Feykir - 05.07.2012, Síða 10

10 Feykir 26/2012
Forsetaslagurinn á enda
Þá er forsetakosninga-
slagurinn á enda og Ólafur
Ragnar Grímsson mun sitja
sitt fimmta kjörtímabil í
embættinu. Slagurinn var
sögulegur að mörgu leyti
sem ekki verður tíundað
hér að öðru en því að
Skagfirðingur lagði það á sig
og fjölskyldu sína að koma
frá Noregi og bjóða fram
krafta sína í viðleitni landans
við að skapa nýtt Ísland. En
eitthvað verður það að bíða
þar sem Ísland er ekki enn
tilbúið fyrir þennan unga
eldhuga.
„Þessu er lokið já. Það hefur
verið mikið að gera og við
höfum svo sannarlega farið
út fyrir þægindaramman. Að
sama skapi höfum við vaxið sem
einstaklingar og vonandi sem
meðborgarar. Vissulega hefur
það verið ögrandi á tímum –
að vera óþekktur í baráttunni.
Það hefur einkum birst í því að
við höfum þurft að sannfæra
þjóðina um okkar eigið ágæti.
Því ekki er laust við að ég hafi
fengið ákveðna ímynd á mig
þegar ég steig fram og tilkynnti
um framboð. Í seinni tíð hef ég
heyrt utan af mér að margir hafi
talið mig athyglissjúkan, haldið
að ég væri eitthvað, drepast úr
monti, nú eða þá að fólk hafi
talið mig hálfgerðan bjána“,
segir Hannes.
„Öllum þessum „tilbúnu“
ímyndum af mér og okkur
hjónum höfum við mætt
með jafnaðargeði. Við höfum
haldið okkar jarðtengingu
alla leið og leitast við að vera
sönn og einlæg í allri okkar
umræðu og viðskiptum við
fólk og fréttamiðla. Við höfum
leitast við að koma fram eins
og við erum, með öllum
okkar kostum og göllum. Í
svo sérstakt embætti eins og
forsetaembættið er, þá hefur
okkur fundist almenningur í
landinu eigi einmitt rétt á því
að kynnast frambjóðendum á
þann hátt“.
Draumur
sem lifir
ennþá
Hannes segir að smátt og
smátt hafi svo fleiri og fleiri
opnað augun fyrir því hvaða
fólk þau hjónin hafi að geyma.
Enda fundu þau fyrir mikilli
jákvæðni í þeirra garð eftir
því sem leið á baráttuna. „Það
er með ólíkindum hversu
margir hafa haft orð á því að
við værum eiginlega besti
valkosturinn. Engu að síður
hafi viðkomandi ákveðið að
kjósa annan frambjóðenda
vegna ógnunar sem stafaði
frá hugsanlegri inngöngu í
Evrópusambandið. Eftir á að
hyggja, það að koma óþekktur
fram á sjónarsviðið, þá held
ég að það hefði breytt litlu þó
svo við hefðum eytt miklum
fjármunum í það að auglýsa
framboðið. Hitt hefði verið
mun áhrifaríkara að koma frá
stöðu í þjóðfélaginu þar sem
andlit eða rödd var þekkt fyrir
kosningar.
Nú má segja að þú sért
þekkt andlit á Íslandi eftir
þessa kosningabaráttu, er
möguleiki á því að þú farir
í aðra kosningabaráttu til
forseta þegar Ólafur hættir?
„Vissulega erum við nú orðin
kunn almenningi og vonandi
af einu góðu. Hvernig og
hvort við munum nýta okkur
það á þann hátt að líta til
forsetaframboðs eftir fjögur
ár höfum við ekki rætt.
Hins vegar höfum við rætt
það hvernig við gætum nú
komið að uppbyggingu eða
unnið að velferðarmálum
á Íslandi svo gott hljótist af.
Hvað við gætum gert og þá
hvernig vitum við ekki ennþá.
En vonandi getum við látið
gott af okkur leiða, í þágu
bæði lands og þjóðar. Það er
sannarlega draumur sem lifir
ennþá þrátt fyrir að hafa tapað
forsetakosningunum“. /PF
Fornleifarannsóknir BSk á
járnvinnslustað í Fnjóskadal
Á sér lengri
sögu en áður
var talið
Hópur fornleifafræðinga á vegum Fornleifadeildar
Byggðasafns Skagfirðinga hefur undanfarnar vikur unnið
að fornleifarannsóknum á jörðinni Skógum í Fnjóskadal
vegna fyrirhugaðrar gangnagerðar undir Vaðlaheiði
en á síðasta ári komu þar í ljós minjar umfangsmikillar
járnvinnslu.
„Frumniðurstöður þessa árs benda til að járnvinnslan eigi sér
lengri sögu en áður var talið og að hana megi rekja að minnsta
kosti aftur til 11. aldar,“ segir Guðmundur Stefán Sigurðarson
fornleifafræðingur. Rannsókn þessara minja hófst síðasta haust
en járnvinnsluna segir Guðmundur vera mitt í gangnastæði
Vaðlaheiðagangna að austanverðu.
„Slitrur úr gjósku úr þekktu Heklugosi frá árinu 1104
fundust í stórum gjallhaugi sem er á svæðinu og virðist hluti
framleiðslunnar hafa átt sér stað fyrir þann tíma,“útskýrir
Guðmundur og segir að allri vinnslu virðist hins vegar hafa
verið hætt nokkru fyrir 1300, þegar önnur þekkt gjóska úr
Heklu féll. „Ljóst er að framleiðsla járns á staðnum hleypur
á tonnum, en unnið er að mælingum á umfangi og innihaldi
gjallhaugsins, sem og uppgreftri og uppmælingum annarra
minja á svæðinu,“ segir hann.
Guðmundur tekur fram að ekki sé gert ráð fyrir töfum við
gangnagerð af þessum sökum, en starfsmenn fornleifadeildar
safnsins verða við rannsóknir á Skógum út mánuðinn. /BÞ
Fornleifafræðingar mæla umfang og innihald gjallhaugsins en hér má sjá
könnunarskurð sem grafinn var þvert í gengum hauginn. Mynd: BSk.
Fornleifafræðingar að störfum í Fnjóskadal. Gjallhaugurinn sést fyrir miðju myndar.
Mynd: BSk.