Feykir - 19.07.2012, Blaðsíða 2
2 Feykir 28/2012
Útgefandi: Nýprent ehf. Borgarflöt 1 Sauðárkróki
Póstfang Feykis: Box 4, 550 Sauðárkrókur
Ritstjóri & ábyrgðarmaður:
Páll Friðriksson – palli@feykir.is & 455 7176, 861 9842
Blaðamenn:
Berglind Þorsteinsdóttir – berglindth@feykir.is & 694 9199
Óli Arnar Brynjarsson – oli@feykir.is
Lausapenni: Örn Þórarinsson.
Áskriftarverð: 350 kr. hvert tölublað með vsk. Lausasöluverð: 390 kr. með vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Meira malbik
„Ég hef víða farið en aldrei austur á firði né heldur á
Vestfirðina,“ sagði vinur minn eitt sinn og uppskar hlátur
áheyrenda. En þetta gæti átt við marga og m.a. var
undirritaður að ferðast í fyrsta skipti um Vestfirðina í síðustu
viku þó hann hafi komið á Ísafjörð og Bolungarvík fyrir
margt löngu. Eins og vænta mátti var dvölin á Vestfjörðum
afar góð og veðrið lék við ferðalanga. Leiðarahöfundi varð
oft hugsað um forgangsverkefni í vegamálum landsins er
heiðarnar voru lagðar undir dekkin en í þeim málum er þó
nokkuð langt í land til að geta sagt að séu sæmileg.
Gangnagerð milli Ísafjarðar og Bolungarvíkur annars vegar
og til Önundar- og Súgandafjarðar hins vegar hafa verið
geysileg samgöngubót og nú er hægt að aka á malbiki frá
þessum stöðum að þjóðvegi eitt. Hins vegar eru vegirnir frá
Dýrafirði til Bíldudals gamlir malarvegir og yfir háa
heiðarvegi að fara og Barðaströndin er ekki til að hrópa
húrra fyrir þó þar séu góðir kaflar inn á milli. Mér var
hugsað til þeirra háværu radda á Norðurlandi sem vilja
svokallaða Svínavatnsleið og Vaðlaheiðargöng og styttir
leiðina um þjóðveg eitt um örfáa kílómetra en þar eru fyrir
góðir akvegir. Sjálfsagt eru skiptar skoðanir á þessu en ég
mæli með aukinni vegagerð á Vestfjörðum.
Páll Friðriksson
ritstjóri
Fornleifar við Kolkuós í Skagafirði
Mikil spjöll vegna ágangs sjávar
Fornleifafræðingar hafa
undir stjórn Ragnheiðar
Traustadóttur, stjórnanda
Hólarannsóknarinnar, unnið í
kappi við tímann og óblíð
náttúruöflin frá árinu 2003 við
Íslandsmót fullorðinna í
hestaíþróttum 2012 hefst í
kvöld á Vindheimamelum
og stendur fram á
sunnudag. Á mótinu má
búast við að sjá allra
glæsilegustu gæðinga
landsins etja kappi í hinum
ýmsu keppnisgreinum
hestamennskunnar og er
tilvalið fyrir áhugasama að
mæta á Melana en ókeypis
er inn á svæðið.
Í kvöld, fimmtudaginn 19.
júlí, verður keppt í 150 m og
250 m skeiði en föstudagurinn
fer í fjórgangs- og fimmgangs-
keppnir. Laugardagurinn hefst
með töltkeppni sem stendur
fram að kaffihléi en þá hefst
úrslit fjór- og fimmgangs.
Gæðingaskeið mun fylgja í
kjölfarið og eftir matarhlé
verður farið í fluguskeið og svo
B úrslit í tölti. Þá verður gert
hlé á keppni og fólki boðið á
ball í Skálanum þar sem
hljómsveitin Þúfnapex spilar
til 12:00 en þeir sem vilja
skemmta sér meira geta
skroppið á hestamannaball í
Miðgarði með Hljómsveitinni
Spútnik.
Á sunnudaginn hefst
dagskrá kl. 11:00 á 150 m og
250 m skeiði og eftir hádegið
verður keppt í tölti, fjór- og
fimmgangi en mótsslit eru
áætluð kl. 15:30. /PF
Skagafjörður
Spennandi dagskrá
Íslandsmóts
Á Fésbókarsíðu sem stofnuð
var til styrktar fjölskyldu
Friðriks og Bjarnhildar sem
sitja föst í Kólumbíu með
ættleiddar dætur sínar, er ný
færsla sem heitir Lífið heldur
áfram. Þar segir að nýliðinn
júnímánuður hafi verið þeim
sá erfiðasti í lífi þeirra, en
hann sé sem betur fer búinn
og vonandi bjart framundan.
Dómarinn sem haldið hefur
máli þeirra í gíslingu þar ytra
hefur loksins látið það til
„hæstaréttar“ í Medellin.
- Núna erum við að bíða
eftir því hvort „hæstiréttur“
taki við málinu eða ekki. Við
vitum ekki hvað það tekur
langan tíma, en okkur hefur
verið sagt að málið geti tekið
4 – 5 mánuði í þessum rétti.
Einnig hefur okkur verið sagt
að málið okkar geti auðveldlega
tekið 1 ár hérna úti í viðbót.
Þetta verður víst bara að koma
í ljós, segir á síðunni.
-Við erum óendanlega
þakklát ykkur öllum kæra
fjölskylda og vinir fyrir allan
stuðninginn. Það sem skiptir
okkur öllu máli er að geta verið
hérna úti með litlu stelpunum
okkar og ætlum við að gera allt
sem við getum til að vera hérna
úti með þeim jafnvel þótt það
kosti okkur aleiguna því án
þeirra eigum við hvort sem er
ekki neitt sem skiptir máli.
Allar líkur eru á því að þau
Friðrik og Bjarnhildur fái að
vera með stelpurnar hjá sér
meðan málið fer í gegnum allt
ferlið en í landinu er prógram
sem kallast „friendly home“ og
gengur út á það að börn fái að
vera hjá þeim sem þeim líður
best hjá og er hægt að fara fram
á þetta ef þau þurfum að fara
fyrir fleiri dómsstóla.
-Við reynum að vera flesta
daga í rútínunni okkar og erum
við að reyna að byrja að njóta
okkar aftur, það þýðir víst lítið
annað því við yrðum sturluð
að hugsa alla daginn um það
versta sem gæti gerst. En ef það
er til Guð þá á þetta eftir að
enda allt saman vel og förum
við öll saman heim til Íslands
að lokum. Sjá Facebooksíðu
Föst í Kólumbíu. /PF
Birna Salóme og Helga Karólína á góðri stund.
Föst í Kólumbíu
Lífið heldur áfram
að bjarga ómetanlegum forn-
gripum og merkilegum menn-
ingarsögulegum upplýsingum
á tanganum, sem skagar út í
ósinn, frá því að skolast út á
haf.
Ragnheiður Traustadóttir
segir að efnahagsörðugleikar
nú um stundir hafi augljós
áhrif á opinber framlög til
fornleifarannsókna og gildi þá
einu þótt svæði séu í stórhættu.
„Minjavarslan þyrfti að búa
yfir sjóði til að stunda björg-
unarrannsóknir eins og gert er
ráð fyrir í lögum að ráðist sé í
þegar minjar eru í hættu.
Minjar frá ýmsum tímaskeið-
um í sögu þjóðarinnar eru víða
að fara í sjóinn,“ segir Ragn-
heiður. /BÞ
Landbrot af völdum sjávar lék uppgraftarsvæði fornleifa-
fræðinga við Kolkuós í Skagafirði afar illa síðastliðinn vetur
og verður þess freistað nú í sumar að ljúka rannsókn á
vettvangi.
Ljósmynd af uppgraftarsvæðinu í sumar. Mynd: Hólarannsóknin/Jennica Einebrant Svensson
Blönduós
Barn féll milli hæða
Sjö ára gömul stúlka féll á milli tveggja
hæða í heimahúsi á Blönduósi sl.
sunnudag og var hún flutt með sjúkrabíl á
sjúkrahús á Akureyri.
Samkvæmt vefmiðlinum Húna.is fór betur
á en horfðist því stúlkan slapp með skrekkinn
en hún reyndist óbrotin og meiðsl hennar
einungis minniháttar.
Stúlkan var að leika sér á annarri hæð
heima hjá ömmu sinni og afa þegar hún féll í
stiga og á næstu hæð fyrir neðan. Henni
skrikaði fótur efst í stiga, féll niður á hlera yfir
stigaopi á fyrstu hæðinni en hlerinn gaf eftir
svo hún féll alla leið niður í kjallara.
Að sögn lögreglu var fallið um fimm til sex
metrar. /PF