rölta til móts við
draumaheima, sátt við dagskrá
dagsins og með tilhlökkun til
komandi dags.
Sunnudagurinn 3. júní var
í rólegri kantinum. Þá var
keyrt meðfram ströndinni
frá Selfossi til Reykjavíkur
og litið við á Eyrabakka, í
Strandakirkju og á Grindavík.
Tekinn var aukalegur rúntur
um bæjarfélögin til að kanna
hugmyndir að skreytingum
fyrir Lummudaga og mögu-
legar nýbyggingar í Skagafirði.
Ferðinni var heitið í Kringluna til
að kanna mannlífið í Reykjavík
en þar fyrirfundust kynjóttar
kerlingar, ljúfir tónar og
fataleppar. Þegar hópurinn hafði
fyllt vambir sínar af kræsingum,
töldu margir að enn væri laust
pláss fyrir ís, rétt áður en lagt
var á stað í rútuna. Heimferðin
einkenndist af sofandi fólki og
stoppi í Staðaskála.
fyrir frábæra þjónustu, góðar
stundir og góðan mat. Steinn
Sigurðsson er einnig dáður af
hópnum fyrir að keyra okkur
hvert sem okkur langar að fara
á langferðabílnum „okkar“, sem
gerir okkur frjáls eins og fugl.
Allir í hópnum geta því verið
saman og notið ferðarinnar á
sömu forsendum,“ segir Auð-
björg að endingu.
Hægt er að fylgjast með
starfsemi Tómstundahóps
Rauða krossins á heimasíðu
hópsins thrki.net. Starfsemi
hópsins er háð velvild fyrir-
tækja, félagasamtaka og ein-
staklinga. Hægt er að leggja
hönd á plóg með því að leggja
fjármagn inn á reikning hóps-
ins 310-13-110173, kennitala
620780-0229.
„Margt smátt gerir eitt stórt,“
bætir Auðbjörg við í lokin.
Það voru þreyttir en mjög
glaðir ferðalangar sem runnu
inn í Sveitarfélagið Skaga-fjörð
um kl. 21:30 þetta sunnu-
dagskvöld. Ferðin var búin að
vera í alla staði æðisleg og æsti
þrá hópsins til að skoða stærri
part af jarðarkúlunni.
Þakklæti
Auðbjörg vill færa þakkir,
fyrir hönd Tómstundahópsins,
til allra þeirra sem hafa lagt
hópnum hjálparhönd, því
án þeirra væru ferðir sem
þessar ekki farnar þrátt fyrir
fjárstyrki. „Sel Hótel Mývatn
og Hótel Selfoss fá bestu þakkir
( RABB-A-BABB ) oli@feykir.is
Guðrún Valgeirs
NAFN: Guðrún Jóna Valgeirsdóttir
ÁRGANGUR: 1971. Það má til gamans geta að það
ár varð Sauðárkróksbær 100 ára og Landsmót
UMFÍ haldið þar með pompi og prakt. Mamma
komst því miður ekki á Landsmótið þar sem
ég hélt henni upptekinni uppá fæðingadeild
sjúkrahússins, sorry mamma :)
FJÖLSKYLDUHAGIR: Bý ein-stök með afleggjarana
mína tvo, Írisi Lilju Þórðardóttur 15 ára og
Valgeir Inga Þórðarson 14 ára.
BÚSETA: Reykjavík 105 – í Laugardalnum þar
sem sólin skín og Þróttarar búa.
HVERRA MANNA ERTU: Dóttir Buggu (Pálma og
Gunnu) og Valgeirs (Kára og Distu).
STARF / NÁM: Fylgdi í fótspor feðranna og fór
í Kennaraháskóla Íslands. Er því grunn-
skólakennari – kenni unglingum í Háaleitis-
skóla ensku og er jafnframt umsjónakennari.
BIFREIÐ: Skódi steisjon, það dugar ekkert minna
ef ég á að komast norður í Skagafjörðinn.
HESTÖFL: Ha, dingdongdingdong ég skil ekkert
um hvað þú ert að spyrja.
HVAÐ ER Í DEIGLUNNI: Er að fara í námsferð til
Berlínar í júní – hlakka mikið til!
Hvernig hefurðu það? Ég hef það bara
alveg ljómandi gott :)
Hvernig nemandi varstu? Ég var
ágætis námsmaður en alveg örugglega
svakalega pirrandi, var eins og útvarp –
ég sem kennari hefði líklega kallað mig
FM95gjó.
Hvað er eftirminnilegast frá
fermingardeginum? Ætli það hafi ekki
verið hárgreiðslurnar, herðapúðarnir
og veislan. Mamma og pabbi voru
ekki alveg búin að klára að byggja en
veisluna átti að halda í Háuhlíð 1 „no
matter what“. Málverkin á veggjunum
voru fengin að láni hjá Silla Elíasar og
leit stofan út eins og fínasta gallerí.
Svona kunni fólk að redda sér…
Hvað ætlaðir þú að verða þegar þú
yrðir stór? Búðarkona (helst í kjör-
búðinni á Króknum).
Hvað hræðistu mest? Svona spurn-
ingar.
ABBA eða Rolling Stones? ABBA.
Hver var fyrsta platan sem þú keyptir
(eða besta)? Abba - Voulez-Vouz.
Hvaða lag er líklegast að þú takir
í Kareókí? More Than Words með
Extreme. Myndi syngja það með
Önnu Pálu Gísladóttur vinkonu minni
EÐA Something Stupid með Robbie
Williams, myndi syngja það með
pabba… það yrði söguleg stund.
Hverju missirðu helst ekki af í
sjónvarpinu (fyrir utan fréttir)? Núna
þessa dagana yrði það Homeland.
Annars missi ég yfirleitt af öllu í
sjónvarpinu og er algjörlega óþolandi
í kaffitímanum í vinnunni þar sem ég
veit ekkert hvað er að gerast í öllum
þessum þáttum. Það eru allir að tala
um Borgen, ég veit ekki neitt!
Besta bíómyndin (af hverju)? Ég
horfi voðalega sjaldan á bíómyndir.
Schindler’s List fannst mér ótrúlega
sterk mynd, sagan, litirnir, tónlistin –
hreyfði mikið við mér. Pay it forward
finnst mér mjög merkileg því þar
er hægt að finna skýra skírskotun í
Biblíuna, falleg saga með fallegan
boðskap. Að lokum ætla ég að nefna
Oliver Twist sem er klassísk saga skrifuð
á tímum iðnbyltingarinnar, söguleg og
merkileg skáldsaga. Annars er ég að
klára námskeið í kvikmyndalæsi þessa
dagana þannig að svarið mitt verður
líklega allt annað eftir 2-3 vikur því þá
veit ég svo roooosalega miklu meira en
ég veit í dag :)
Hvað gerir þú betur en allir aðrir á
þínu heimili? Er best af öllum í því að
brjóta saman þvott!
Hvert er snilldarverkið þitt í
eldhúsinu? Allt sem ég geri þar er
snilld, mamma segir það! Sérhæfi
mig í kjúklingaréttum, salötum og
heilsudrykkjum. Nýbúin að fara á
Sushi námskeið… spennandi tímar
framundan.
Hvað fer helst í innkaupakörfuna
sem ekki er skrifað á tossamiðann?
Gúrka! Á yfirleitt 3-6 gúrkur í ísskápnum.
Hversu furðulegt er það?
Hvað er í morgunmatinn? Á góðum
dögum boozt úr möndlumjólk, spínati,
mango, bönunum, chia-fræjum,
döðlum og hörfræolíu. Hina dagana
er það engiferte og banani hjá mér og
Special K m/bönunum hjá börnunum.
Hvernig er eggið best? Linsoðið eða
egg í gati.
Uppáhalds málsháttur? Ég geri ekki
neitt fyrir neinn sem gerir ekki neitt fyrir
neinn.
Hvaða teiknimyndapersóna höfðar
mest til þín? Simpson fjölskyldan er
alltaf í uppáhaldi.
Hver er uppáhalds bókin þín? Er
nýbúin að lesa Hungurleikana (fannst
ég verða að gera það þar sem ég kom
að syninum að stelast til að lesa langt
fram á nótt). Þrusugóð bók fyrir unglinga
á öllum aldri. Er byrjuð á bók nr. 2.
Ef þú gætir hoppað upp í flugvél og
réðir hvert hún færi, þá færirðu...í
heimsreisu um Asíu og Afríku með
börnin mín.
Hvað fer mest í taugarnar á þér í fari
þínu? Að ég kunni ekki almennilega að
slaka á :(
Hvað fer mest í taugarnar á þér
í fari annarra? Óheiðarleiki og
metnaðarleysi.
Enski boltinn - hvaða lið og af hverju?
Ég hef alltaf haldið að ég sé United
manneskja, af hverju veit ég ekki. Ætti
að vera harður Chelsea aðdáandi þar
sem ein af fyrirmyndum mínum (pabbi)
er það… held ég sé bara voðalega
afslöppuð í enska boltanum. Áfram
Tindastóll og Lifi Þróttur er alveg nóg fyrir
mig. Er oggupons Framari líka þar sem
ég kenni í Fram-hverfinu og nemendur
mínir (núverandi og fyrrverandi) allir
Framarar.
Hvaða íþróttamanni hefurðu mestar
mætur á? Pabba og börnunum mínum
:) Fyrir utan fjölskylduna þá er það
líklega Guðjón Valur og Stella Sig í
handboltanum. Hólmar Örn Eyjólfs.,
Hörður Björgvin Magnússon, Annie Mist,
Vanda Sig… úff, mér finnst svo margir
frábærir, get ekki nefnt neinn einn/eina.
Hver var mikilvægasta persóna
síðustu 100 ára að þínu mati?
Forfeður mínir koma upp í hugann,
annars væri ég ekki til og væri ekki það
sem ég er.
Ef þú ættir að dvelja alein/n á
eyðieyju, hvaða þrjá hluti tækirðu með
þér? Skó, bókina um Róbinson Crusoe
og áherslupenna til að strika undir þar
sem ég þarf að muna til að lifa af.
Hver væri titillinn á ævisögu þinni?
Ekki dugar að drepast.
Viltu taka þátt
í Rabb-a-babbi?
Langar þig að vera með eða
þekkirðu einhvern sem þér finnst að ætti að vera í Rabb-a-babbi?
Sendu okkur póst á feykir@feykir.is
Ljósmynd: Silla Páls