Feykir - 16.08.2012, Qupperneq 9
30/2012 Feykir 9
Solveig Lára
vígð á Hólum
Hóladómkirkja var
fullsetin sl. sunnudag
þegar Solveig Lára var vígð
til vígslubiskups og var
vígslunni varpað beint í
kennslustofu í Hólaskóla,
þar sem einnig var fullt útúr
dyrum. Þá sátu jafnframt
margir fyrir utan kirkjuna
– nutu veðurblíðunnar og
hlustuðu á hátíðarmessuna
sem útvörpuð var í
hátalarakerfi.
Solveig Lára er önnur konan
á Íslandi sem tekur biskupsvígslu
á eftir frú Agnesi Sigurðardóttur,
biskupi Íslands, sem vígð var til
embættisins fyrr í sumar.
Vígsluvottar voru sr. Jón Aðal-
steinn Baldvinsson vígslubiskup
á Hólum og sr. Kristján Valur
Ingólfsson vígslubiskup í Skál-
holti ásamt sex erlendum
biskupum auk sr. Gylfa Jóns-
sonar og Unnar Halldórsdóttur,
djákna. Athöfnin hófst með
göngu presta stiftisins, biskupa
og vígsluþega til kirkju. Kórar
Hóladómkirkju og Möðruvalla-
klaustursprestakalls sungu við
athöfnina og organistar voru
Jóhann Bjarnason og Sigrún
Magnea Þórsteinsdóttir.
Sr. Solveig Lára Guðmunds-
dóttir tekur við starfi vígslu-
biskups á Hólum þann 1.
september næstkomandi.
/BÞ
Biskupsvígsla á Hólahátíð
Framtíðaratvinna
Fólk vantar til starfa í landvinnslu FISK Seafood
á Sauðárkróki til hefðbundinna fiskvinnslu-
starfa. Vinnutíminn er frá kl. 7:00 – 15:30.
Nánari upplýsingar gefur Tómas Árdal
í síma 455 4411 og á staðnum.
BOLFISKVINNSLA : FLÖKUN : LAUSFRYSTING : PÖKKUN : ÞURRKUN
Sjávarleður og Loðskinn
auglýsa eftir starfsfólki
Loðskinn hf. Borgarmýri 5 • IS-550 Sauðárkrókur • Iceland • Tel/Sími +354 453 5910 • Fax +354 453 5626 • www.lodskinn.is
W O O L S K I N T A N N E R Y
Starfssvið:
Um er að ræða framleiðslu á hágæða fiskleðri,
mokkaskinnum, skrautgærum og fleiru til
útflutnings og eru okkar viðskiptavinir
hátískuhús um allan heim.
Upplýsingar veitir Gunnsteinn á staðnum og í síma 864-6016 eða á gunnsteinn@atlanticleather.is
S A U Ð Á R K R Ó K I
Frú Solveig Lára vígslubiskup gengur úr kirkju ásamt hr. Ólafi Ragnari Grímssyni forseta Íslands.
Í faðmi fjölskyldunnar; Solveig Lára Guðmundsdóttir ásamt eiginmanni sínum sr. Gylfa Jónssyni,
móður sinni Kristínu Önnu Eggertsdóttur Claessen, börnum og barnabörnum.
Gengið til hátíðarmessu. Ólafur Ragnar óskaði móður Solveigu Láru, Kristínu Önnu, til hamingju
með dótturina.
Ögmundur Jónasson innanríkisráðherra var viðstaddur biskupsvígsluna.Prestarnir Arna Ýrr Sigurðardóttir, Sigríður Munda Jónsdóttir og Sigríður
Gunnarsdóttir létu sig ekki vanta við vígsluna.
Fjölmennt í Hóladómkirkju. Biskup Íslands, frú Agnes Sigurðardóttir, vígir Solveigu Láru til vígslubiskups.